ଯୀଶୁ ଯୁଦ୍ଧଗୁଡ଼ିକୁ ଶେଷ କରିଦେବେ

ଯେବେ ଯୀଶୁ ପୃଥିବୀରେ ଥିଲେ ତେବେ ସେ ଲୋକମାନଙ୍କୁ ବହୁତ ପ୍ରେମ କରୁଥିଲେ, ଏପରିକି ସେ ତାଙ୍କ ପାଇଁ ନିଜ ଜୀବନ ମଧ୍ୟ ବଳିଦାନ କରିଦେଲେ । (ମାଥିଉ ୨୦:୨୮; ଯୋହନ ୧୫:୧୩) ଆଗକୁ ସେ ପୁଣିଥରେ ନିଜ ପ୍ରେମର ପ୍ରମାଣ ଦେବେ । ଆଜି ସେ ଈଶ୍ୱରଙ୍କ ରାଜ୍ୟର ରାଜା ଅଟନ୍ତି । ତେଣୁ ସେ ବହୁତ ଶୀଘ୍ର ‘ପୃଥିବୀର ପ୍ରାନ୍ତ ପର୍ଯ୍ୟନ୍ତ ଯୁଦ୍ଧ ନିବୃତ୍ତ କରିବେ ।’—ଗୀତସଂହିତା ୪୬:୯.

ଧ୍ୟାନ ଦିଅନ୍ତୁ ଯେ ଯୀଶୁ ଆଉ କʼଣ କରିବେ, ଏବିଷୟରେ ବାଇବଲରେ କʼଣ ଲେଖାଅଛି:

• “ସେ ଆର୍ତ୍ତନାଦକାରୀ ଦୀନହୀନକୁ ଓ ଅସହାୟ ଦରିଦ୍ରକୁ ଉଦ୍ଧାର କରିବେ । ସେ ଦରିଦ୍ର ଓ ଦୀନହୀନ ପ୍ରତି ଦୟା କରିବେ ଓ ସେ ଦୀନହୀନମାନଙ୍କର ପ୍ରାଣ ଉଦ୍ଧାର କରିବେ । ସେ ଉପଦ୍ରବ ଓ ଦୌରାତ୍ମ୍ୟରୁ ସେମାନଙ୍କର ପ୍ରାଣ ମୁକ୍ତ କରିବେ; ପୁଣି, ତାହାଙ୍କ ଦୃଷ୍ଟିରେ ସେମାନଙ୍କ ରକ୍ତ ବହୁମୂଲ୍ୟ ହେବ ।”—ଗୀତସଂହିତା ୭୨:୧୨-୧୪.

ଯୀଶୁ ଆମ ପାଇଁ ଏପର୍ଯ୍ୟନ୍ତ ଯାହା କରିଛନ୍ତି ଆଉ ଆଗକୁ ଯାହା କରିବେ, ତାʼପାଇଁ ଆମେ ନିଜ କୃତଜ୍ଞତା କିପରି ଦେଖାଇପାରିବା ? ଏପରି କରିବାର ଗୋଟିଏ ଉପାୟ ହେଉଛି, “ଈଶ୍ୱରଙ୍କ ରାଜ୍ୟର ସୁସମାଚାର” ବିଷୟରେ ଅଧିକ ଜାଣିବା । ଏହି ସୁସମାଚାର ଯୀଶୁ ଶୁଣାଇଥିଲେ । (ଲୂକ ୪:୪୩) “ଈଶ୍ୱରଙ୍କ ରାଜ୍ୟ କʼଣ ?” ଲେଖା ପଢ଼ନ୍ତୁ ।