Otọrakpọ na o “Mwu Urhie na rọ”

Ọke ahwanren, ihworho ri vwo omẹgbanhon usun i ha userhumu rẹn ihworho i Jehova uvuẹn erhirhiẹ sansan. (Ezr 6:1-12; Es 8:10-13) Uvuẹn ọke ọwan dede, a ji mẹrẹn oborẹ “otọrakpọ na” ro rhiẹ ihworho ri vwo omẹgbanhon usun uvuẹn enyerẹn ọnana, e mwu “urhie” ọrẹ ẹkparehaso na rọ, ro nẹ unu “agbakara na” sa ro rhiẹ i Dẹbolo na. (Re 12:16) Ọkezẹko, Jehova ro rhiẹ Osolobrugwẹ “ro simi ihworho,” ọ sabu lẹrhẹ ihworho re suẹn ha userhumu rẹn ihworho enẹyen.—Ps 68:20; Pr 21:1.

Ọrẹn, me wu ne ruo orhianẹ e mwuruon rhẹ ekanron fọkiẹ esegburhomẹmro ọnọ? Wu vwe vwo iroro eveva taghene i Jehova ọ vwọ mẹruọ-ọn. (Ge 39:21-23; Ps 105:17-20) Vwo imwẹro taghene ana kwosa wẹn fọkiẹ esegburhomẹmro ọnọ, jeghwai rhe taghene emevigbanhon ọnọ ọ ha udu rhẹ imizu na ephian aghwẹ.—Php 1:12-14; Re 2:10.

NI IVIDIO NA E TIOBỌNU IMIZU RI HA EKANRON OBẸ I KOREA, ORHO RU GBA KPAHENRHỌ ENỌ ENANA:

• Mesoriẹ e mwu imizu ọwan ri te uriusionrin buebun uvuẹn i South Korea rhẹ ekanron?

• Orhienbro ego ye bruru uvuẹn aghwẹlẹ ẹzọn ro lele fi ọrẹ e kiki tiobọnu imizu ọwan ezẹko phẹphẹrẹ?

• Marhẹ ene ru ha userhumu rẹn imizu ọwan re fi rhẹ ekanron fọkiẹ esegburhomẹmro aye?

• Marhẹ yo fori na ha ugbomọphẹ re vwori vwana ruiruo lele?

• Ọrọmo yọ ha oberhumu efikparobọ ọwan uvuẹn aghwẹlẹ ẹzọn?