ଯୀଶୁ ଦାରିଦ୍ରତା ଶେଷ କରିଦେବେ

ଯୀଶୁ ପୃଥିବୀରେ ଥିବା ସମୟରେ ଲୋକମାନଙ୍କୁ ବହୁତ ପ୍ରେମ କରୁଥିଲେ । ସେ ବିଶେଷ କରି ସେହି ଲୋକମାନଙ୍କୁ ପ୍ରେମ କରୁଥିଲେ, ଯେଉଁମାନେ ଗରିବ ଥିଲେ ଓ ସମସ୍ୟାର ସାମନା କରୁଥିଲେ । (ମାଥିଉ ୯:୩୬) ଏପରିକି ସେ ସେମାନଙ୍କ ପାଇଁ ନିଜ ଜୀବନ ମଧ୍ୟ ବଳିଦାନ କରିଦେଲେ । (ମାଥିଉ ୨୦:୨୮; ଯୋହନ ୧୫:୧୩) ଖୁବ୍‌ ଶୀଘ୍ର ସେ ପୁଣିଥରେ ନିଜ ପ୍ରେମର ପ୍ରମାଣ ଦେବେ । ଆଜି ସେ ଈଶ୍ୱରଙ୍କ ରାଜ୍ୟର ରାଜା ଅଟନ୍ତି । ତେଣୁ ସେ ଖୁବ୍‌ ଶୀଘ୍ର ନିଜ ଅଧିକାର ଓ ଶକ୍ତିକୁ ବ୍ୟବହାର କରି ପୃଥିବୀରୁ ଦାରିଦ୍ରତା ଶେଷ କରିଦେବେ ।

ଯୀଶୁ କʼଣ କʼଣ କରିବେ, ସେବିଷୟରେ ବାଇବଲରେ ଲେଖାଅଛି:

• “ସେ ଲୋକମାନଙ୍କ ମଧ୍ୟରୁ ଦୁଃଖୀମାନଙ୍କର ବିଚାର କରିବେ, ସେ ଦୀନହୀନମାନଙ୍କର ସନ୍ତାନମାନଙ୍କୁ ଉଦ୍ଧାର କରିବେ ।”—ଗୀତସଂହିତା ୭୨:୪.

ଯୀଶୁ ଆମ ପାଇଁ ଏବେ ଯାଏ ଯାହା କରିଛନ୍ତି ଓ ଆଗକୁ ଯାହା କରିବେ, ତାʼପାଇଁ ଆମେ କିପରି ନିଜ କୃତଜ୍ଞତା ଦେଖାଇପାରିବା ? ଏପରି କରିବାର ଗୋଟିଏ ଉପାୟ ହେଉଛି, “ଈଶ୍ୱରଙ୍କ ରାଜ୍ୟର ସୁସମାଚାର” ବିଷୟରେ ଅଧିକ ଜାଣିବା । ଏହି ସୁସମାଚାର ଯୀଶୁ ଶୁଣାଇଥିଲେ । (ଲୂକ ୪:୪୩) “ଈଶ୍ୱରଙ୍କ ରାଜ୍ୟ କʼଣ ?” ଲେଖା ପଢ଼ନ୍ତୁ ।