18 NUENƆ

Doo Kɔ A Lu Aā Ue

1 Kɔr 9:19-23

TƐƐ̄NYƆƆ: Kɔ nu edoo kɔ pya a gaa a gbaɛ̄tɔ̄ a ɛrɛ ekɛɛrɛ, nu edoo kɔ ba a ɛrɛ ekɛɛrɛ nyɔɔ lo ekobee ue kaāna sa ɛrɛ nu ba aabaloo aābu.

Kɛɛrɛbu nu pya o gaa kɔ ue nɛ ebee dasī suā. Taā o aadee kɔ nu ba ebee dā tua sɔ̄, doo kɔ ba a dābeeloo lo ue bu aā sīdee.

Nwaābah kɔ pya ue ba ebee suā a, mɛ kɛɛrɛloo sɔ̄ o kɔ pya lo ba sii bee suā.
Gbītɛ̄ sa ɛrɛ ekɛɛrɛ nyɔɔ. Pio sɔ̄ lo a waɛ, su pya ue ba naa suā kaāna ale nu a aā esira baātɛ̄ o ue. Kɛɛrɛbu loo kɛ̄ o ue le doo, le kɛ̄ o ue le pya nu o gbī esu yere bu gbaaloo ziī doo lo edoo kɔ kpog-bee nu a le bu a sira leere.

Kuma sɔ̄ o gaa tɛɛ̄nyɔɔ o nu edoo, nyimɛ kɛ̄ olo kɛɛrɛbu loo nu doo tɛ̄maloo ebip ebip ama aba ɔɔ ‘e, e na anua, mɛ sɔ̄, mɛ kɛ̄, mɛɛ̄, le bu mɛ sīdee.’ Yere dum bu o ekɔaue tɛ̄maloo ebip sa agara pio pya ebip ama bu dɛ̄dɛɛ̄ lo nu edoo.
Tɔgɛ kɛ̄ o ue dɔbiī doo. Baatɛ̄ kɛ̄ pya kpog-bee nu a le dɔ Kpa Kaɛ dap yerebah nɛ pya a gaa a gbaɛ̄tɔ̄ bu wa tɔɔ̄dum ziī ziī dee doo. Kɔ nu akiiloo ziī ziī pya lo kɛ̄tɔɔ̄, elap le dogo, lo pya a gaa a gbaɛ̄tɔ̄ suā.