Pya Nu O Dap Nɔ Nyɔɔ Oloo Ale Bu Enɔānu Butɔ

I wee gbaa bɔŋia bu gbɛnɛ eku sa taāŋabah Jɛhova bie i enɔānu, Asɛmbli, le Kɔnvɛnsɔn, e ziī ziī ii wee taāŋanage bah Jɛhova sɔ̄ i nɔ nu nyɔɔ i loo le sɔ̄ i ɛrɛ enɔānu butɔ. Pio nu o dap nɔ nyɔɔ oloo le sɔ̄ bui gaa ɛrɛ enɔānu butɔ na ama:

• Kpɛ̄naloo pya nu elu enɔ bie enɔānu. O dap nɔ yɔɔ elu e’uɛ sa yerebah nɛ dɛ̄dɛɛ̄ pya a le o butɔ kɔ ba a kpɛ̄naloo ebip ba e’agara bie enɔānu.

• Buū ziī e’ɛma a le bu Baibol. Sɔ̄ esaa o tɔ̄ ziī nu lo e’ɛma kɔ nu akiiloo ale o ɛm nu o nɔ aāloo serekɛ̄.

• Ɛp nu akiiloo ziī kara a le bu Baibol sa bui kɔnia kɛ̄ edap i yerebah nɛ kɔ bui nyimɛ bui sīdee yere kara yereloo doo.

• Ɛp ziī vidio a le nyɔɔ jw.org sa bui kɔnia nu bui nɔ aāloo ale bui ɛm nu bui nɔ aāloo.

• Nɔ kɛ̄ esere baloo zue ue doo, naadaba bui dap tɔgɛ siā bu edoba.

• Ɛp pya nu alu edɛm sa nɔ ale bui kɔnia nu a i tɔgɛ akiiloo Jɛhova.a