Okuyawisa Ounongo Wetu Wokuivisa​—Okupopia Novanthu Velaka Ekuavo

Tyakolela Mokonda Yatyi: Jeova wesuka novanthu “vomalongo aeho.” (Atos 10:34, 35) Moluotyo, Jesus walekesa okuti Ouhamba wa Huku, maukaiviswa ‘mo nonthele ambuho mbohi,’ no “movilongo aviho.” (Mat. 24:14) Zakaria waulile okuti, ovanthu “mavatundu momalaka aeho ovilongo,” avetavela Ouhamba wa Huku. (Zac. 8:23) Ngetyi tyilekesa emonekelo lia apostolu João, otyinyingi tyovanthu mavahupu mononkhumbi ononene, “mavatundu movilongo aviho, momihoko aviho, momalongo aeho, no momalaka aeho.” (Rev. 7:9, 13, 14) Ngotyo, tyina tuamavasi omunthu upopia elaka ekuavo, tuna okulinga atyiho tuvila opo tumuavele oumbangi.