ଖ୍ରୀଷ୍ଟୀୟ ଜୀବନଯାପନ କରନ୍ତୁ
କʼଣ ଆପଣ ପ୍ରସ୍ତୁତ ଅଛନ୍ତି ?
କʼଣ ଆପଣ କୌଣସି ପ୍ରାକୃତିକ ବିପତ୍ତିର ସାମନା କରିବାକୁ ପ୍ରସ୍ତୁତ ଅଛନ୍ତି ? ଭୂମିକମ୍ପ, ବାତ୍ୟା, ନଈବଢ଼ି କିମ୍ବା ଜଙ୍ଗଲରେ ଲାଗୁଥିବା ନିଆଁ ହଠାତ୍ କେବେ ମଧ୍ୟ ଆସିପାରେ ଏବଂ ଭୟଙ୍କର କ୍ଷୟକ୍ଷତି କରିପାରେ । ଏହା ଛଡ଼ା ଆତଙ୍କବାଦୀ ଆକ୍ରମଣ, ଦଙ୍ଗା ଓ ମହାମାରୀ କେବେ ମଧ୍ୟ ଯେକୌଣସିଠାରେ ଆରମ୍ଭ ହୋଇପାରେ । (ଉପ ୯:୧୧) ଏହା ଭାବିବା ଭୁଲ୍ ହେବ ଯେ ଏଭଳି ଘଟଣା ଆମ ଅଞ୍ଚଳରେ ହେବ ନାହିଁ ।
ଯେକୌଣସି ବିପତ୍ତିର ସାମନା କରିବା ପାଇଁ ଆମ ପ୍ରତ୍ୟେକଙ୍କ ପକ୍ଷେ ଯାହା ସମ୍ଭବ, ତାହା ଆମେ ନିଶ୍ଚୟ କରିବା ଉଚିତ୍ । (ହିତୋ ୨୨:୩) ଏହା ସତ ଯେ ବିପତ୍ତି ସମୟରେ ଯିହୋବାଙ୍କ ସଂଗଠନ ଆମକୁ ସାହାଯ୍ୟ କରେ । ତଥାପି ଯେକୌଣସି ବିପତ୍ତିକୁ ସାମନା କରିବା ପାଇଁ ପ୍ରସ୍ତୁତ ରହିବା ଆମ ପ୍ରତ୍ୟେକଙ୍କର ଦାୟିତ୍ୱ ।—ଗାଲା ୬:୫
ପ୍ରାକୃତିକ ବିପତ୍ତିର ସାମନା କରିବାକୁ କʼଣ ଆପଣ ପ୍ରସ୍ତୁତ ଅଛନ୍ତି ? (ହିନ୍ଦୀ) ନାମକ ଭିଡିଓ ଦେଖନ୍ତୁ । ତାʼପରେ ଏ ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:
ଯିହୋବାଙ୍କ ସହ ମଜବୁତ୍ ସମ୍ପର୍କ ଆମକୁ ସମସ୍ୟା ସମୟରେ କିପରି ସାହାଯ୍ୟ କରିବ ?
• କୌଣସି ବିପତ୍ତି ଆସିବା ପୂର୍ବରୁ, ତୁରନ୍ତ, କିମ୍ବା ତାʼ ପରେ ପ୍ରାଚୀନମାନଙ୍କ ସମ୍ପର୍କରେ ରହିବା କାହିଁକି ଜରୁରୀ ?
• ଜରୁରୀକାଳୀନ ବ୍ୟାଗ୍ ପ୍ରସ୍ତୁତ ରଖିବା କାହିଁକି ଭଲ ହେବ ?—ସଜା୧୭-ହି ସଂ୫ ୬
• ଏହା ଆଲୋଚନା କରିବା କାହିଁକି ଜରୁରୀ ଯେ ଆମ ଅଞ୍ଚଳରେ କେଉଁ ବିପତ୍ତିଗୁଡ଼ିକ ଆସିପାରେ ଏବଂ ବିପତ୍ତି ଆସିଲେ ଆମେ କʼଣ କରିବା ?
ଆମେ କେଉଁ ତିନୋଟି ଉପାୟରେ ବିପତ୍ତିରେ ପୀଡ଼ିତ ଲୋକମାନଙ୍କୁ ସାହାଯ୍ୟ କରିପାରିବା ?