Ovanthu Vaonganekwa Opo Valongese Ovanthu Aveho Ombimbiliya

Ngetyi Siovaa aonganekele ova Isilayeli kohale, na hono otyo ekahi nokulinga ovanthu vae. Mouye auho onombetele, nomawaneno, novikundyi viokukaivisa, vaundapela kumwe opo vaivise onondaka onongwa. Onthue tuivisa kovanthu vatyo aveho okukutikinyamo vana vapopia omalaka omakuavo. — Ehol. 14:6, 7.

Okuti wasokele-ale okulilongesa elaka ekuavo opo ukuateseko omunthu umwe okunoñgonoka otyili? Inkha utupu omuvo wokulilongesa elaka ekuavo, o JW Language ipondola okukukuatesako okunoñgonoka onondaka mbumwe mbokuhimbika etompho momalaka omakuavo. Inkha ulinga ngotyo, nove upondola okukala nehambu ngeeli ovakilisitau votete vakalele nalio etyi vaivisa kovanthu vovilongo ovikuavo. Etyi ovanthu ovo veiva “ovilinga vihuvisa vya Huku” momalaka avo, atyivehuvisa unene. — Ovil. 2:7-11.

HIKISA OVIDIU YATI: KALA EPANGA LYA SIOVAA — IVISA MELAKA EKUAVO, IYA KONYIMA AMUKUMBULULA OMAPULO AA:

• 

  Onalupi o JW Language ipondola okukukuatesako?

• 

  Ovipuka patyi upondola okuvasa-mo?

• 

  Omalaka patyi apopiwa motelitoliu yove?

• Oityi una okulinga inkha uvasa omunthu umwe wesuka notyili mahi upopia vala elaka ove wahapopi? — Organizados 100-101 §§ 39-41