Momwe Mungaphatisire Basa Kabukhuka

M’matsamba yakuteweraya, mun’dzagumana vesi la m’Bibliya pa ntsiku iri-yentse pabodzi na ndime yomwe inkufotokoza vesiro. Napo kuti mavesiya yangawerengedwe pa nthawe iri-yentse, azinji ambafuna kuyawerenga ku macibese. Bzimwebzi bzimbawathandiza kuti iwo ambakumbukire bza vesiro ntsiku yentseneyo. Kucezerana vesi la ntsiku na banja lanu kun’dzakubwereserani phindu likulu kwene-kwene. Ndipo mabanja ya Beteli ya pa dziko lentse la pantsi yambawerenga vesi la ntsiku pa nthawe ya cakudya ca kumacibese.

Nkhani zomwe ziri m’kabukhuka zacosedwa mu Ntsanza ya Mulindiri (w) kuyambira ya mwezi wa Abril, 2020 mpaka ya Março, 2021. Mulewengo omwe uli patsogolo pa mwezi wa Ntsanza ya Mulindiri ni tsamba la revistayo ndipo mulewengo omwe unkutewera ni ndime zomwe nkhaniyo yatengedwa. (Onani ciratizo ca bzimwebzi panyantsipa.) Kuti mudziwe bzizinji bza nkhaniyo, mungaiwerenge mu revista yomwe yalatidwayo.