OLUMONO LUKAHI MONDAKA YA HUKU | GÊNESIS 9-11
“Ovanthu Aveho Ankho Vapopia Elaka Like”
Ko Mbabele, Siovaa wayandyanesile ovanthu vehetavela iya apilulula elaka liavo. Hono Siovaa ukahi nokuongiya ovanthu vomalongo aeho nomalaka opo eveavele “elaka liasukuka” opo “aveho vapopie enyina lya Siovaa, nokumuumbila aveho kumwe.” (Sof. 3:9; Ehol. 7:9) “Elaka liasukuka” otyili konthele ya Siovaa nehando liae livasiwa mo Mbimbiliya.
Okulilongesa elaka epe hakupaka vala onondaka onomphe momutwe, tupu tyakutikinya okulilongesa onkhalelo omphe yokusoka. Tyelifwa notyo, tyina tulilongesa elaka liasukuka otyili, omalusoke etu ena okupiluluka. (Loma 12:2) Tyina ovanthu va Huku vatualako okulilongesa tyivekuatesako okulikuata okapandi. — 1 Kol. 1:10.