ଶୁଦ୍ଧ ଉପାସନା ଆପଣଙ୍କ ପାଇଁ କାହିଁକି ବହୁମୂଲ୍ୟ?

ବନ୍ଦୀ ଥିବା ଯିହୁଦୀମାନେ ଯିହିଜିକଲଙ୍କ ମନ୍ଦିରର ଦର୍ଶନରୁ ସାହସ ପାଇଲେ, କାରଣ ଏହା ଯୋଗୁଁ ସେମାନଙ୍କ ମନରେ ଆଶା ଜାଗି ଉଠିଲା ଯେ ଶୁଦ୍ଧ ଉପାସନା ପୁଣିଥରେ ଆରମ୍ଭ କରାଯିବ। ଆଜିର ଏହି ଶେଷ କାଳରେ ଶୁଦ୍ଧ ଉପାସନା “ପର୍ବତଗଣର ଶିଖର ଉପରେ ସ୍ଥାପିତ” ହୋଇଛି ଏବଂ ଆମେ ସେଆଡ଼କୁ ଯାଇଥିବା ସମସ୍ତ ଗୋଷ୍ଠୀଗୁଡ଼ିକରୁ ଆସିଅଛୁ। (ଯିଶା ୨:୨) ଯିହୋବାଙ୍କୁ ଜାଣିବା ଏବଂ ତାହାଙ୍କ ସେବା କରିବାର କେତେ ବଡ଼ ସମ୍ମାନ ଆମକୁ ମିଳିଛି! କʼଣ ଆପଣ ଏବିଷୟରେ ନିୟମିତ ଭାବେ ଚିନ୍ତନ କରନ୍ତି?

ଶୁଦ୍ଧ ଉପାସନାରୁ ମିଳୁଥିବା ଆଶିଷ:

• 

  ଭରପୁର ଆଧ୍ୟାତ୍ମିକ ଭୋଜନ। ଏହା ଯୋଗୁଁ ଆମକୁ ଜୀବନର ମହତ୍ତ୍ୱପୂର୍ଣ୍ଣ ପ୍ରଶ୍ନଗୁଡ଼ିକର ଉତ୍ତର, ବ୍ୟବହାରିକ ସିଦ୍ଧାନ୍ତ ଏବଂ ଭବିଷ୍ୟତ ପାଇଁ ନିଶ୍ଚିତ ଆଶା ମିଳେ।—ଯିଶା ୪୮:୧୭, ୧୮; ୬୫:୧୩; ରୋମୀ ୧୫:୪

• ବିଶ୍ୱବ୍ୟାପୀ ଭ୍ରାତୃପ୍ରେମ।—ଗୀତ ୧୩୩:୧; ଯୋହ ୧୩:୩୫

• ଈଶ୍ୱରଙ୍କ ସହକର୍ମୀ ହେବାର ସମ୍ମାନ ଏବଂ ତାହାଙ୍କ ସେବାରୁ ମିଳୁଥିବା ପ୍ରକୃତ ଖୁସି।—ପ୍ରେରି ୨୦:୩୫; ୧କରି ୩:୯

• “ଈଶ୍ୱରଙ୍କ ଶାନ୍ତି,” ଯାହା ସମସ୍ୟାପୂର୍ଣ୍ଣ ସମୟରେ ଆମକୁ ସାହସ ପ୍ରଦାନ କରେ।—ଫିଲିପ୍‌ ୪:୬, ୭

• ଶୁଦ୍ଧ ବିବେକ।—୨ତୀମ ୧:୩

• “ଯିହୋବାଙ୍କ ସହିତ ଘନିଷ୍ଠ ମିତ୍ରତା।”—ଗୀତ ୨୫:୧୪, NW

ମୁଁ କିପରି ଦେଖାଇପାରିବି ଯେ ଶୁଦ୍ଧ ଉପାସନାକୁ ମୁଁ ବହୁମୂଲ୍ୟ ମନେ କରେ?