Karorhọ Nẹrhomo Harẹn Ilele Kristi ra Kparehaso

Baibol na ọ mẹraro taghene Echu ọnọ kparehaso ọwan, nọ sabu dobọ iruo aghwoghwo na ji. (Joh 15:20; Re 12:17) Marhẹ ọwan ine ru sabu ha userhumu rẹn Ilele Kristi ra rioja ẹkparehaso uvuẹn ẹkwotọre erọrọ? Ọwan ina sabu nẹrhomo harẹn aye. “Ẹrhomo ohworho ọvwata o vwo omẹgbanhon ọgbogbanhon.”—Jas 5:16.

Me yẹ ọwan ina sabu nẹrhomo kpahen? Ọwan ina sabu nọ i Jehova nọ yẹ imizu ọwan ehworhare ọrhẹ emẹse uduefigbere nẹ ofẹn o jo rho mwu aye. (Isa 41:10-13) Ọwan ina ji sabu nẹrhomo nẹ erẹ suẹn ni vwo omamọ uruemru kpahen iruo aghwoghwo na, ‘neneyo ọwan i sabu rhe nyerẹn akpọ ufuoma ọrhẹ omefuon.’—1Ti 2:1, 2.

Ọke ra kparehaso Paul ọrhẹ Peter, Ilele Kristi erukaro i nẹrhomo harẹn aye nyoma aye se odẹ aye. (Ac 12:5; Ro 15:30, 31) Orhianẹ ọwan e rhe ọsoso edẹ era kparahasua inyenana-a, ọwan ina sabu hunute ukoko, ẹkwotọre yanghene ekete rẹ aye i nurhe?

Ya odẹ ẹkwotọre ri vwo Ilele Kristi ra kparahasua wu guọlọ fi rhẹ ẹrhomo ọnọ.