Okuyawisa Ounongo Wetu Wokuivisa Tukuateseiko “Vana Vafuapo” opo Vakale Ovalongwa

TYAKOLELA MOKONDA YATYI: Jeova oe ukulisa otyili momitima vya “vana vafuapo opo vakakale nomuenyo uhapu.” (Atos 13:48; 1 Cor. 3:7) Onthue tuundapela kumwe na Jeova, putyina tulinga ononkhono mbokuovola vana vaendela muetyi valongeswa. (1 Cor. 9:26) Vesukisa okunoñgonoka okuti okumbatisalwa tyesukisa opo vakayovoke. (1 Ped. 3:21) Onthue tukuatesako ovalongwa vetu okukala ovalanduli va Jesus mokuvelongesa okulinga omapiluluko momuenyo wavo opo vaivise nokulongesa iya avelipakula ku Jeova. — Mat. 28:19, 20

TYILINGWA ÑGENI:

• Hinangelesa ovalongwa vove okuti mulilongesa tupu Ombimbiliya opala uvekuateseko ‘okunoñgonoka Jeova’ nokumuhambukiswa. — João 17:3.

• Vekuatesako okupameka oupanga wavo na Huku, mokuluisa ovitateka vimwe ngetyi ovituwa ovivi nomapanga omavi.

• Veavela ondundo tyina vehenembatisalwe na tyina vamambatisalwa. — Atos 14:22.

TALA OVIDIU YATI JEOVA HUKU MEKUKUATESAKO, IYA KONYIMA AMUKUMBULULA OMAPULO AA:

• Ovipuka patyi vipondola okulingisisa omunthu okuhelipakula nokumbatisalwa?

• Oñgeni ovakulu vewaneno vapondola okukuatesako ovalongwa vo Mbimbiliya okupameka oupanga wavo na Huku?

• Oityi Isaías 41:10 itulongesa konthele ya Jeova?

• Ovituwa patyi mavitukuatesako okuumbila Jeova monkhalelo etavela, namphila tuvakuankhali?