Tuhilivikei Jeova Noviimbo

Paulu na Sila vahilivikile Jeova noviimbo tyina ankho vekahi mokaleya. (Atos 16:25) Tyotyili oviimbo vievepamekele nokuvekuatesako okukoleleya. Iya hono? Oviimbo tuimba momaliongiyo etu vipondola okupameka oupanga wetu na Huku nokutukuatesako okukoleleya movitateka. Ovinyingi, vihilivika Jeova. (Sal. 28:7) Tupondola okupamekwa tyina tunoñgonoka oviimbo vimwe. Okuti nove otyo ukahi nokulinga? Mefendelo liombunga tupondola okulilongesa okuimba oviimbo vimwe.

TALA OVIDIU YATI: OVANA VAHILIVIKA JEOVA NOVIIMBO, IYA KONYIMA AMUKUMBULULA OMAPULO AA:

• Ouwa patyi utundilila-ko tyina tuimba oviimbo Mondyuo Youhamba?

• Oñgeni Oseketa Yokungalavala ilipongiya pala okungalavala oviimbo?

• Oñgeni ovana no nombunga velipongiya pala okukangalavala?

• Otyiimbo patyi uhole vali iya omokonda yatyi?