Kɛɛrɛ Pya Dɔɔ̄na

Nu Jizɔs Bee Doo

VIDIO: Jizɔs Bee Toesaɛ̄ Gbɛnɛkpo Nɛɛ

1. Si ee lo VIDIO, ale o buū Maak 6:30-34. Lɛɛ o agara pya ebip a nyɔɔnɛ ama:

1. Ena anua Jizɔs le pya a wee ye nyɔɔnɛ dumɛ bee gbī “ekii kɛ̄ alu kpoogaloo” a?

2. Ena a bee zū Jizɔs kɔ a tɔgɛ nu gbɛnɛkpo nɛɛ a?

Ena I Nɔ Aāloo Jizɔs A?

2. Kɛkɛɛrɛ pya dɔɔ̄na edoo kɔ i yerebah wa nɛ e a naale aba ezue ue wa nɛ.

Nɔ Jizɔs

3. Gbaɛ̄tɔ̄loo nɛɛ leere. Lɛɛbaloo lo nɛɛ kɔ a kɔ kɛ̄ nu ye tɔɔ̄loo doo. O aa pɛɛ yii bu ue aa kɔ ale ɛp kɛ̄ nu ye tɔɔ̄loo doo, pya nu aa ye nɛ taāŋa ale pya ue a kɔ tɛrɛ. Tɛ̄maloo egbaɛ̄ ye tɔ̄loo leere, o tɔgɛ kɔ o kuūe ye dɛɛ̄loo le kɔ o dābeeloo kɛ̄ a kɛɛrɛ nu doo.

4. Kɛɛrɛbu nɛɛ a ɛrɛ taɛ. Dɛɛa nyɔɔ pya ue o bee ye nyɔɔnɛ kɔnia, bip aba ɔɔ kɔ:

1. ‘Ena anua alu ebɛɛ̄ kɔ a dā kaka ue a?’

2. ‘Bu mɛ sīdee na nɔ Baibol edoo kɔ ye dum anyaawo le deesī li a lee a?’

5. Kɔ pya ue eyerebah ye nɛ. Sɔ̄ o emɔna kɔ a bɔloo, kɔ ye nɛ kɛ̄ nɔ Baibol dap agara pya ye ebip sa ye yerebah nɛ doo.