ENYERẸN ILELE KRISTI
Hẹroso i Jehova Erhe Sehiọn
Ere sehiẹn awan ina sabu suẹ ẹkuọn ugboma rẹn ọwan yanghene lẹrhẹ ẹhẹn ọwan seriotọre. Orhianẹ a zofẹn ọke aye a hasuẹ ogame ra ha rẹn i Jehova, ọrana ọnọ sabu hobọte onyerẹnkugbe ọwan rhẹ i Jehova. Marhẹ wu ne ru sẹrorẹ oma nẹ ere sehiẹn awan?
Idibo i Jehova buebun i sabu diẹn osehiẹn ne nyoma aye a hẹroso i Jehova. (Ps 18:17) Jerẹ udje, ọke Haman ro rhiẹ ọvwọkon ọ djiroro ọvwiavwia kpahen Esther ọrhẹ ihworho yi, Esther nọ ta rẹn orodje na kpahiẹn. (Es 7:1-6) Ọrẹn, bọmọke o ki ru omaran, ọ hẹroso i Jehova nyoma ro zinrin orhọmo. (Es 4:14-16) Jehova nọ ha ebrurhọ riẹn ji sẹroriẹ ọrhẹ ihworho yi.
Iphuphẹn, orhianẹ e sehiẹn are, are i nẹrhomo vwe i Jehova nọ sa are erhumu, ji ta rẹn omirẹghwa are i hẹroso jerẹ eri vwiẹrẹ are kpahen ebẹnbẹn na. Are ina sabu vwo imwẹro na taghene i Jehova ọnọ ha userhumu rẹn are jerẹ oborẹ o ru rẹn Esther. Me yẹ are ina ji sabu ru orhianẹ e sehiẹn are?
NI IVIDIO NA AKPENYERẸN MẸ ỌKE UPHUPHẸN—MARHẸ MI NE RU SABU NYERẸNGHELE OSEHIẸN? ORHO RU GBA KPAHENRHỌ ENỌ ENANA:
Me yẹ iphuphẹn ina sabu yono nẹ udje i Charlie ọrhẹ Ferin?
Me yẹ emiemọ ina sabu yono nẹ oborẹ Charlie ọrhẹ Ferin i tare kpahen oborẹ ene ru ha userhumu rẹn emọ orhianẹ e sehiẹn aye?