Omokonda Yatyi Ovilwa Nonondyaya Vitwailako?

ONKHALI

Ovo tate yetu ovo Andau na Eva, Huku wevetungile otyifwika tyae. (Ehimbikilo 1:27) Otyo tyilekesa okuti ankho vapondola okuhetekela etyi Siovaa ekahi, okukala ovanthu vombembwa no volwembia. (1 Ova Kolindu 14:33; 1 Swau 4:8) Mahi ovo Andau na Eva avehetavela ku Huku, avakwate onkhali. Pahe atuho onthwe ovana vavo, twapiñgana kuvo onkhali nononkhia. (Ova Loma 5:12) Mokonda twapiñgana onkhali, pahe twayemba vala kokusoka ovipuka vihekahi nawa, nokusoka vala okulwa. — Ehimbikilo 6:5; Maluku 7:​21, 22.

OVATUMINI

Huku ketutungile tulihongolele. Ombimbiliya yati: “Omunthu weenda nonomphai mbae vala hae-ko umbululika.” (Selemiya 10:23) Otyo ovatumini vehetyivilila okumana-ko ovilwa nonondyaya.

SATANASI NOVILULU VIAE

Ombimbiliya yapopia okuti: “Ouye auho uli peke liondingavivi.” (1 Swau 5:19) “Ondingavivi oyo” o Satanasi Eliapu, utyihanda umwe tyokwipaa ovanthu. (Swau 8:44) Satanasi novilulu viae, ovo vahohiya ovilwa nonondyaya. — Eholololo 12:​9, 12.