ଖ୍ରୀଷ୍ଟୀୟ ଜୀବନଯାପନ କରନ୍ତୁ
‘ସବୁ ବିଦେଶୀୟ ଦେବତାଙ୍କୁ ଦୂର କର’
ଯାକୁବଙ୍କ ସମୟରେ ଯିହୋବା ମୂର୍ତ୍ତିପୂଜାର ବିରୁଦ୍ଧରେ କୌଣସି ନିୟମ ଦେଇ ନ ଥିଲେ। ତଥାପି ଯାକୁବ ଭଲ ଭାବେ ଜାଣିଥିଲେ ଯେ କେବଳ ଯିହୋବାଙ୍କ ଉପାସନା କରାଯିବା ଉଚିତ୍। (ଯାତ୍ରା ୨୦:୩-୫) ତେଣୁ, ଯେତେବେଳେ ଈଶ୍ୱର ତାଙ୍କୁ ବୈଥେଲ ଫେରି ଯିବାକୁ କହିଲେ, ସେତେବେଳେ ଯାକୁବ ନିଜ ସହ ଥିବା ସମସ୍ତଙ୍କୁ ଆଜ୍ଞା ଦେଲେ ଯେ ସେମାନଙ୍କ ମଧ୍ୟରେ ଥିବା ସବୁ ମୂର୍ତ୍ତିଗୁଡ଼ିକୁ ସେମାନେ ଦୂର କରନ୍ତୁ। ତାʼପରେ ଯାକୁବ ସେହି ମୂର୍ତ୍ତିସବୁକୁ ଓ କର୍ଣ୍ଣକୁଣ୍ଡଳଗୁଡ଼ିକୁ ପୋତି ଦେଲେ। ସେସମୟରେ କର୍ଣ୍ଣକୁଣ୍ଡଳଗୁଡ଼ିକୁ ବୋଧେ ଡେଉଁରିଆ ଭାବେ ପିନ୍ଧା ଯାଉଥିଲା। (ଆଦି ୩୫:୧-୪) ଯାକୁବ ଯାହା କଲେ, ତାହା ଦେଖି ଯିହୋବା ନିଶ୍ଚୟ ଖୁସି ହୋଇଥିବେ।
ଯାକୁବଙ୍କ ଭଳି ଆମେ ମଧ୍ୟ କେବଳ ଯିହୋବାଙ୍କୁ ଉପାସନା କରିବା ଉଚିତ୍। କିନ୍ତୁ ଏହା ଆମେ କିପରି କରିପାରିବା ? ଆମେ ଏପରି ପ୍ରତ୍ୟେକ ଜିନିଷଠାରୁ ଦୂରେଇ ରହିବା ଉଚିତ୍, ଯାହା ମୂର୍ତ୍ତିପୂଜା, ଭୂତବିଦ୍ୟା କିମ୍ବା ଯାଦୁବିଦ୍ୟା ସହ ଜଡ଼ିତ। ଆମେ ନିଜ ପାଖରେ ଭୂତବିଦ୍ୟା ଓ ଯାଦୁବିଦ୍ୟା ସହ ଜଡ଼ିତ କୌଣସି ଜିନିଷ ରଖିବା ଉଚିତ୍ ନୁହେଁ। ଏହା ଛଡ଼ା, ଆମେ ଯାଞ୍ଚ କରିବା ଉଚିତ୍ ଯେ ଆମେ କିପରି ମନୋରଞ୍ଜନ କରୁ। ଆମେ ନିଜକୁ ପଚାରିବା ଉଚିତ୍: ‘ମୁଁ କʼଣ ଏପରି ବହି ପଢ଼େ କିମ୍ବା ଚଳଚ୍ଚିତ୍ର ଦେଖେ, ଯେଉଁଥିରେ ଭୂତପ୍ରେତ କିମ୍ବା ପିଶାଚଗୁଡ଼ିକୁ ଦେଖାଯାଏ ? କʼଣ ସେଗୁଡ଼ିକରେ ଯାଦୁ, ତନ୍ତ୍ରମନ୍ତ୍ର କିମ୍ବା ଅଭିଶାପ ଦେବାକୁ ଏପରି ମଜାଦାର ଉପାୟରେ ଦେଖାଯାଏ, ସତେ ଯେପରି ସେଗୁଡ଼ିକରେ କିଛି ମନ୍ଦ ନାହିଁ ?’ ଆମେ ଏପରି ମନୋରଞ୍ଜନ କରିବା ଉଚିତ୍ ନୁହେଁ, ଯାହାକୁ ଯିହୋବା ଘୃଣା କରିଥାʼନ୍ତି।—ଗୀତ ୯୭:୧୦.
“ଶୟତାନକୁ ପ୍ରତିବାଧା କର” (ହିନ୍ଦୀ) ଭିଡିଓ ଦେଖନ୍ତୁ। ତାʼପରେ ଏ ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:
ପଲେସା ନାମକ ଜଣେ ବାଇବଲ ବିଦ୍ୟାର୍ଥୀଙ୍କ ଜୀବନରେ କେଉଁ ସମସ୍ୟା ଆସିଲା ?
ଯଦି ଆପଣଙ୍କ ବାଇବଲ ବିଦ୍ୟାର୍ଥୀ ଭୂତବିଦ୍ୟା ବା ଯାଦୁବିଦ୍ୟା ସହ ଜଡ଼ିତ ଅଛନ୍ତି, ତେବେ ପ୍ରାଚୀନମାନଙ୍କ ସାହାଯ୍ୟ କାହିଁକି ନିଆଯିବା ଉଚିତ୍ ?
ଶୟତାନକୁ ପ୍ରତିବାଧା କରନ୍ତୁ ଏବଂ ଯିହୋବାଙ୍କ ନିକଟବର୍ତ୍ତୀ ହୁଅନ୍ତୁ ।—ଯାକୁ ୪:୭, ୮
ଯଦି ଆମେ ଚାହୁଁ ଯେ ଯିହୋବା ଆମକୁ ସୁରକ୍ଷା ଦିଅନ୍ତୁ, ତେବେ ଆମେ ନିଜଠାରୁ କେଉଁସବୁ ଜିନିଷକୁ ଦୂର କରିବା ଉଚିତ୍ ?
ପଲେସା ତୁରନ୍ତ କେଉଁ ପଦକ୍ଷେପ ନେଲେ ?
ଯେଉଁଠାରେ ଆପଣ ରହନ୍ତି, ସେଠାରେ ଦୁଷ୍ଟ ଶକ୍ତିଗୁଡ଼ିକଠାରୁ ରକ୍ଷା ପାଇବା ପାଇଁ ଆପଣ କʼଣ କରିପାରିବେ ?