Vimwe Upondola Okulilongesa

Lilongesa “Oviimbo” Vietu Ovipake Momutwe

Lorraine ukala ko Amelika wati: “Pamwe ndyilitehela ñgaa ngoti hisilivila-le. Tyina namelitehela ngootyo, Siovaa umphameka noviimbo vyo JW Broadcasting^®.”

Nkhele vala tya kohale, ovanthu va Huku vaimba-le “oviimbo” vihilivika Huku. (Kolo. 3:16) Ine ulilongesa-vio ovipake momutwe, mavikukwatesako na tyina umwe wehena omukanda woviimbo, hamwe otelefone. Linga ovipuka evi mavikukwatesako okupaka oviimbo momutwe:

• Tanga umwe nawa onondaka mbatyo, onoñgonoka etyi mbupopia. Otyipuka omunthu ahalimbwa, otyetyi anoñgonoka umwe nawa. Oviimbo vietu, tyilinge vyo mo JW Broadcasting, tyilinge viokwalingilwa ovana, aviho vili mo jw.org. Tyina wamanyingila mo jw.org, enda apa pokwati “Omikanda,” pahe oende apa pokwati, “Oviimbo.”

• Uti otyo utyitehelela otyo uhoneka. Ine otyo ulinga ngootyo, mopake vali liwa momutwe onondaka mbotyiimbo. — Epal. 17:18.

• Imbila peulu. Tanga, okuti hatyo oimbi, mahi opalaika-po.

• Pahe tala ine uhinangela onondaka mbatyo. Imba vala ngootyo otyo wahatale-po, pahe haa otale-po utale ine onondaka waimba ombo umwe mbuli-po.