ଖ୍ରୀଷ୍ଟୀୟ ଜୀବନଯାପନ କରନ୍ତୁ
ଆପଣ ଈଶ୍ୱରଙ୍କ ବାକ୍ୟକୁ ବହୁମୂଲ୍ୟ ମନେ କରନ୍ତି କି ?
ବାଇବଲରେ ଯିହୋବାଙ୍କ ବାକ୍ୟ ଓ ଚିନ୍ତାଧାରା ଅଛି, ଯିଏ ଏହି ପବିତ୍ର ବହିର ଲେଖକ ଅଟନ୍ତି। (୨ପିତ ୧:୨୦, ୨୧) ଏହି ବହି ଦେଖାଏ ଯେ ଈଶ୍ୱର ତାହାଙ୍କ ରାଜ୍ୟ ଜରିଆରେ ନିଜ ଶାସନ କରିବାର ଅଧିକାରକୁ ସାବ୍ୟସ୍ତ କରିବେ। ଫଳସ୍ୱରୂପ, ସମଗ୍ର ମାନବଜାତି ପାଖରେ ଆଶା ରହିଛି ଯେ ଏହି ପୃଥିବୀରେ ଖୁବ୍ ଶୀଘ୍ର ଏକ ସୁନ୍ଦର ସମୟ ଆସିବ। ବାଇବଲ ଆମ ପ୍ରେମମୟ ସ୍ୱର୍ଗୀୟ ପିତାଙ୍କର ମହାନ ଗୁଣଗୁଡ଼ିକ ବିଷୟରେ ମଧ୍ୟ ଜାଣିବାରେ ଆମକୁ ସାହାଯ୍ୟ କରେ।—ଗୀତ ୮୬:୧୫.
ଆମ ମଧ୍ୟରୁ ପ୍ରତ୍ୟେକେ ଯିହୋବାଙ୍କ ବାକ୍ୟକୁ ଭିନ୍ନ ଭିନ୍ନ କାରଣରୁ ବହୁମୂଲ୍ୟ ମନେ କରୁ। କିନ୍ତୁ କʼଣ ଆମେ ପ୍ରତିଦିନ ଏହାକୁ ପଢ଼ୁ ଏବଂ ଯାହା ଶିଖୁ ଆମ ଜୀବନରେ ଲାଗୁ କରୁ ? ଯଦି ଆମେ ଏପରି କରୁ, ତେବେ ଦେଖାଉ ଯେ ଏହି ଉପହାରକୁ ଆମେ ବହୁମୂଲ୍ୟ ମନେ କରୁ। ଆସନ୍ତୁ, ଆମେ ନିଜ କାମରେ ପ୍ରମାଣିତ କରିବା ଯେ ଆମଠାରେ ମଧ୍ୟ ସେହି ମନୋଭାବ ରହିଛି, ଯାହା ଗୀତସଂହିତାର ଲେଖକଙ୍କଠାରେ ଥିଲା: “ମୁଁ ତୁମ୍ଭର ବ୍ୟବସ୍ଥାକୁ କିପରି ପ୍ରିୟ ମଣେ।”—ଗୀତ ୧୧୯:୯୭.
ବାଇବଲ ସେମାନଙ୍କ ଜୀବନଠୁ ବଳି ଅତି ପ୍ରିୟ ଥିଲା—ଉଦ୍ଧୃତାଂଶ (ୱିଲିୟମ୍ ଟିଣ୍ଡେଲ୍) (ହିନ୍ଦୀ) ନାମକ ଭିଡିଓ ଦେଖନ୍ତୁ ଏବଂ ତାʼପରେ ଏ ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:
ୱିଲିୟମ୍ ଟିଣ୍ଡେଲ୍ ବାଇବଲର କିଛି ଭାଗଗୁଡ଼ିକୁ କାହିଁକି ଅନୁବାଦ କଲେ ?
ବାଇବଲକୁ ଅନୁବାଦ କରିବା ପାଇଁ ସେ ଯାହା ଉଦ୍ୟମ କଲେ, ତାହା କାହିଁକି ଉଲ୍ଲେଖନୀୟ ଥିଲା ?
ଟିଣ୍ଡେଲ୍ ଅନୁବାଦ କରିଥିବା ବାଇବଲଗୁଡ଼ିକ କିପରି ଇଂଲଣ୍ଡକୁ ଗୋପନରେ ପଠାଯାଉଥିଲା ?
ଆମେ ପ୍ରତ୍ୟେକେ କିପରି ଦେଖାଇପାରିବା ଯେ ବାଇବଲ ଆମ ପାଇଁ ବହୁମୂଲ୍ୟ ଅଟେ ?