ଅଧ୍ୟୟନ ପାଇଁ ପରାମର୍ଶ
ବ୍ୟକ୍ତିଗତ ଅଧ୍ୟୟନ କିମ୍ବା ପାରିବାରିକ ଉପାସନାରେ କʼଣ କରିବା ?
ଆମେ ସଭା, ସମ୍ମିଳନୀ ଓ ଅଧିବେଶନଗୁଡ଼ିକରେ ଏକାଠି ହୋଇ ଯିହୋବାଙ୍କ ଉପାସନା କରୁ, କିନ୍ତୁ ବ୍ୟକ୍ତିଗତ ଭାବେ ଓ ପରିବାର ଭାବେ ବି ତାଙ୍କ ଉପାସନା କରିଥାଉ । ଆଗକୁ କିଛି ପରାମର୍ଶ ଦିଆଯାଇଛି ଯାହା ବ୍ୟକ୍ତିଗତ ଅଧ୍ୟୟନ ଓ ପାରିବାରିକ ଉପାସନା ପାଇଁ ଲାଭଦାୟକ ହୋଇପାରେ:
ସଭାର ପ୍ରସ୍ତୁତି କରନ୍ତୁ । ଆପଣ ଭଲଭାବେ ଗୀତ ଗାଇବା ପାଇଁ ଅଭ୍ୟାସ କରିପାରିବେ ଓ ସମସ୍ତେ ପରସ୍ପରକୁ ଗୋଟିଏ ଉତ୍ତର ପ୍ରସ୍ତୁତି କରିବା ପାଇଁ ସାହାଯ୍ୟ କରିପାରିବେ ।
ବାଇବଲର କିଛି ଘଟଣା ପଢ଼ନ୍ତୁ । ତାʼପରେ ଆପଣ ସେହି ଘଟଣାର ଗୋଟିଏ ଚିତ୍ର କରିପାରିବେ କିମ୍ବା ଆପଣ ଯାହା ଶିଖିଛନ୍ତି, ତାହାକୁ ଲେଖି ପାରିବେ ।
ବାଇବଲରେ ଦିଆଯାଇଥିବା କୌଣସି ପ୍ରାର୍ଥନା ପଢ଼ନ୍ତୁ ଓ ତାʼ ଉପରେ ଚିନ୍ତନ କରନ୍ତୁ । ଭାବନ୍ତୁ ଯେ ଆପଣ କିପରି ଆହୁରି ଭଲଭାବେ ପ୍ରାର୍ଥନା କରିପାରିବେ ।
ଆମ ସଙ୍ଗଠନର କୌଣସି ଭିଡିଓ ଦେଖନ୍ତୁ ଓ ତାʼ ଉପରେ ଚର୍ଚ୍ଚା କରନ୍ତୁ କିମ୍ବା ଲେଖନ୍ତୁ ଯେ ଆପଣ ସେଥିରୁ କʼଣ ଶିଖିଲେ ।
ପ୍ରଚାର ପାଇଁ ପ୍ରସ୍ତୁତି କରନ୍ତୁ । ଆପଣ ଚାହିଁଲେ ଅଭ୍ୟାସ କରିପାରିବେ ଯେ ଆପଣ ଲୋକମାନଙ୍କ ସହ କିପରି କଥା ହେବେ ।
ଯିହୋବାଙ୍କ ସୃଷ୍ଟି ଉପରେ ଧ୍ୟାନ ଦିଅନ୍ତୁ ଓ ତାʼ ଉପରେ ଚିନ୍ତନ କରନ୍ତୁ କିମ୍ବା ଚର୍ଚ୍ଚା କରନ୍ତୁ ଯେ ସେଥିରୁ ଆପଣ ଯିହୋବାଙ୍କ ବିଷୟରେ କʼଣ ଶିଖିଲେ ।a
a ମାର୍ଚ୍ଚ ୨୦୨୩ର ପ୍ରହରୀଦୁର୍ଗରେ ଦିଆଯାଇଥିବା ଲେଖା, “ସୃଷ୍ଟିକୁ ଦେଖି, ଯିହୋବାଙ୍କୁ ଜାଣନ୍ତୁ !” ପଢ଼ନ୍ତୁ ।