Yongyera Kwesiga Amaani ga Yehova ag’Okujuna

Shoma Okubara 13:25–14:4 kureeba oku Abaisraeli baremirwe kwesiga Yehova.

Shwijuma ebyetooroire emishororongo egyo. Ahabw’enki Abaisraeli baabaire baine obwesigye ngu Yehova naija kubajuna, obu baabaire nibaruga Misri? (Zab. 78:​12-16, 43-53) Niki ekyabareetaire kurekyera aho kumwesiga? (Bir. 1:​26-28) Yoshua na Kalebu bakooreka bata ngu nibeesiga Yehova?—Kub. 14:​6-9.

Condooza. Abaisraeli bakaba baine kukora ki kwongyera kwesiga Yehova? (Zab. 9:10; 22:4; 78:11) Okwesiga Yehova kwine kakwate ki n’okumuha ekitiinisa?—Kub. 14:1.

Gira ebi waayega. Yebuuze oti:

• ‘Ni mbeera ki ezirikubaasa kugyeza obwesigye bwangye omuri Yehova?’

• ‘Nimbaasa kukora ki kwongyera kuhamya obwesigye bwangye omuri Yehova hati n’omu biro by’omumaisho?’

• ‘Nyine bwesigye ki obu okubonabona kwingi kuri haihi kubaho?’—Luk. 21:​25-28.