Egerebu

Nu Jizɔs Bee Doo

VIDIO: Jizɔs Bee Egerebu Sa Yerebah Nɛ Ye Wuga

1. Si ee lo VIDIO, ale o buū Jɔn 7:3-5 le 1 Pya Kɔrint 15:3, 4, 7. Lɛɛ o agara pya ebip a nyɔɔnɛ ama:

1. Pya wuga Jizɔs bee doo dogo kumaloo yereue Jizɔs doodoo wa tua sɔ̄?

2. Ena a tɔgɛ kɔ Jizɔs bee kiisī lo eyerebah nɛ ye wuga Jems a?

Ena I Nɔ Aāloo Jizɔs A?

2. Lu ebɛɛ̄ kɔ i egerebu nyɔnɛbee a wee su sɔ̄ bah pio nɛɛ kaāna lɛɛ ba gae su kaka ue.

Nɔ Jizɔs

3. Nyaana bahloo sīdee o su zuema ue. Lo lo nɛɛ naa yiga enyɔɔnɛ a nɔ Baibol aba lo sɔ̄, o aa ye su bah ekpo aā. Sɔ̄ a bɔloo, su vidio ale ziī ekobee ue ye yeābah nɛ kɔ a muɛ kɛ̄ a wee lu esere bahloo enɔānu Baibol doo le biī e’ɛrɛ aāloo.

4. O aa su nɛɛ dooreloo ziī. Nɛɛ lu keekee. Lo ziī nɛɛ o butɔ ale nɛɛ o bee obia si loo naa yiga enɔ Baibol ale yiga ziī kaka ue a le bu Baibol, gbītɛ̄ nu anua a doo wo. Ekɔ a ɛrɛ ziī sīdee yigabari a ye kuī loo kaāna ni? Ekɔ aa kpesī bii nɛ kɛ̄ a aabah pya ye wuga ale pya le ɛɛ gbaa tɔɔ̄ ni? Lɛɛbahloo kɔ sɔ̄ a tɛɛ̄ lokwa a dap kɛɛrɛbu loo ue o bee ye kɔ nɛ sa muɛ kɛ̄ ue a le bu Baibol dɔbiī doo.

5. Yere kara bee nɛɛ a tɔgɛ nia. Bara Jɛhova kɔ a yerebah a nɛ kɔ o aa pee beenyiɛ a le kɔ o kiisī lo esu kari daā. Bara Jɛhova kɔ a nɛ a buābee lokwa o suā sɔ̄ o ɔbɛ esi loo nɛɛ a naa tɔgɛ taɛ.—1 Kɔr 9:26.