ଅନ୍ୟମାନଙ୍କୁ ଆଦର କରନ୍ତୁ
ଅନ୍ୟମାନଙ୍କୁ ଆଦର କରିବା କାହିଁକି ଜରୁରୀ ଅଟେ ?
ଯଦି ଆମେ କାହାରି କଥାରେ ସହମତ ନାହୁଁ, ତଥାପି ଆମେ ତାଙ୍କର ଆଦର କରୁ ତେବେ ପରିସ୍ଥିତି ଖରାପ ହେବାଠାରୁ ରୋକିପାରିବା ।
ପବିତ୍ର ଶାସ୍ତ୍ର ବାଇବଲରେ ଲେଖାଅଛି, “କୋମଳ ଉତ୍ତର କ୍ରୋଧକୁ ଦମନ କରେ; ମାତ୍ର କଟୁ ବାକ୍ୟ କୋପ ଜନ୍ମାଏ ।” (ହିତୋପଦେଶ ୧୫:୧) ଯଦି ଆମେ ଅନ୍ୟମାନଙ୍କର ଆଦର କରୁନୁ, ତେବେ କଥା ଓ କାମରେ ଆମେ ଅନ୍ୟମାନଙ୍କ ସହ ଖରାପ ବ୍ୟବହାର କରିପାରିବା । ଏପରି କରିବା, ନିଆଁରେ ଘିଅ ଢାଳିବା ଭଳି ହେବ ଏବଂ ପ୍ରାୟ ଏହାର ପରିଣାମ ବହୁତ ଖରାପ ହୋଇଥାଏ ।
ପବିତ୍ର ଶାସ୍ତ୍ରରେ ଏହା ବି ଲେଖାଅଛି, “ହୃଦୟର ପୂର୍ଣ୍ଣତାରୁ ମୁଖ କଥା କହେ ।” (ମାଥିଉ ୧୨:୩୪) ଅର୍ଥାତ୍ ଯାହା ହୃଦୟରେ ଅଛି ତାହା ହିଁ ମୁହଁରୁ ବାହାରେ । ଏଥିରୁ ଜଣାପଡ଼େ ଯେ ଆଦରର ସହ କଥା ନ ହେବା ପଛରେ ଆହୁରି ବି କିଛି କାରଣ ଥାଇପାରେ । ହୁଏତ ଆମେ ଏପରି ଲୋକଙ୍କୁ ପସନ୍ଦ କରୁନୁ ଯେଉଁମାନେ ଅଲଗା ଜାତିର, ଗୋଷ୍ଠୀର ବା ଦେଶର ଅଟନ୍ତି କିମ୍ବା ଯେଉଁମାନଙ୍କ ସମାଜ ଆମଠୁ ଅଲଗା ଅଟେ ।
କିଛି ସମୟ ପୂର୍ବେ ୨୮ଟି ଦେଶରେ ୩୨,୦୦୦ରୁ ବି ଅଧିକ ଲୋକଙ୍କ ସର୍ଭେ ନିଆଗଲା । ସେଥିମଧ୍ୟରୁ ୬୫ ପ୍ରତିଶତ ଲୋକମାନେ କହନ୍ତି ଯେ ଆଜିକାଲି ଲୋକଙ୍କ ଆଚରଣ ପୂର୍ବ ଭଳି ଆଉ ନାହିଁ ଓ ସେମାନେ ପରସ୍ପରକୁ ବିଲକୁଲ୍ ବି ଆଦର ଦେଖାନ୍ତି ନାହିଁ ।
ଆପଣ କିପରି କରିପାରିବେ ?
ଯେବେ ଆପଣ ଅନ୍ୟମାନଙ୍କ ସହ ସହମତ ହୁଅନ୍ତି ନାହିଁ, ତେବେ ବି ତାଙ୍କର ଆଦର କରନ୍ତୁ । ଆପଣ ଯେଉଁଠି ବି ରହନ୍ତୁ ନା କାହିଁକି, ସମସ୍ତଙ୍କୁ ଆଦର କରନ୍ତୁ । ସେହି କଥାଗୁଡ଼ିକ ବିଷୟରେ ଭାବନ୍ତୁ, ଯେଉଁଥିରେ ଆପଣ ତାଙ୍କ ସହ ସହମତ ହୋଇପାରିବେ । ଏପରି କଲେ ଆପଣ ତାଙ୍କ ବିଷୟରେ ଭୁଲ ଧାରଣା ରଖିବେନି ଆଉ ନା ତାଙ୍କଠାରେ ଭୁଲ ଖୋଜିବେ ।
ଅନ୍ୟମାନଙ୍କ ସହ ସେପରି ବ୍ୟବହାର କରନ୍ତୁ, ଯେପରି ଆପଣ ଚାହାନ୍ତି ଯେ ସେମାନେ ଆପଣଙ୍କ ସହ ବ୍ୟବହାର କରନ୍ତୁ । ଯଦି ଆପଣ ଅନ୍ୟମାନଙ୍କର ଆଦର କରିବେ, ଆଉ ତାଙ୍କ ସହ ଭଲ ବ୍ୟବହାର କରିବେ, ତେବେ ହୁଏତ ସେମାନେ ମଧ୍ୟ ଆପଣଙ୍କ ସହ ଭଲ ବ୍ୟବହାର କରିବେ ।
ଅନ୍ୟମାନଙ୍କୁ କ୍ଷମା କରନ୍ତୁ । ଯଦି କେହି ଆପଣଙ୍କୁ ନିଜ କଥା କିମ୍ବା କାମଗୁଡ଼ିକରୁ କଷ୍ଟ ଦେଇଛନ୍ତି, ତାହେଲେ ଏପରି ଭାବନ୍ତୁ ନାହିଁ ଯେ ସେ ଜାଣିଶୁଣି ଏପରି କରିଛନ୍ତି, ବରଂ ସେ କଥାକୁ ଭୁଲି ଯିବା ପାଇଁ ଚେଷ୍ଟା କରନ୍ତୁ ।
ଆମେ କʼଣ କରୁ ?
ଆମେ ଯିହୋବାଙ୍କ ସାକ୍ଷୀ ସମସ୍ତ ଲୋକଙ୍କୁ ଆଦର କରୁ ଓ ଏପରି କରିବା ପାଇଁ ଅନ୍ୟମାନଙ୍କୁ ପ୍ରୋତ୍ସାହନ ମଧ୍ୟ ଦେଉ ।
ଯିହୋବାଙ୍କ ସାକ୍ଷୀମାନଙ୍କ ବିଷୟରେ ଜାଣିବା ପାଇଁ ଯିହୋବାଙ୍କ ସାକ୍ଷୀ—ଆମେ କିଏ ଅଟୁ ? ଭିଡିଓ ଦେଖନ୍ତୁ । ଆପଣ jw.org ୱେବସାଇଟ୍ରେ ଯାଇ ଖୋଜନ୍ତୁ ବକ୍ସରେ ଭିଡିଓର ନାମକୁ ଟାଇପ୍ କରି ଏହାକୁ ଖୋଜିପାରିବେ ।
ଆମେ ସମସ୍ତ ଲୋକଙ୍କୁ ମାଗଣାରେ ବାଇବଲରୁ ଭଲ କଥାଗୁଡ଼ିକ ଶିଖାଉ । କିନ୍ତୁ ଆମେ ସେମାନଙ୍କ ସହ ଜବରଦସ୍ତି କରି ନ ଥାଉ ଯେ ସେମାନେ ଆମ ଶିକ୍ଷାଗୁଡ଼ିକୁ ମାନନ୍ତୁ ଆଉ ନା ଆମେ ନିଜ ମତ ସେମାନଙ୍କୁ ମାନିବା ପାଇଁ ବାଧ୍ୟ କରୁ । ଏହା ପରିବର୍ତ୍ତେ ଆମେ ବାଇବଲର ଏହି ପରାମର୍ଶକୁ ମାନୁ ଯେ ଆମେ “ନମ୍ର ଭାବରେ ଓ ସଭୟରେ” ବା ଆଦରର ସହ ନିଜ ସନ୍ଦେଶକୁ ଶୁଣାଇବା ।—୧ ପିତର ୩:୧୫; ୨ ତୀମଥି ୨:୨୪.
ଆମେ କାହାରି ସହ ଭେଦଭାବ କରି ନ ଥାଉ । ଆମ ସଭାଗୁଡ଼ିକରେ ଆସୁଥିବା ଲୋକମାନେ ଯେକୌଣସି ଦେଶ, ଜାତି କିମ୍ବା ଗୋଷ୍ଠୀର ଥାʼନ୍ତୁ ନା କାହିଁକି, ଆମେ ସମସ୍ତଙ୍କୁ ସ୍ୱାଗତ କରୁ । ଆମେ ସେହି ଲୋକଙ୍କ ସହ କିମ୍ବା ସେମାନଙ୍କ ନିଷ୍ପତ୍ତି ସହ ସହମତ ନ ଥିଲେ ବି ଆମେ “ସମସ୍ତଙ୍କୁ ସମାଦର” କରୁ ।—୧ ପିତର ୨:୧୭.
ଆମେ ସରକାରର ଆଦର କରୁ । (ରୋମୀୟ ୧୩:୧) ଆମେ ଦେଶର ଆଇନକୁ ମାନୁ ଓ ଟ୍ୟାକ୍ସ ଭରୁ । ଯଦିଓ ଆମେ ରାଜନୈତିକ ମାମଲାରେ କାହାରି ପକ୍ଷ ନେଉ ନାହୁଁ, କିନ୍ତୁ ଆମେ ଏକଥା ପ୍ରତି ବି ଆଦର କରୁ ଯେ ପ୍ରତ୍ୟେକଙ୍କୁ ଏ ମାମଲାଗୁଡ଼ିକରେ ନିଷ୍ପତ୍ତି ନେବାର ଅଧିକାର ଅଛି ।