Eri Hwuru na Ine Ghini Sabu Rharhumu Nyerẹn?

OBORẸ I BAIBOL NA Ọ TARE

“Ono vwo ẹrhọmọnuhwu.”—Acts 24:15, New World Translation.

OBORẸ ỌRANA ỌNỌ SABU MEVIRHỌ WẸN

Urhebro ha wẹn ọke ohworho wu vwo ẹguọlọ kpahẹn orho hwu.—2 Corinthians 1:3, 4.

Ofẹn uhwu orho mwo-on.—Hebrews 2:15.

Obọdẹn ifiẹrorhọ wu na rharhumu kwomakugbẹ ihworho wu vwo ẹguọlọ kpahẹn ri hwuru.—John 5:28, 29.

WAN INE GHINI SABU KWERHỌ OBORẸ I BAIBOL NA Ọ TARE?

Ee, orho riotọre, fọkiẹ iroro esa:

• Osolobrugwẹ yọ ma arhọ. Baibol na o se i Jehova “esiri arhọ.” (Psalm 36:9; Acts 17:24, 25) Ohworho ro tiobọnẹ arhọ harẹn ekwakwa ephian re nyerẹn, ọnọ sabu rharhumu ha arhọ harẹn ohworho ro hwuru.

• Osolobrugwẹ ọ rhọmọ ihworho ri hwuru ọke ahwanren. Baibol na o vwo iyẹnrẹn awan ẹrẹnren ra rhọmọnuhwu rhiẹ akpọ na, usuẹn aye yẹ emọvwerhe, emomaren, ehworhare ọrhẹ emẹse. Ezẹko i hwuru, ojiri-i na rhọmeren aye, ọrẹn, owu vwọye ọ daji usin ẹdọke ẹne!—John 11:39-44.

• Osolobrugwẹ o vwo omwemẹ rọ nọ rharhumu ruie. Jehova o vwo utuoma kpahẹn uhwu; o nirien jerẹ ọvwreghrẹn. (1 Corinthians 15:26) O vwo ọdamẹ ọgbogbanhon ro no tiẹ uhwu nie nyoma ẹrhọmọnuhwu na. O vwo ọdamẹ rọ nọ rhọmọ ihworho rọ guọlọre ni rharhumu nyerẹn uvuẹn otọrakpọ na.—Job 14:14, 15.