ବାଇବଲର ବହୁମୂଲ୍ୟ ଧନ ପାଆନ୍ତୁ | ଲେବୀ ପୁସ୍ତକ ୮-୯
ଯିହୋବାଙ୍କ ଆଶିଷର ପ୍ରମାଣ
୮:୬-୯, ୧୨; ୯:୧-୫, ୨୩, ୨୪
ଯେତେବେଳେ ହାରୋଣ ଓ ତାଙ୍କ ପୁଅମାନଙ୍କୁ ଯାଜକ ଭାବେ ନିଯୁକ୍ତ କରାଗଲା, ସେତେବେଳେ ସେମାନେ ପ୍ରଥମ ଥର ପାଇଁ ଯିହୋବାଙ୍କୁ ହୋମବଳି ଚଢ଼ାଇଲେ । ଏତିକିବେଳେ ଯିହୋବା ବେଦି ଉପରେ ନିଆଁ ବର୍ଷା କଲେ ଏବଂ ବଳିଦାନକୁ ସମ୍ପୂର୍ଣ୍ଣ ଭାବେ ଭସ୍ମ କରିଦେଲେ । ଏପରି କରି ଯିହୋବା ପ୍ରମାଣିତ କଲେ ଯେ ଯାଜକମାନଙ୍କ ଉପରେ ତାହାଙ୍କ ମଞ୍ଜୁରି ଅଛି ଏବଂ ସେମାନଙ୍କୁ ସମର୍ଥନ କରୁଛନ୍ତି । ଯିହୋବା ସେଠାରେ ଥିବା ସମସ୍ତ ଇସ୍ରାଏଲୀୟମାନଙ୍କଠାରୁ ଚାହୁଁଥିଲେ ଯେ ସେମାନେ ମଧ୍ୟ ଯାଜକମାନଙ୍କୁ ସମ୍ପୂର୍ଣ୍ଣ ସମର୍ଥନ କରନ୍ତୁ । ଆଜି ଯିହୋବା ସବୁଠାରୁ ବଡ଼ ମହାଯାଜକ ଯୀଶୁ ଖ୍ରୀଷ୍ଟଙ୍କୁ ସମ୍ପୂର୍ଣ୍ଣ ସମର୍ଥନ କରୁଛନ୍ତି । (ଏବ୍ରୀ ୯:୧୧, ୧୨) ୧୯୧୯ ମସିହାରେ ଯୀଶୁ ଅଭିଷିକ୍ତ ଭାଇମାନଙ୍କର ଏକ ଛୋଟ ସମୂହକୁ “ବିଶ୍ୱସ୍ତ ଓ ବୁଦ୍ଧିମାନ ଦାସ” ଭାବେ ନିଯୁକ୍ତ କଲେ । (ମାଥି ୨୪:୪୫) ଆଜି ଏହାର କʼଣ ପ୍ରମାଣ ରହିଛି ଯେ ଯିହୋବା ଏହି ବିଶ୍ୱସ୍ତ ଦାସର କାମ ଉପରେ ଆଶିଷ ଦେଉଛନ୍ତି ଏବଂ ଏହା ଉପରେ ତାହାଙ୍କ ମଞ୍ଜୁରି ରହିଛି ।
ବିଶ୍ୱସ୍ତ ଦାସର କାମକୁ ରୋକିବା ପାଇଁ ବହୁତ ଚେଷ୍ଟା କରାଯାଇଛି, ତଥାପି ଏହି ଦାସ ଆମକୁ ସଠିକ୍ ସମୟରେ ଆଧ୍ୟାତ୍ମିକ ଭୋଜନ ଯୋଗାଇବା କେବେ ମଧ୍ୟ ବନ୍ଦ କରି ନାହିଁ
ଯେପରି ଭବିଷ୍ୟତବାଣୀ କରାଯାଇଥିଲା, ଆଜି “ସମୁଦାୟ ପୃଥିବୀରେ” ସୁସମାଚାର ପ୍ରଚାର କରାଯାଉଛି ।—ମାଥି ୨୪:୧୪
ଆମେ ବିଶ୍ୱସ୍ତ ଓ ବୁଦ୍ଧିମାନ ଦାସକୁ କିପରି ସହଯୋଗ କରିପାରିବା ?