Лӕггаддзинады фембӕлдты расписани

8 июлӕй райдайгӕ къуыри

Зарӕг № 201.

15 мин. Хъусинӕгтӕ. Цалдӕр хъусинаджы «Нӕ паддзахадон лӕггаддзинад»-ӕй. 4-ӕм фарсыл лӕвӕрд уынаффӕтӕй спайда кӕн ӕмӕ бацӕттӕ кӕн дыууӕ цӕвиттоны, куыд ис радтӕн 15 июлы «Хъахъхъӕнӕн мӕсыг» ӕмӕ 22 июлы «Райхъал ут!». Дыууӕ цӕвиттоны дӕр равдис, цавӕр дзуапп ис радтӕн, исчи куы зӕгъа, мах чырыстӕттӕ стӕм, зӕгъгӕ. (Кӕс брошюрӕ «Куыд райдайӕм ӕмӕ куыд адарддӕр кӕнӕм нӕ ныхас Библийыл», 11 ф., уыр.)

10 мин. Фарстыты асыкк. Хистӕр нӕлгоймаджы раныхас. Бамбарын кӕн, ӕрмӕг ӕмбырдмӕ куыд хауы, уый.

20 мин. Цӕттӕ стӕм хъусын кӕнынмӕ, фадат нын куы фӕзына, уӕд. Ныхас хъусджытимӕ чиныг «Нӕ лӕггаддзинад»-ы бындурыл, 93, 94 ф. (уыр.). Спайда кӕн 2002 азы январы «Нӕ паддзахадон лӕггаддзинад»-ы уӕлӕмхасӕн сыфы фыццаг фарсыл лӕвӕрд уынаффӕтӕй; цыбыртӕй равдис дыууӕ кӕнӕ ӕртӕ цӕвиттоны, куыд ис хъусын кӕнӕн ӕнӕзонгӕ адӕмӕн, сыхӕгтӕн, хӕстӕджытӕн кӕнӕ та зонгӕтӕн.

Зарӕг № 139 ӕмӕ кӕронбӕттӕн куывд.

15 июлӕй райдайгӕ къуыри

Зарӕг № 144.

10 мин. Хъусинӕгтӕ. Ӕхцайы хыгъд.

15 мин. Ӕркӕсинаг фарстатӕ.

20 мин. Уацамынды Библийӕ пайда кӕнын цӕмӕн хъӕуы? Раныхас ӕмӕ ныхас хъусджытимӕ. Йесо зыдта Фыстад ӕмӕ дзы арӕх пайда кодта адӕмы ахуыргӕнгӕйӕ (Лук. 24:27, 44—47). Уый адӕмы цӕуыл ахуыр кодта, уый йӕхи ӕрымысгӕ нӕ уыд (Иоан. 7:16—18). Тынг ахсджиаг у, цӕмӕй мах дӕр Хуыцауы Ныхасӕй пайда кӕнӕм. Нӕ ныхӕстӕй уымӕн фылдӕр тых ис (Иоан. 12:49, 50; Дзут. 4:12). Сыгъдӕгзӕрдӕ адӕммӕ бахъары, Фыстад цы удӕнцой ӕмӕ ныфс дӕтты, уый. Бацархай, цӕмӕй искӕимӕ куы ныхас кӕнай, уӕд Библийӕ иу стих уӕддӕр бакӕсай. Банысан кӕнын хъӕуы, ацы мӕйы журналтӕ радтынӕн цы цӕвиттонтӕ ис, уым стихтӕ кӕй ис, уый. Иу цалдӕр хъусынгӕнӕджы бафӕрс, уацамынды Библийӕ куыд пайда кодтой ӕмӕ уый куыд фӕзынд сӕхиуыл ӕмӕ кӕимӕ ныхас кодтой, уыдоныл дӕр.

Зарӕг № 215 ӕмӕ кӕронбӕттӕн куывд.

22 июлӕй райдайгӕ къуыри

Зарӕг № 47.

10 мин. Хъусинӕгтӕ. Ныййарӕг йӕ сывӕллонимӕ уацамынды пайда кӕны 4-ӕм фарсыл лӕвӕрд уынаффӕтӕй, куыд ис радтӕн 1 августы ӕмӕ 8 августы журналтӕ. Сӕ иу дӕтты «Хъахъхъӕнӕн мӕсыг», иннӕ та — «Райхъал ут!». Ныййарджыты сразӕнгард кӕн, цӕмӕй сӕ сывӕллӕтты уацамындмӕ цӕттӕ кӕной.

17 мин. Пысылмон дины тыххӕй исчи куы фӕрса, уӕд ын цы ис зӕгъӕн? Раныхас ӕмӕ равдыст. Бамбарын кӕн, ӕмбаргӕ кӕй хъуамӕ уӕм ӕндӕр культурӕты адӕмимӕ ныхасгӕнгӕйӕ. Брошюрӕ «Хуыцауы разамынд нӕ кӕны дзӕнӕтмӕ»-йӕ (уыр.) пайдагӕнгӕйӕ, цыбыртӕй ӕрдзур, Библи ӕмӕ Хъуыраны ӕмхуызонӕй цы ис, ууыл. (Кӕс рамкӕ 8-ӕм фарсыл.) Цыбыртӕй ма бамбарын кӕн чырыстон дины ахуырӕдтӕ Сыгъдӕг Фыстады ахуырӕдтӕй цӕмӕй хицӕн кӕнынц. (Кӕс рамкӕ 5-ӕм фарсыл.) Хорз бацӕттӕ кӕн ӕмӕ равдис дӕлдӕр лӕвӕрд цӕвиттон. «Ӕз фылдӕр ныхас кӕнын пысылмӕттимӕ. Ӕз дӕ дины тыххӕй бакастӕн ӕмӕ бамбӕрстон, пысылмӕттӕ иунӕг ӕцӕг Хуыцауыл ӕмӕ ӕппӕт пехуымпартыл кӕй ӕууӕндынц, уый. [Бауадз ӕй йӕ хъуыды зӕгъын.] Мӕн фӕнды демӕ аныхас кӕнын иу рагон пехуымпарадыл. Уым дзырдӕуы зӕхх дзӕнӕт кӕй суыдзӕн, ууыл. Байхъус ма иу пехуымпары ныхӕстӕм. [Бакӕс Исай 11:6—9.] Ацы пехуымпарад мын мӕ зӕрдыл ӕрлӕууын кодта Хъуыранӕй иу хъуыды, ссарӕн ӕй ис ацы брошюрӕйы». Брошюрӕ «Хуыцауы разамынд» 9-ӕм фарсыл рафӕлдах ӕмӕ бакӕс ставдӕй фыст хъуыдыйад, зӕгъгӕ, рӕстгӕнджытӕ зӕхх сӕхи бакӕндзысты. Адӕймаг куы бацымыдис кӕна, уӕд ма ӕрныхас кӕнут 7—9 абзацтыл 8-ӕм фарсыл. Радт ын брошюрӕ ӕмӕ дыккаг бацыдыл баныхас кӕн. Бамбарын кӕн, кӕй хъуамӕ уӕм арӕхстджын, пысылмӕттӕн цы литературӕ дӕттӕм, уый ӕвзаргӕйӕ ӕмӕ семӕ ныхасгӕнгӕйӕ. Равдис, пысылмӕттӕн уӕм ӕмбырды цы литературӕ ис, уый. (Трактаттӕ «Дзӕнӕтмӕ фӕндагӕн куыд ссарӕн ис?» [rp] — ирон, «Нӕ цард хъысмӕтыл баст у? Ӕви Хуыцауы раз нӕхӕдӕг дӕттӕм дзуапп?» [Т-71], «Ӕппӕты кадджындӕр ном» [Т-72], «Чи сты Иегъовӕйы Ӕвдисӕнтӕ?» [Т-73], «Артын зындон Хуыцауы мастисӕн у?» [Т-74] — уырыссаг, брошюрӕтӕ «Хуыцауы разамынд нӕ кӕны Дзӕнӕтмӕ» [gu] ӕмӕ «Хуыцауӕн раст кувыны рӕстӕг» [sm]). Пысылмӕтты тыххӕй ма дӕ бон у фылдӕр базонын 1998 азы февралы (уыр.) ӕмӕ 1999 азы ноябры «Нӕ паддзахадон лӕггаддзинад»-ы номыртӕй; «Куыд райдайӕм ӕмӕ куыд адарддӕр кӕнӕм нӕ ныхас Библийыл», 15, 16 ф. (уыр.) ӕмӕ «Адӕм агурынц Хуыцауы», 12 сӕр (анг.).

18 мин. Куыд ис хи бахизӕн Интернеты къӕппӕджытӕй? Раныхас ӕмӕ ныхас хъусджытимӕ бындуриуӕг кӕны 2000 азы 22 январы «Райхъал ут!»-ы 19—21 фӕрстыл (уыр.) лӕвӕрд ӕрмӕгыл. Бацамон, адӕймаг Интернеты раз бирӕ рӕстӕг куы ӕрвита, уӕд цавӕр рӕдыдтытӕ сараздзӕн, ӕмӕ бамбарын кӕн, уымӕй куыд ис хи бахизӕн. Хъусджытӕн зӕгъ, цӕмӕй радзурой, ацы уынаффӕ сын куыд ӕххуыс кӕны, уый тыххӕй.

Зарӕг № 61 ӕмӕ кӕронбӕттӕн куывд.

29 июлӕй райдайгӕ къуыри

Зарӕг № 54.

10 мин. Хъусинӕгтӕ. Хъусынгӕнджыты зӕрдыл ӕрлӕууын кӕн, цӕмӕй июлӕн уацамынды хыгъд радтой.

10 мин. «Районон конгрессы ног программӕ». Раныхас. Фехъусын кӕн, иннӕ районон конгресс кӕд уыдзӕн, уый тыххӕй. Алкӕмӕндӕр зӕгъ, цӕмӕй конгресмӕ ацӕуой ӕмӕ программӕмӕ байхъусой. Ӕнӕаргъуыд хъусынгӕнджыты сразӕнгард кӕн, цӕмӕй донаргъуыд райсыныл ахъуыды кӕной. Ӕппӕт тыхтӕй бацархайут, Библи чи ахуыр кӕны, уыдоны фӕхонын.

25 мин. «Буары уӕнгтау „кӕрӕдзийыл баст стӕм“»a. 3-аг абзацыл куы дзурай, уӕд радт уынаффӕтӕ 2000 азы 22 апрелы «Райхъал ут!»-ӕй, 9, 10 ф. (уыр.); 4-ӕм абзацыл дзургӕйӕ та — 1995 азы 1 апрелы «Хъахъхъӕнӕн мӕсыг»-ӕй, 16, 17 ф., 4—6 абз. (уыр.).

Зарӕг № 81 ӕмӕ кӕронбӕттӕн куывд.

5 августӕй райдайгӕ къуыри

Зарӕг № 38.

10 мин. Хъусинӕгтӕ.

20 мин. «Ӕмбырд кӕнынц алы ӕвзӕгтыл дзурӕг адӕм»b. Спайда кӕн 2002 азы 1 апрелы «Хъахъхъӕнӕн мӕсыджы» 24 фарсыл (уыр.) лӕвӕрд уынаффӕтӕй. Уӕ территорийы ӕндӕр ӕвзӕгтыл кӕд исчи дзуры, уӕд цыбыртӕй бамбарын кӕн, куыд сын ис баххуыс кӕнӕн; равдис 4-ӕм абзацы лӕвӕрд цӕвиттон.

15 мин. Хабӕрттӕ нӕ лӕггаддзинадӕй. Хъусджытӕн зӕгъ, цӕмӕй радзурой уырнындзинад фидаргӕнӕн цаутӕ, кӕцытӕ ӕрцыдысты сӕрды облӕстон конгресмӕ цӕугӕйӕ, ӕххуысгӕнӕг пионертӕй лӕггадгӕнгӕйӕ кӕнӕ Паддзахады ӕндӕр хъуыддӕгты архайгӕйӕ.

Зарӕг № 184 ӕмӕ кӕронбӕттӕн куывд.

[Фиппаинӕгтӕ]