Onondaka Mbokuhimbika
Okuti uhanda okukala mouye muhena ovilwa, muhena onondyaya? Ovanthu ovanyingi vetyihanda umwe, mahi vasoka okuti hatyiliko-ale onondyoi vala. Ombimbiliya ipopia omokonda yatyi ovanthu vehetyivilila okumana-ko ovilwa. Tupu ipopia oityi tyituyumbisa-ko onthumbi yokuti apa katutu mouye mamukala ombembwa.
Momukanda ou, onondaka mbati “ovilwa” “nonondyaya” mbupopia ovanthu votyilongo tyimwe valwa no votyilongo otyikwavo, valwila outumini. Omanyina ovanthu vamwe vapopiwa momukanda ou apilululwa.