ଆପଣ ଜୀବନର ମହତ୍ୱପୂର୍ଣ୍ଣ ପ୍ରଶ୍ନର ଉତ୍ତର ଜାଣିବାକୁ ଚାହାନ୍ତି କି?
କେଉଁ ମହତ୍ୱପୂର୍ଣ୍ଣ ପ୍ରଶ୍ନ? କେତେକ ମୁଖ୍ୟ ପ୍ରଶ୍ନ ଲୋକେ ସର୍ବଦା ପଚାରିଥାନ୍ତି। ବୋଧହୁଏ, ନିମ୍ନୋକ୍ତ କେତେକ ପ୍ରଶ୍ନ ଆପଣଙ୍କ ମନରେ ମଧ୍ୟ ଉଠିପାରେ:
ପରମେଶ୍ୱର ପ୍ରକୃତରେ ଆମର ଯତ୍ନ ନିଅନ୍ତି କି?
ଯୁଦ୍ଧ ଏବଂ ଦୁଃଖକଷ୍ଟ କେବେ ସମାପ୍ତି ହେବ?
ମୃତ୍ୟୁ ପରେ ଆମର କʼଣ ହୁଏ?
ମୃତ ବ୍ୟକ୍ତିଙ୍କ ପାଇଁ ଆମର କିଛି ଆଶା ଅଛି କି?
ମୁଁ କିପରି ପ୍ରାର୍ଥନା କଲେ ପରମେଶ୍ୱର ତାହା ଶୁଣିବେ?
ମୁଁ ଜୀବନରେ କିପରି ସୁଖୀ ହେବି?
ଉପରୋକ୍ତ ପ୍ରଶ୍ନଗୁଡ଼ିକର ଉତ୍ତର ଆପଣ କେଉଁଥିରୁ ପାଇପାରିବେ? କେତେକ ବ୍ୟକ୍ତି ଧର୍ମଗୁରୁମାନଙ୍କୁ ପଚାରନ୍ତି ଏବଂ ଅନ୍ୟ କେତେକ ଗ୍ରନ୍ଥଗୁଡ଼ିକୁ ମଧ୍ୟ ଅନ୍ୱେଷଣ କରିଥାନ୍ତି। ବିଭିନ୍ନ ଧର୍ମଗୁରୁ ଭିନ୍ନଭିନ୍ନ ମତ ଦିଅନ୍ତି, ଗ୍ରନ୍ଥଗୁଡ଼ିକରେ ମଧ୍ୟ ଭିନ୍ନ ମତ ମିଳିଥାଏ। ଏଗୁଡ଼ିକୁ ଜାଣିଲାପରେ ସେମାନେ ନିରାଶ ହୋଇଯାନ୍ତି।
କିନ୍ତୁ ଗୋଟିଏ ବହି ଅଛି, ଯେଉଁଥିରେ ବିଶ୍ୱାସଯୋଗ୍ୟ ଉତ୍ତର ମିଳିଥାଏ। ସେହି ବହିଟି ସଠିକ୍ ସୂଚନା ଦିଏ। ସେଇ ବହିଟି “ସତ୍ୟ” ଅଟେ। ଯୀଶୁଖ୍ରୀଷ୍ଟ ପରମେଶ୍ୱରଙ୍କ ଠାରେ ପ୍ରାର୍ଥନା ବେଳେ କହିଥିଲେ: “ତୁମ୍ଭ ବାକ୍ୟ ହିଁ ସତ୍ୟ।” (ଯୋହନ ୧୭:୧୭) ଆଜି ଆମେ ଜାଣୁ ଯେ ସତ୍ୟ ବିଷୟରେ ସୂଚାଉଥିବା ବହିଟି ପବିତ୍ର ବାଇବଲ। ଆମେ ଏହିପୃଷ୍ଠାର ଉପରୋକ୍ତ ସମସ୍ତ ପ୍ରଶ୍ନର ସତ୍ୟ ଉତ୍ତର ପର ପୃଷ୍ଠାରୁ ପାଇପାରିବା।
ପରମେଶ୍ୱର ପ୍ରକୃତରେ ଆମର ଯତ୍ନ ନିଅନ୍ତି କି?
ଏହି ପ୍ରଶ୍ନ କାହିଁକି ଉତ୍ଥାପନ ହୁଏ: ଆମେ ଏକ ଅନ୍ୟାୟ ଓ କ୍ରୁରତାପୂର୍ଣ୍ଣ ଜଗତରେ ବାସ କରୁଛୁ। ଆମେ ଯେଉଁ ଦୁଃଖକଷ୍ଟ ଭୋଗୁଛୁ, ତାହା ପରମେଶ୍ୱରଙ୍କ ଇଛା ବୋଲି ଅନେକ ଧର୍ମ ଶିକ୍ଷା ଦେଇଥାଏ।
ବାଇବଲ କʼଣ ଶିକ୍ଷା ଦିଏ: ଦୁଷ୍ଟତାର କାରଣ କେବେହେଲେ ପରମେଶ୍ୱର ନୁହନ୍ତି। ଆୟୁବ ୩୪:୧୦ କହେ ଯେ, “ଈଶ୍ୱର ଯେ ଦୁଷ୍କର୍ମ କରିବେ ଓ ସର୍ବଶକ୍ତିମାନ ଯେ ଅନ୍ୟାୟ କରିବେ ଏ କଥା ଚିନ୍ତା କରିବା ଦୂରରେ ଥାଉ।” ମାନବଜାତି ପାଇଁ ପରମେଶ୍ୱରଙ୍କର ଏକ ପ୍ରେମପୂର୍ଣ୍ଣ ଉଦ୍ଦେଶ୍ୟ ଅଛି। ତେଣୁ ଯୀଶୁଖ୍ରୀଷ୍ଟ ଆମକୁ ଏପରି ପ୍ରାର୍ଥନା କରିବାକୁ ଶିଖାଇ ଥିଲେ: ଆମ୍ଭମାନଙ୍କ ସ୍ୱର୍ଗସ୍ଥ ପିତା, . . . ତୁମର ରାଜ୍ୟ ଆସୁ। ସ୍ୱର୍ଗରେ ଯେପରି ପୃଥିବୀରେ ସେହିପରି ତୁମ୍ଭର ଇଚ୍ଛା ସଫଳ ହେଉ।” (ମାଥିଉ ୬:୯, ୧୦) ପରମେଶ୍ୱର ଆମ୍ଭମାନଙ୍କୁ ଏତେ ପ୍ରେମ କଲେ ଯେ ତାଙ୍କ ଏକମାତ୍ର ପୁତ୍ରକୁ ଦେଲେ ଯଦ୍ୱାରା ମାନବଜାତିର ଉଦ୍ଧାର ହୋଇପାରିବ।—ଯୋହନ ୩:୧୬।
ଆଦିପୁସ୍ତକ ୧:୨୬-୨୮; ଯାକୁବ ୧:୧୩; ଏବଂ ୧ ପିତର ୫:୬, ୭ ମଧ୍ୟ ଦେଖନ୍ତୁ।
ଯୁଦ୍ଧ ଏବଂ ଦୁଃଖକଷ୍ଟ କେବେ ସମାପ୍ତି ହେବ?
ଏହି ପ୍ରଶ୍ନ କାହିଁକି ଉତ୍ଥାପନ ହୁଏ: ଯୁଦ୍ଧ ହେବାରୁ ଅସଂଖ୍ୟ ମନୁଷ୍ୟଙ୍କର ଜୀବନ ହାନି ହୋଇଥାଏ। ଆମେ ସମସ୍ତେ ଲୋକମାନଙ୍କର ଦୁଃଖକଷ୍ଟ ହୃଦୟଙ୍ଗମ କରିଅଛୁ।
ବାଇବଲ କʼଣ ଶିକ୍ଷା ଦିଏ: ପରମେଶ୍ୱର ପୃଥିବୀରେ ଶାନ୍ତି ସ୍ଥାପନ କରିବେ ବୋଲି ଏକ ସମୟ ନିର୍ଦ୍ଧାରଣ କରିଛନ୍ତି। ପରମେଶ୍ୱରଙ୍କ ସ୍ୱର୍ଗୀୟ ଶାସନର ଅଧୀନରେ ରହିବା ଲୋକ “ଆଉ ଯୁଦ୍ଧବିଦ୍ୟା ଶିଖିବେ ନାହିଁ।” ତାʼ ପରିବର୍ତ୍ତେ “ସେମାନେ ନିଜ ନିଜ ଖଡ଼୍ଗ ଭାଙ୍ଗି ଲଙ୍ଗଳ ଫାଳ କରିବେ ଓ ବର୍ଚ୍ଛା ଭାଙ୍ଗି ଦାଆ ତିଆରି କରିବେ।” (ଯିଶାୟ ୨:୪) ଈଶ୍ୱର ସମସ୍ତ ଅନ୍ୟାୟ ଓ ଦୁଃଖକଷ୍ଟକୁ ଶେଷ କରିବେ। ବାଇବଲ ପ୍ରତିଜ୍ଞାକରେ: “[ପରମେଶ୍ୱର] ସେମାନଙ୍କ ଚକ୍ଷୁରୁ ସମସ୍ତ ଅଶ୍ରୁଜଳ ପୋଛି ଦେବେ, ମୃତ୍ୟୁ ଆଉ ଘଟିବ ନାହିଁ, କାରଣ ପୂର୍ବ ବିଷୟ [ଆଜିର ଅନ୍ୟାୟ ଓ ଦୁଃଖକଷ୍ଟ ମଧ୍ୟ] ଲୋପ” ପାଇବ।—ପ୍ରକାଶିତ ବାକ୍ୟ ୨୧:୩, ୪।
ଗୀତସଂହିତା ୩୭:୧୦, ୧୧; ୪୬:୯; ଏବଂ ମୀଖା ୪:୧-୪ ମଧ୍ୟ ଦେଖନ୍ତୁ।
ମୃତ୍ୟୁ ପରେ ଆମର କʼଣ ହୁଏ?
ଏହି ପ୍ରଶ୍ନ କାହିଁକି ଉତ୍ଥାପନ ହୁଏ: ମଣିଷର ମୃତ୍ୟୁ ପରେ ଆତ୍ମା ଜୀବିତ ରହେ ବୋଲି ପୃଥିବୀର ଅଧିକାଂଶ ଧର୍ମ ଶିକ୍ଷା ଦିଏ। କେତେକ ବ୍ୟକ୍ତି ବିଶ୍ୱାସ କରନ୍ତି ଯେ, ମୃତ ବ୍ୟକ୍ତି ଜୀବିତ ମାନଙ୍କର କ୍ଷତି କରିପାରେ କିମ୍ବା ଇଶ୍ୱର ଦୁଷ୍ଟମାନଙ୍କୁ ନରକରେ ପକାଇ ଦଣ୍ଡ ଦିଅନ୍ତି।
ବାଇବଲ କʼଣ ଶିକ୍ଷା ଦିଏ: ମୃତ୍ୟୁ ପରେ ମନୁଷ୍ୟର ସବୁକିଛି ବିଲିନ ହୋଇଯାଏ। ଉପଦେଶକ ୯:୫ କହେ: “ମୃତ ଲୋକେ କିଛି ଜାଣନ୍ତି ନାହିଁ।” ତେଣୁ ମୃତ ବ୍ୟକ୍ତି କିଛି କରନ୍ତି ନାହିଁ, ସେମାନେ କିଛି ଅନୁଭବ କରିପାରନ୍ତି ନାହିଁ କିମ୍ବା କୌଣସି ଫଳ ପାଆନ୍ତି ନାହିଁ, ସେମାନେ କାହାର କିଛି କ୍ଷତି କିମ୍ବା ସାହାଯ୍ୟ ମଧ୍ୟ କରି ପାରନ୍ତି ନାହିଁ।—ଗୀତସଂହିତା ୧୪୬:୩, ୪।
ଆଦିପୁସ୍ତକ ୩:୧୯ ଏବଂ ଉପଦେଶକ ୯:୬, ୧୦ ମଧ୍ୟ ଦେଖନ୍ତୁ।
ମୃତ ବ୍ୟକ୍ତିଙ୍କ ପାଇଁ ଆମର କିଛି ଆଶା ଅଛି କି?
ଏହି ପ୍ରଶ୍ନ କାହିଁକି ଉତ୍ଥାପନ ହୁଏ: ଆମେ ବଞ୍ଚି ରହିବାକୁ ଇଚ୍ଛାକରୁ ଏବଂ ଅମେ ଯାହାକୁ ଭଲ ପାଉ ତାହାଙ୍କ ସହ ଜୀବନ ଅତିବାହିତ କରିବାକୁ ଚାହିଁଥାଉ। ଆମେ ଆମର ମୃତ ପରିଜନମାନଙ୍କୁ ପୁଣିଥରେ ଦେଖିବା ପାଇଁ ଉତ୍ସୁକ, ଏହା ଆମ ସହଜାତ ପ୍ରକୃତି।
ବାଇବଲ କʼଣ ଶିକ୍ଷା ଦିଏ: ଅଧିକାଂଶ ଲୋକ ଯେଉଁମାନେ ମୃତ୍ୟୁବରଣ କରିଛନ୍ତି, ସେମାନେ ପୁନଃର୍ଜୀବିତ ହେବେ। ଯୀଶୁଖ୍ରୀଷ୍ଟ ପ୍ରତିଜ୍ଞା କରିଥିଲେ ଯେ, ଯେଉଁମାନେ ମୃତ୍ୟୁବରଣ କରିଛନ୍ତି, ସେମାନଙ୍କୁ ପରମେଶ୍ୱର ପୁଣିଥରେ ଜୀବିତ କରିବେ। (ଯୋହନ ୫:୨୮, ୨୯) ଈଶ୍ୱରଙ୍କ ପ୍ରତିଜ୍ଞାନୁସାରେ ସମଗ୍ର ପୃଥିବୀ ଭୂସ୍ୱର୍ଗରେ ପରିଣତ ହେବ, ସେଥିରେ ସେ ପୁନଃର୍ଜୀବିତ ବ୍ୟକ୍ତିମାନଙ୍କୁ ରଖିବେ। ପରମେଶ୍ୱରଙ୍କ ଆଜ୍ଞା ପାଳନକାରୀ ବ୍ୟକ୍ତି ସ୍ୱାସ୍ଥ୍ୟବାନ ହେବେ। ସେମାନେ ଚିରକାଳ ପୃଥିବୀରେ ବାସ କରିବେ। (ଲୂକ ୨୩:୪୩) ବାଇବଲ କହେ: ଧାର୍ମିକ ବ୍ୟକ୍ତିମାନେ ପୃଥିବୀରେ ଚିରକାଳ ବାସ କରିବେ।—ଗୀତସଂହିତା ୩୭:୨୯।
ଆୟୁବ ୧୪:୧୪, ୧୫; ଲୂକ ୭:୧୧-୧୭; ଏବଂ ପ୍ରେରିତ ୨୪:୧୫ ମଧ୍ୟ ଦେଖନ୍ତୁ।
ମୁଁ କିପରି ପ୍ରାର୍ଥନା କଲେ ପରମେଶ୍ୱର ତାହା ଶୁଣିବେ?
ଏହି ପ୍ରଶ୍ନ କାହିଁକି ଉତ୍ଥାପନ ହୁଏ: ସାଧାରଣତଃ ସମସ୍ତ ଧର୍ମଗୁଡ଼ିକର ଲୋକମାନେ ପ୍ରାର୍ଥନା କରନ୍ତି। କିନ୍ତୁ, ଅଧିକାଂଶ ବ୍ୟକ୍ତି ଭାବନ୍ତି ଯେ ଈଶ୍ୱର ସେମାନଙ୍କର ପ୍ରାର୍ଥନାର ଉତ୍ତର ଦିଅନ୍ତି ନାହିଁ।
ବାଇବଲ କʼଣ ଶିକ୍ଷା ଦିଏ: ଯୀଶୁଖ୍ରୀଷ୍ଟ ବାରମ୍ବାର ଗୋଟିଏ ଶବ୍ଦ ଉଚ୍ଚାରଣ କରିବା ପାଇଁ ଶିଖାଇ ନଥିଲେ। ପ୍ରାର୍ଥନା କଲାବେଳେ ସେ କହିଲେ, ଅନର୍ଥକ ପୁନଃରୋକ୍ତି କର ନାହିଁ। (ମାଥିଉ ୬:୭) ଈଶ୍ୱର ଆମର ପ୍ରାର୍ଥନା ଶୁଣନ୍ତୁ ବୋଲି ଯଦି ଆମେ ଚାହୁଁ, ତେବେ ତାହାଙ୍କ ଆନୁମୋଦିତ ପ୍ରାର୍ଥନା ଆମକୁ କରିବା ଉଚିତ୍। ଈଶ୍ୱରଙ୍କ ଇଚ୍ଛା କʼଣ ତାହା ଆମକୁ ଶିଖିବା ଦରକାର। ୧ ଯୋହନ ୫:୧୪ ବ୍ୟାଖ୍ୟା କରେ ଯେ: “ଆମେ ଯଦି ତାହାଙ୍କର ଇଚ୍ଛାନୁସାର କିଛିମାଗୁ, ତେବେ ସେ ଆମର ପ୍ରାର୍ଥନା ଶୁଣନ୍ତି।”
ଗୀତସଂହିତା ୬୫:୨; ଯୋହନ ୧୪:୬, ୧୪; ଏବଂ ୧ ଯୋହନ ୩:୨୨ ମଧ୍ୟ ଦେଖନ୍ତୁ।
ମୁଁ ଜୀବନରେ କିପରି ସୁଖୀ ହେବି?
ଏହି ପ୍ରଶ୍ନ କାହିଁକି ଉତ୍ଥାପନ ହୁଏ: ଟଙ୍କାପଇସା, ଖ୍ୟାତି ଓ ସୁନ୍ଦରତା ସୁଖୀ କରାଇ ଥାଏ ବୋଲି ଅଧିକାଂଶ ଲୋକଙ୍କର ବିଶ୍ୱାସ। ସେଥିପାଇଁ ସେମାନେ ଏଗୁଡ଼ିକ ପଛରେ ଗୋଡ଼ାନ୍ତି। କିନ୍ତୁ, ଏଗୁଡ଼ିକ ହାସଲ କଲାପରେ ବି ସେମାନଙ୍କୁ ପ୍ରକୃତରେ ଖୁସୀ ମିଳେ ନାହିଁ।
ବାଇବଲ କʼଣ ଶିକ୍ଷା ଦିଏ: ପ୍ରକୃତ ସୁଖର ଚାବିକାଠି କʼଣ ତାହା ଯୀଶୁଖ୍ରୀଷ୍ଟ ଦର୍ଶାଇଥିଲେ। ସେ କହିଲେ: ଆଧ୍ୟାତ୍ମିକ ବିଷୟ ପ୍ରତି ଯେଉଁମାନେ ଜାଗ୍ରତ ହୁଅନ୍ତି, ସେମାନେ ସୁଖୀ ହେବେ। (ମାଥିଉ ୫:୬) ଯଦି ଆମେ ଈଶ୍ୱର ଓ ତାଙ୍କର ଉଦ୍ଦେଶ୍ୟ ଜାଣିବା ପାଇଁ ପଦକ୍ଷେପ ନେଉ, ତେବେ ଆମେ ଜୀବନରେ ପ୍ରକୃତରେ ସୁଖୀ ହୋଇ ପାରିବା। ଜୀବନ ପାଇଁ କେଉଁଟି ଗୁରୁତ୍ୱପୂର୍ଣ୍ଣ ଓ କେଉଁଟି ନୁହେଁ ତାହା ଜାଣିବା ପାଇଁ ବାଇବଲର ସତ୍ୟଜ୍ଞାନରେ ପରିଚାଳିତ ହୋଇ କାର୍ଯ୍ୟ କଲେ ଆମର ଜୀବନ ଆନନ୍ଦମୟ ହୋଇ ପାରିବ।—ଲୂକ ୧୧:୨୮।
ହିତୋପଦେଶ ୩:୫, ୬, ୧୩-୧୮ ଏବଂ ୧ ତୀମଥି ୬:୯, ୧୦ ମଧ୍ୟ ଦେଖନ୍ତୁ।
ଉପରୋକ୍ତ ଛଅଟି ପ୍ରଶ୍ନର ଉତ୍ତର ପଢ଼ିଲା ପରେ ଆପଣ ଆହୁରି ଅଧିକ ଏହି ବିଷୟରେ ଜାଣିବାକୁ ଚାହଁନ୍ତି କି? ଆପଣ ଯଦି ଆଧ୍ୟାତ୍ମିକ ବ୍ୟକ୍ତି ଭାବେ ଜାଗ୍ରତ ହେବାକୁ ଚାହାନ୍ତି, ତେବେ ନିଶ୍ଚୟ ଚାହିଁବେ। ଏପରି ଅନ୍ୟ ପ୍ରଶ୍ନଗୁଡ଼ିକ ଆପଣଙ୍କୁ ବିଚଳତ କରିପାରେ। ‘ଯଦି ପରମେଶ୍ୱର ଆମର ଯତ୍ନ ନିଅନ୍ତି ତେବେ, ସେ କାହିଁକି ଏତେ ଦୁଃଖ କଷ୍ଟ ଏବଂ ଦୁଷ୍ଟତାକୁ ଅନୁମୋଦନ କରିଛନ୍ତି? କʼଣ କଲେ ମୋର ପରିବାର ଅଧିକ ସୁଖୀ ହୋଇପାରିବ?’ ବାଇବଲ ଏହି ପ୍ରଶ୍ନ ଦ୍ୱୟର ଉତ୍ତର ଏବଂ ଆହୁରି ଅନେକ ପ୍ରଶ୍ନର ସନ୍ତୋଷଜନକ ଉତ୍ତର ଦେଇଥାଏ।
କିନ୍ତୁ, ଆଜି ଅଧିକାଂଶ ଲୋକ ବାଇବଲ ପଢ଼ିବାକୁ ଇଚ୍ଛା କରନ୍ତି ନାହିଁ। ସେମାନେ ଭାବନ୍ତି ଯେ, ବାଇବଲ ଏକ ବଡ଼ ବହି ଏବଂ ବେଳେବେଳେ ଏହା ବୁଝିବାରେ କଷ୍ଟ ହୁଏ। ଆପଣ କʼଣ ଏହି ପ୍ରଶ୍ନର ଉତ୍ତର ବାଇବଲରୁ ଖୋଜି ପାଇବା ପାଇଁ ସାହାଯ୍ୟ ଚାହାନ୍ତି କି? ଯିହୋବାଙ୍କ ସାକ୍ଷୀମାନେ ଦୁଇଟି ମାଧ୍ୟମରେ ଆପଣଙ୍କୁ ସାହାଯ୍ୟ କରି ପାରିବେ।
ପ୍ରଥମଟି, ବାଇବଲ ଆମକୁ କʼଣ ଶିଖାଏ? ବୋଲି ଏକ ବହି ମାଧ୍ୟମରେ ଲୋକମାନଙ୍କୁ ସାହାଯ୍ୟ କରନ୍ତି। ଏହି ପୁସ୍ତିକାଟି ବ୍ୟସ୍ତ ଲୋକମାନଙ୍କର ମୁଖ୍ୟ ପ୍ରଶ୍ନଗୁଡ଼ିକର ଉତ୍ତର ଦେଇଥାଏ। ଅନ୍ୟ ମାଧ୍ୟମଟି ହେଉଛି, ପ୍ରତ୍ୟେକ ସପ୍ତାହରେ କେହି ଜଣେ ଯିହୋବାଙ୍କ ସାକ୍ଷୀ ଆପଣଙ୍କ ଘରକୁ ଯାଇ ବାଇବଲ ଶିକ୍ଷା ଦେବାରେ ସାହାଯ୍ୟ କରିବେ, ଏଥିପାଇଁ କୌଣସି ମୂଲ୍ୟ ଦେବାକୁ ପଡ଼ିବ ନାହିଁ। ଲକ୍ଷ ଲକ୍ଷ ଲୋକ ଏହି କାର୍ଯ୍ୟକ୍ରମ ଦ୍ୱାରା ଉପକୃତ ହେଉଛନ୍ତି। ସେମାନଙ୍କ ମଧ୍ୟରୁ ଅଧିକାଂଶ ଲୋକ ଏପରି କହନ୍ତି: “ମୋତେ ସତ୍ୟ ମିଳିଗଲା!”
ଏହାଠାରୁ ଅଧିକ କʼଣ ହୋଇପାରେ! ଅନ୍ଧବିଶ୍ୱାସ, ସନ୍ଦେହ ଓ ଭୟରୁ ବାଇବଲର ସତ୍ୟଜ୍ଞାନ ଆମକୁ ମୁକ୍ତ କରେ। ବାଇବଲ ଆମକୁ ଆଶା, ଉଦ୍ଦେଶ୍ୟ ଦିଏ ଏବଂ ତାହାର ସେହି ସତ୍ୟଜ୍ଞାନ ଆମ ଜୀବନକୁ ସୁଖି କରେ। ଯୀଶୁ ଖ୍ରୀଷ୍ଟ କହିଥିଲେ: “ତାʼ ହେଲେ ତୁମ୍ଭେମାନେ ସତ୍ୟ ଜାଣିବ ଏବଂ ସେହି ସତ୍ୟ ତୁମ୍ଭମାନଙ୍କୁ ମୁକ୍ତି ଦେବ।”—ଯୋହନ ୮:୩୨।