KALA NOMBILI MOVILINGA VIOKUIVISA | YAWISA KEHAMBU LIOVE MOVILINGA VIOKUIVISA
Longesa Ovalongwa Vove Okulilongesa
Onthue tulongesa umwe ovalongwa vetu otyili. Mahi etyi tuvelongesa, katyituuka vanoñgonoke umwe nawa Siovaa avapame motyili. (Mat. 5:3; Heb. 5:12–6:2) Muene navo vesukisa okulilongesa. Mahi onthue tuna otyilinga tyokuvelekesa oñgeni tyilingwa.
Tyina muamahimbika umwe okulilongesa nomunthu umwe, mupopila atange-tange etyi ha mamulilongesa, mahi tupu omulekesa oñgeni tyilingwa. (mwb18.03 6) Mupopila okuti otyiwa okulikuambela tyina nkhele ehenehimbike okulilongesa. Mukuatesako okupaka omikanda motelefone yae nomo kombutandole yae. Mulekesa apa apondola okunyingila opo avase ovipuka ovipe viapakwa mo jw.org nomo JW Broadcasting®. Katutu-katutu otyo umukuatesako opo atange Ombimbiliya ononthiki ambuho, nokulilongesa etyi ha matyililongeswa meliongiyo. Ine una epulo, mukuatesako okunoñgonoka apa apondola okuovola ekumbululo liatyo. Mahi tupu wahalimbueko okuvelongesa okusoka ku etyi velilongesa.
TALA OVIDIU YATI: KUATESAKO OVALONGWA VOVE OKUNOÑGONOKA OÑGENI VENA OKUPAMEKA OUPANGA WAVO NA HUKU. OKUMBULULA OMAPULO AA:
Oñgeni Nita akuatesako Jade okunoñgonoka okuti okulilongesa hakuovola vala omakumbululo tyapwa?
Oityi tyakuatesako Jade okutala okuti etyi Siovaa apopia okuti muahalingei oundalelapo noumbalehi, wetyipopia vala pala ouwa wetu muene?
Longesa ovalongwa vove okulilongesa
Jade wamona okuti okusokolola oityi?