Iseri Jehova a Kẹnoma Rẹn Aruẹ Ughe, Ẹbe, Yanghene Ikpekporo Ezẹko?

Ẹjo. Ukoko ame ọ hunute aruẹ ughe ezẹko, ẹbe, yanghene ikpekporo ra na kẹnoma riẹ-ẹn. Mesoriẹ?

Baibol na ọ ha urhebro rẹn owuowọnwan no yono “omẹgbanhon ọmẹrẹnvwrurhe” ọnẹyen, nọ sabu fi ovẹnẹ rhẹ oborẹ ọgbare ọrhẹ oborẹ ọsọre.—Hebrews 5:14.

Baibol na o vwo iruemru-urhi sansan ri na ha userhumu rẹn Olele Kristi sanọ iruẹn ọrhẹ ughe ri serhọ.a O fori na rha damoma ọke ephian na sabu “rha damerhọ ekwakwa ri na lẹrhẹ oma merhen Ọrovwori na.”—Ephesians 5:10.

Baibol na o yonorin taghene urhomu ekrun i vwo ibiẹ omẹgbanhon, omarana aye ina sabu brorhiẹn taghene aye a guọlọ nẹ ihworho ri ha uvuẹn ekrun aye i vwobọrhọ aruẹ iruẹn yanghene nughe ezẹko-o. (1 Corinthians 11:3; Ephesians 6:1-4) Ọrẹn, gbobọhiẹn uvuẹn ekrun na, ohworho owuorowu o vwo omẹgbanhon rọ nọ ta rẹn awọrọ otafe taghene Iseri Jehova i vwe ni aruẹ ughe, ikpekporo yanghene ifoto ezẹko-o.—Galatians 6:5.