ବାଇବଲକୁ ଈଶ୍ୱର ଲେଖାଇଛନ୍ତି

ଯିହୋବା ଆମକୁ ଏକ ବହୁମୂଲ୍ୟ ଉପହାର ଦେଇଛନ୍ତି । ତାହା ହେଉଛି, ବାଇବଲ । ଏଥିରେ ୬୬ଟି ଛୋଟ ଛୋଟ ବହି ଅଛି । କିନ୍ତୁ ପ୍ରଶ୍ନ ହେଉଛି, ‘ମଣିଷମାନଙ୍କ ପାଖକୁ ବାଇବଲ ଆସିଲା କେଉଁଠୁ ? ବାଇବଲକୁ କିଏ ଲେଖିଛି ?’ ଏହି ପାଠରେ ଆମେ ଏହି ପ୍ରଶ୍ନଗୁଡ଼ିକର ଉତ୍ତର ପାଇବା ।

୧. ଯଦି ବାଇବଲକୁ ମଣିଷମାନେ ଲେଖିଛନ୍ତି, ତାହେଲେ ଏହା ଈଶ୍ୱରଙ୍କ ତରଫରୁ କିପରି ?

ବାଇବଲକୁ ଲେଖିବା ପାଇଁ ପ୍ରାୟ ୧,୬୦୦ ବର୍ଷ ଲାଗିଲା । ଖ୍ରୀଷ୍ଟ ପୂର୍ବ ୧୫୧୩ରେ ଏହାକୁ ଲେଖିବା ଆରମ୍ଭ କରାଯାଇଥିଲା ଏବଂ ୯୮ ଖ୍ରୀଷ୍ଟାବ୍ଦରେ ଏହାର ଲେଖିବା ଶେଷ ହୋଇଥିଲା । ଏହାକୁ ପ୍ରାୟ ୪୦ ଜଣ ଲୋକ ଲେଖିଥିଲେ । ସେମାନେ ପରସ୍ପରଠାରୁ ଭିନ୍ନ ଥିଲେ । ଯେପରି— ରାଜା, ମେଷପାଳକ ଓ ମାଛ ଧରାଳି । ତଥାପି ସେମାନଙ୍କ କଥା ପରସ୍ପର ସହ ମେଳ ଖାଉଥିଲା । ଏହା କିପରି ? କାରଣ ସମ୍ପୂର୍ଣ୍ଣ ବାଇବଲ ଈଶ୍ୱର ଲେଖାଇଛନ୍ତି । (୧ ଥେସଲନୀକୀୟ ୨:୧୩ ପଢ଼ନ୍ତୁ ।) ସେହି ଲୋକମାନେ ବାଇବଲରେ ନିଜ ମନ କଥା ଲେଖି ନ ଥିଲେ, ବରଂ ସେମାନେ ଯିହୋବା ଈଶ୍ୱରଙ୍କ କଥା ଲେଖିଥିଲେ । ଯିହୋବା ସେମାନଙ୍କୁ ନିଜ ‘ପବିତ୍ର ଶକ୍ତିa ଦ୍ୱାରା’ ନିଜ କଥା ଲେଖାଇଲେ । (୨ ପିତର ୧:୨୧) ତେଣୁ ଏହାକୁ ମଣିଷମାନେ ଲେଖିଥିଲେ ବି ଏହା ଈଶ୍ୱରଙ୍କ ତରଫରୁ ଅଟେ ।—୨ ତୀମଥି ୩:୧୬.

୨. କିଏ ବାଇବଲ ପଢ଼ିପାରିବେ ?

ଈଶ୍ୱର କହନ୍ତି, ‘ସମସ୍ତ ଜାତି, ଗୋଷ୍ଠୀ, ଭାଷାବାଦୀ ଓ ବଂଶର ଲୋକ’ ବାଇବଲ ପଢ଼ିପାରିବେ ଏବଂ ସେଥିରୁ ଲାଭ ପାଇପାରିବେ । (ପ୍ରକାଶିତ ବାକ୍ୟ ୧୪:୬ ପଢ଼ନ୍ତୁ ।) ଆଉ ଆଜି ଆମେ ତାଙ୍କର ଏହି କଥା ପୂରା ହେଉଥିବାର ଦେଖୁଛୁ । ଆଜି ବାଇବଲ ଯେତିକି ଭାଷାରେ ଅଛି, ସେତିକି ଭାଷାରେ ଆଉ କୌଣସି ବହି ନାହିଁ । ତେଣୁ ଅଧିକାଂଶ ଲୋକ ନିଜ ଭାଷାରେ ବାଇବଲ ପଢ଼ିପାରିବେ, ଏପରିକି ସେମାନେ ଯେକୌଣସି ଜାଗାର ଥାʼନ୍ତୁ ନା କାହିଁକି ।

୩. ଯିହୋବା କିପରି ବାଇବଲକୁ ନଷ୍ଟ ହେବାରୁ ରକ୍ଷା କଲେ ?

ଆରମ୍ଭରେ ବାଇବଲକୁ ଏପରି ଜିନିଷଗୁଡ଼ିକରେ ଲେଖା ଯାଉଥିଲା, ଯାହା ଶୀଘ୍ର ଖରାପ ହୋଇ ଯାଉଥିଲା । କିନ୍ତୁ ବାଇବଲକୁ ଆଦର କରୁଥିବା କିଛି ଲୋକ ବହୁତ ଧ୍ୟାନର ସହ ଏହାର ଅନେକ ନକଲ ପ୍ରସ୍ତୁତ କଲେ । ଆଉ, ଯେତେବେଳେ ବାଇବଲକୁ ପସନ୍ଦ କରୁ ନ ଥିବା ଲୋକମାନେ ଏହାକୁ ନଷ୍ଟ କରିବା ପାଇଁ ଚେଷ୍ଟା କଲେ, ସେତେବେଳେ ମଧ୍ୟ କିଛି ଲୋକ ନିଜ ଜୀବନକୁ ବିପଦରେ ପକାଇ ଏହାକୁ ସୁରକ୍ଷିତ ରଖିଲେ । ନିଜ ବାର୍ତ୍ତା ଆମ ପାଖରେ ପହଞ୍ଚାଇବା ପାଇଁ ଯିହୋବାଙ୍କୁ କେହି ବି ରୋକିପାରିଲେ ନାହିଁ । ବାଇବଲରେ ଲେଖାଅଛି, “ପରମେଶ୍ୱରଙ୍କ ବାକ୍ୟ ଅନନ୍ତକାଳସ୍ଥାୟୀ ।”—ଯିଶାଇୟ ୪୦:୮.

ଭାବନ୍ତୁ ଓ ଶିଖନ୍ତୁ

୪. ବାଇବଲରେ ହିଁ କୁହାଯାଇଛି ଯେ ଏହାର ଲେଖକ କିଏ

ଭିଡିଓ ଦେଖନ୍ତୁ । ତାʼପରେ ୨ ତୀମଥି ୩:୧୬ ପଢ଼ନ୍ତୁ ଏବଂ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକ ଉପରେ ଆଲୋଚନା କରନ୍ତୁ ।

ଭିଡିଓ: ପ୍ରକୃତରେ ବାଇବଲର ଲେଖକ କିଏ ?—ଉଦ୍ଧୃତାଂଶ (୨:୪୮)

• ଯଦି ମଣିଷମାନେ ବାଇବଲକୁ ଲେଖିଛନ୍ତି, ତାହେଲେ ଏହାକୁ ଈଶ୍ୱରଙ୍କ ବାକ୍ୟ ବୋଲି କାହିଁକି କୁହାଯାଏ ?

• ଯିହୋବା ସ୍ୱର୍ଗରେ ରହନ୍ତି । ତାହେଲେ ଆପଣଙ୍କୁ କିପରି ଲାଗେ, କʼଣ ସେ ସେଠାରୁ ନିଜ ମନ କଥା ମଣିଷମାନଙ୍କୁ ଜଣାଇପାରନ୍ତି ?

୫. ବାଇବଲକୁ ନଷ୍ଟ କରିବା ପାଇଁ ବହୁତ ଚେଷ୍ଟା କରାଗଲା, ତଥାପି ଏହା ଆଜି ପର୍ଯ୍ୟନ୍ତ ଅଛି

ଭିଡିଓ: ବାଇବଲ ସେମାନଙ୍କ ଜୀବନଠୁ ବଳି ଅତି ପ୍ରିୟ ଥିଲା—ଉଦ୍ଧୃତାଂଶ (ୱିଲିୟମ୍‌ ଟିଣ୍ଡେଲ୍‌) (୬:୧୭)

• ବାଇବଲକୁ ରକ୍ଷା କରିବା ପାଇଁ ବହୁତ କିଛି କରାଯାଇଛି । କʼଣ ଏହା ଜାଣି ଆପଣଙ୍କୁ ବାଇବଲ ପଢ଼ିବା ପାଇଁ ଇଚ୍ଛା ହେଉନି ଏବଂ କାହିଁକି ?

ଗୀତସଂହିତା ୧୧୯:୯୭ ପଢ଼ନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନ ଉପରେ ଆଲୋଚନା କରନ୍ତୁ:

• ବାଇବଲକୁ ଅନୁବାଦ କରିବା ଓ ତାହା ଅନ୍ୟମାନଙ୍କ ପାଖକୁ ପହଞ୍ଚାଇବା ପାଇଁ କିଛି ଲୋକ ନିଜ ଜୀବନକୁ ବିପଦରେ କାହିଁକି ପକାଇଲେ ?

୬. ବାଇବଲ ସବୁ ଲୋକଙ୍କ ପାଇଁ ଅଟେ

ବାଇବଲ ସବୁଠାରୁ ଅଧିକ ଭାଷାରେ ମିଳୁଥିବା ବହି ଅଟେ । ଏହାକୁ ପୃଥିବୀର ପ୍ରାୟ ସବୁ ଦେଶର ଲୋକେ ନିଜ ଭାଷାରେ ପଢ଼ିପାରିବେ । ପ୍ରେରିତ ୧୦:୩୪, ୩୫ ପଢ଼ନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକ ଉପରେ ଆଲୋଚନା କରନ୍ତୁ:

• ଈଶ୍ୱର କାହିଁକି ଚାହାନ୍ତି ଯେ ତାଙ୍କ ବାକ୍ୟ ବାଇବଲ ଅଧିକରୁ ଅଧିକ ଭାଷାରେ ଓ ସମସ୍ତଙ୍କୁ ମିଳୁ ?

• ଆପଣଙ୍କୁ ବାଇବଲ ବିଷୟରେ କʼଣ ଭଲ ଲାଗେ ?

ଆମେ କʼଣ ଶିଖିଲୁ ?

ବାଇବଲ ଈଶ୍ୱରଙ୍କ ବାକ୍ୟ ଅଟେ ଏବଂ ସେ ଏହାକୁ ସବୁ ଲୋକଙ୍କ ପାଖରେ ପହଞ୍ଚାଇଛନ୍ତି ।

ଆପଣ କʼଣ କହିବେ ?

• ଯଦି ବାଇବଲକୁ ମଣିଷମାନେ ଲେଖିଛନ୍ତି, ତାହେଲେ ଏହା ଈଶ୍ୱରଙ୍କ ତରଫରୁ କିପରି ?

• ବାଇବଲକୁ ଯେପରି ସୁରକ୍ଷିତ ରଖାଗଲା, ଅନୁବାଦ କରାଗଲା ଏବଂ ସମସ୍ତଙ୍କ ପାଖକୁ ପହଞ୍ଚାଇ ଦିଆଗଲା, ସେବିଷୟରେ ଆପଣଙ୍କୁ କʼଣ କʼଣ ଭଲ ଲାଗିଲା ?

• ଈଶ୍ୱର ନିଜ କଥା ଆପଣଙ୍କ ପାଖକୁ ପହଞ୍ଚାଇବା ପାଇଁ ଯାହା କଲେ, ତାହା ଜାଣି ଆପଣଙ୍କୁ କିପରି ଲାଗେ ?

ଅଧିକ ଜାଣନ୍ତୁ

ଜାଣନ୍ତୁ ଯେ ପ୍ରାଚୀନ କାଳରୁ ନେଇ ଆଜିର ସମୟ ପର୍ଯ୍ୟନ୍ତ ବାଇବଲ କିପରି ଆମ ପାଖକୁ ପହଞ୍ଚିଲା ।

“ବାଇବଲ ଆମ ପାଖକୁ କିପରି ପହଞ୍ଚିଲା ?” (ପବିତ୍ର ଶାସ୍ତ୍ରର ନୂତନ ଜଗତ ଅନୁବାଦ-ହି, ଅତିରିକ୍ତ ଲେଖା କ୩)

ଜାଣନ୍ତୁ ଯେ କେଉଁ ତିନୋଟି ସମସ୍ୟା ସତ୍ତ୍ୱେ ବାଇବଲ ଆଜି ପର୍ଯ୍ୟନ୍ତ ସୁରକ୍ଷିତ ଅଛି ।

“ବାଇବଲ—ଏପରି ଏକ ବହି ଯାହାକୁ କେହି ନଷ୍ଟ କରିପାରିଲେନି” (ପ୍ରହରୀଦୁର୍ଗ ଲେଖା-ହି)

ଜାଣନ୍ତୁ ଯେ ବାଇବଲକୁ ଅନୁବାଦ କରିବା ପାଇଁ ଲୋକମାନଙ୍କୁ କେଉଁ କେଉଁ ସମସ୍ୟାର ସାମନା କରିବାକୁ ପଡ଼ିଲା ।

ବାଇବଲ ସେମାନଙ୍କ ଜୀବନଠୁ ବଳି ଅତି ପ୍ରିୟ ଥିଲା (୧୪:୨୬)

ବାଇବଲର ଅନେକଗୁଡ଼ିଏ ନକଲ ପ୍ରସ୍ତୁତ କରାଗଲା ଏବଂ ଅନୁବାଦ କରାଗଲା । ଆମେ କିପରି ଭରସା କରିପାରିବା ଯେ ଏଥିରେ ସେହି କଥା ଲେଖାଅଛି, ଯାହା ଆରମ୍ଭରେ ଈଶ୍ୱର ଲେଖାଇଥିଲେ ?

“କʼଣ ବାଇବଲରେ ଲେଖାଥିବା କଥାଗୁଡ଼ିକରେ କିଛି ପରିବର୍ତ୍ତନ କରାଯାଇଛି ?” (jw.org ୱେବସାଇଟ୍‌ରେ ଥିବା ଲେଖା)