ଯୁଦ୍ଧ ଓ ଲଢ଼େଇଗୁଡ଼ିକ ସତ୍ତ୍ୱେ ଶାନ୍ତି କିପରି ପାଇବା ?

ଏଥିରୁ କିପରି ସାହାଯ୍ୟ ମିଳିଲା ? “ଏହି ପଦରୁ ମୋତେ ଭରସା ହୋଇଗଲା ଯେ ଯିହୋବା ଈଶ୍ୱର ଦୟାଳୁ ଅଟନ୍ତି । ମୁଁ ଜାଣିଛି ଯେ ପୂର୍ବେ ଯୁଦ୍ଧରେ ଭାଗ ନେଇ ମୁଁ ଯାହା ବି କରିଛି, ତାʼପାଇଁ ଯିହୋବା ମୋତେ କ୍ଷମା କରିଦେବେ ।”—ୱିଲମାର୍‌, କଲମ୍ବିଆ ।

ଏଥିରୁ କିପରି ସାହାଯ୍ୟ ମିଳିଲା ? “ମୁଁ ପୂର୍ବେ ସେନାରେ ଥିଲି ଓ ଯୁଦ୍ଧରେ ଭାଗ ନେବା ଯୋଗୁଁ ମୋତେ ପୋଷ୍ଟ-ଟ୍ରୋମୈଟିକ୍‌ ଷ୍ଟ୍ରେସ୍‌ ଡିସ୍‌ଓଡର (PTSD) ଏବଂ ଡିପ୍ରେସନ୍‌ ହୋଇଗଲା । ପ୍ରାୟ ସମୟରେ ମୋତେ ଡର ଲାଗେ, ମୁଁ ଚିନ୍ତା କରିବାକୁ ଲାଗେ ଏବଂ ରାତିରେ ଖରାପ ସ୍ୱପ୍ନଗୁଡ଼ିକ ଆସେ । କିନ୍ତୁ ବାଇବଲର ଏହି କଥା ମୋତେ ମନେ ପକାଇଦିଏ ଯେ ଯିହୋବା ଖୁବ୍‌ ଶୀଘ୍ର ମୋର ଏହି ସମସ୍ତ ଖରାପ ସ୍ମୃତିଗୁଡ଼ିକୁ ସବୁଦିନ ପାଇଁ ଦୂର କରିଦେବେ । ଆଉ ସେଗୁଡ଼ିକ ମୋ ମନରେ କେବେ ବି ଆସିବ ନାହିଁ । ମୁଁ ସେହି ସମୟର ଆଗ୍ରହର ସହିତ ଅପେକ୍ଷା କରୁଛି ।”—ଜାଫିରା, ଆମେରିକା ।

ଏଥିରୁ କିପରି ସାହାଯ୍ୟ ମିଳିଲା ? “ମୁଁ ପ୍ରାୟ ସମୟରେ ଏହି ଶବ୍ଦଗୁଡ଼ିକ ବିଷୟରେ ଭାବେ । ଖୁବ୍‌ ଶୀଘ୍ର ଯୁଦ୍ଧ ଓ ତାହାର ଖରାପ ପରିଣାମଗୁଡ଼ିକ ସବୁଦିନ ପାଇଁ ଶେଷ ହୋଇଯିବ । ତାʼପରେ ଆମକୁ କେବେ ବି ନିଜର ପ୍ରିୟଜନମାନଙ୍କ ପାଇଁ ଚିନ୍ତା କରିବାକୁ ପଡ଼ିବ ନାହିଁ ।”—ଓଲିକସାନ୍ଦ୍ରା, ୟୁକ୍ରେନ୍‌ ।

ଏଥିରୁ କିପରି ସାହାଯ୍ୟ ମିଳିଲା ? “ଯେବେ ଅନ୍ୟ ଜାତିର ଲୋକମାନେ ଟୁଟସି ଜାତିର ଲୋକମାନଙ୍କର ହତ୍ୟା କଲେ, ତେବେ ମୋ ପରିବାରର ଅଧିକାଂଶ ଲୋକଙ୍କ ମୃତ୍ୟୁ ହୋଇଗଲା । କିନ୍ତୁ ଏହି ପଦରୁ ମୋତେ ଆଶା ମିଳିଲା ଯେ ସେମାନଙ୍କୁ ପୁଣିଥରେ ଜୀବିତ କରାଯିବ । ସେମାନଙ୍କୁ ପୁଣିଥରେ ଭେଟିବା ପାଇଁ, ସେମାନଙ୍କର ହସ ଶୁଣିବା ପାଇଁ ମୁଁ ବହୁତ ଉତ୍ସୁକ ଅଛି ।”—ମେରି, ରୁଆଣ୍ଡା ।

ଏଥିରୁ କିପରି ସାହାଯ୍ୟ ମିଳିଲା ? “ଏହା ସତ ଯେ ଯୁଦ୍ଧ ଶେଷ ହୋଇଯାଇଛି, କିନ୍ତୁ ଏବେ ବି ଦୁଷ୍ଟ ଲୋକମାନେ ଅଛନ୍ତି ଏବଂ ଅନ୍ୟାୟ ହେଉଛି । ଏହି ପଦରୁ ମୋତେ ବହୁତ ସାହାଯ୍ୟ ମିଳିଲା । ମୁଁ ଜାଣିପାରିଲି ଯେ ଯିହୋବା ଏସବୁକୁ ଦେଖୁଛନ୍ତି ଓ ସେ ଭଲଭାବେ ଜାଣନ୍ତି ଯେ ଏହାଯୋଗୁଁ ମୋ ଉପରେ କʼଣ ଘଟୁଛି । ସେ ପ୍ରତିଜ୍ଞା କରିଛନ୍ତି ଯେ ଖୁବ୍‌ ଶୀଘ୍ର ସମସ୍ତ ଦୁଃଖକଷ୍ଟକୁ ଶେଷ କରିଦେବେ ଏବଂ ଆମକୁ ଏହା ପୁଣି କେବେ ବି ମନେ ପଡ଼ିବ ନାହିଁ ।”—ଦଲେର୍‌, ତାଜିକିସ୍ତାନ ।