ଖ୍ରୀଷ୍ଟୀୟ ଜୀବନଯାପନ କରନ୍ତୁ
ବିପତ୍ତି ଆସିବା ପରେ କିପରି ସାହାଯ୍ୟ କରିବା ?
ଆଜି ପ୍ରାକୃତିକ ବିପତ୍ତିଗୁଡ଼ିକ ଦିନକୁ ଦିନ ବଢ଼ି ବଢ଼ି ଯାଉଛି । ତେଣୁ ଯେବେ କୌଣସି ବିପତ୍ତି ଆସେ, ତେବେ ଭାଇଭଉଣୀମାନଙ୍କ ସାହାଯ୍ୟ କରିବା ପାଇଁ ରିଲିଫ୍ କାମର ଭଲ ବ୍ୟବସ୍ଥା ହେବା ଜରୁରୀ ଅଟେ । ଆଉ ଏହି କାମରେ ଭାଗ ନେଉଥିବା ଭାଇଭଉଣୀମାନଙ୍କ ମଧ୍ୟରେ ଭଲ ବ୍ୟବସ୍ଥା ହେବା ଜରୁରୀ । ତେଣୁ ପ୍ରଶାସନ ଦଳ ସବୁ ଶାଖା କାର୍ଯ୍ୟାଳୟରେ ‘ବିପତ୍ତି ରିଲିଫ୍ ବିଭାଗ’ ନିଯୁକ୍ତ କରିଛନ୍ତି ।
ଯେବେ ଏହି ବିଭାଗର ଭାଇମାନଙ୍କୁ ଜଣାପଡ଼େ ଯେ କୌଣସି ଅଞ୍ଚଳରେ ବିପତ୍ତି ଆସିଛି, ତେବେ ସେମାନେ ତୁରନ୍ତ ସେଠାର ପ୍ରାଚୀନମାନଙ୍କୁ ସମ୍ପର୍କ କରନ୍ତି । ସେମାନେ ତାଙ୍କୁ ପଚାରନ୍ତି ଯେ ଭାଇଭଉଣୀମାନଙ୍କୁ କିପରି ସାହାଯ୍ୟର ଆବଶ୍ୟକତା ଅଛି । ଯଦି ଏତେ କ୍ଷତି ହୋଇଛି ଯେ ସେହି ଅଞ୍ଚଳର ଭାଇଭଉଣୀମାନେ ନିଜେ ସେହି ପରିସ୍ଥିତିକୁ ସମ୍ଭାଳି ପାରୁନାହାନ୍ତି, ତେବେ ଶାଖା କାର୍ଯ୍ୟାଳୟ କିଛି ଦକ୍ଷ ଭାଇମାନଙ୍କୁ ରିଲିଫ୍ କାମର ନେତୃତ୍ୱ ନେବା ପାଇଁ ନିଯୁକ୍ତ କରିବ । ତାʼପରେ ଏହି ଭାଇମାନେ ସ୍ୱୟଂସେବକମାନଙ୍କ ପାଇଁ ବା କିଛି ଜିନିଷ ଦାନ କରିବା ପାଇଁ ଅନୁରୋଧ କରିପାରିବେ । କିମ୍ବା ତାʼପରେ ସେମାନେ ସେହି ଅଞ୍ଚଳରୁ ହିଁ ଆବଶ୍ୟକତା ଜିନିଷ କିଣି ସେହି ଭାଇଭଉଣୀମାନଙ୍କୁ ବାଣ୍ଟିପାରିବେ ।
ଯେବେ ଭାଇଭଉଣୀମାନେ ନିଜେ ନିଜେ ସାହାଯ୍ୟ କରିବା ପରିବର୍ତ୍ତେ, ସଙ୍ଗଠନର ବ୍ୟବସ୍ଥା ମୁତାବକ କାମ କରନ୍ତି, ତେବେ ଏଥିରୁ ଅନେକ ଲାଭ ହୁଏ । ଏହା ଯୋଗୁଁ କୌଣସି ଗଡ଼ବଡ଼ି ହୁଏନି ଆଉ ପଇସା ଓ ଜିନିଷଗୁଡ଼ିକ ବରବାଦ ହୁଏନି । ତାʼସହ କୌଣସି କାମକୁ ଦୁଇଥର କରିବାର ସମୟ ବଞ୍ଚିପାରେ ।
ଶାଖା କାର୍ଯ୍ୟାଳୟ ଜରିଆରେ ନିଯୁକ୍ତ ଭାଇମାନେ ନିଷ୍ପତ୍ତି ନେଇପାରିବେ ଯେ ରିଲିଫ୍ କାମ ପାଇଁ କେତେ ପଇସା ଓ ସ୍ୱୟଂସେବକମାନଙ୍କର ଆବଶ୍ୟକତା ହେବ । ସେମାନେ ସେହି ଅଞ୍ଚଳର ଅଧିକାରୀମାନଙ୍କୁ ମଧ୍ୟ ସମ୍ପର୍କ କରିପାରିବେ, ଯେଉଁମାନେ ଆମ ରିଲିଫ୍ କାମକୁ ଶୀଘ୍ର କରିବାରେ ସାହାଯ୍ୟ କରିପାରିବେ । ତେଣୁ ଭାଇଭଉଣୀମାନଙ୍କୁ ନିଜେ ନିଜେ ପଇସା ଜମା କରିବା ଓ ରିଲିଫ୍ ସାମଗ୍ରୀ ପଠାଇବା ଉଚିତ୍ ନୁହେଁ । ତାʼଛଡ଼ା ଯେବେ ଯାଏ ସେମାନଙ୍କୁ କୁହାଯାଏନି, ତେବେ ଯାଏ ସେମାନେ ନିଜେ ନିଜେ ସେହି ଅଞ୍ଚଳକୁ ଯିବା ଉଚିତ୍ ନୁହେଁ ।
ତଥାପି ବିପତ୍ତି ସମୟରେ ଆମେ ଭାଇଭଉଣୀମାନଙ୍କୁ ସାହାଯ୍ୟ କରିବା ପାଇଁ ଚାହୁଁ, କାରଣ ଆମେ ତାଙ୍କୁ ପ୍ରେମ କରୁ ! (ଏବ୍ରୀ ୧୩:୧୬) ତାହେଲେ ଆମେ କʼଣ କରିପାରିବା ? ସବୁଠୁ ଜରୁରୀ କଥା, ଆମେ ବିପତ୍ତି ସହୁଥିବା ଭାଇଭଉଣୀମାନଙ୍କ ପାଇଁ ଓ ରିଲିଫ୍ କାମରେ ଭାଗ ନେଉଥିବା ଭାଇଭଉଣୀମାନଙ୍କ ପାଇଁ ପ୍ରାର୍ଥନା କରିପାରିବା । ଆମେ ଦାନ ବି କରିପାରିବା । ଏହି ଦାନ ଆମେ ‘ପୂରା ଦୁନିଆରେ ହେଉଥିବା କାମ’ ପାଇଁ ଦେଇପାରିବା । ପ୍ରଶାସନ ଦଳର ନେତୃତ୍ୱରେ ଶାଖା କାର୍ଯ୍ୟାଳୟ ଏହା ନିଷ୍ପତ୍ତି ନିଏ ଯେ ସେହି ଦାନର ପଇସାକୁ କେଉଁଠି ଖର୍ଚ୍ଚ କରିବା ସବୁଠୁ ଭଲ ରହିବ । ଯଦି ଆମେ ନିଜେ ରିଲିଫ୍ କାମ ପାଇଁ ସାହାଯ୍ୟ କରିବା ପାଇଁ ଚାହୁଁ, ତାହେଲେ ଆମେ ସ୍ଥାନୀୟ ଯୋଜନା ଓ ନିର୍ମାଣ କାମର ଫର୍ମ (DC-50) ଭରିପାରିବେ ।
ବ୍ରାଜିଲରେ ହୋଇଥିବା ବନ୍ୟାରୁ କ୍ଷୟକ୍ଷତି ନାମକ ଭିଡିଓ ଦେଖନ୍ତୁ । ତାʼପରେ ଆଗକୁ ଦିଆଯାଇଥିବା ପ୍ରଶ୍ନର ଉତ୍ତର ଦିଅନ୍ତୁ:
୨୦୨୦ ମସିହାରେ ବ୍ରାଜିଲରେ ଆସିଥିବା ବନ୍ୟା ପରେ ଯିହୋବାଙ୍କ ସାକ୍ଷୀମାନେ ଯେଉଁଭଳି ଭାବେ ରିଲିଫ୍ କାମ କଲେ, ସେ ବିଷୟରେ ଆପଣଙ୍କୁ କʼଣ ଭଲ ଲାଗିଲା ?