Фембӕлдты уыдзӕн

9 сентябрӕй райдайгӕ къуыри

209 зарӕг.

13 мин. Хъусинӕгтӕ. Цалдӕр хъусинаджы «Нӕ паддзахадон лӕггаддзинад»-ӕй. 8-ӕм фарсыл лӕвӕрд уынаффӕтӕй спайда кӕн ӕмӕ бацӕттӕ кӕн дыууӕ цӕвиттоны, куыд ис радтӕн 15 сентябры «Хъахъхъӕнӕн мӕсыг» ӕмӕ 22 сентябры «Райхъал ут!». Дыууӕ цӕвиттоны дӕр равдис, цавӕр дзуапп ис радтӕн, исчи куы зӕгъа, зӕгъгӕ, мӕн Иегъовӕйы Ӕвдисӕнты тыххӕй ницы зонын фӕнды. (Кӕс бр. «Куыд райдайӕм ӕмӕ куыд адарддӕр кӕнӕм нӕ ныхас Библийыл», 9, 10 фф., уыр.)

17 мин. «Адӕмӕн ӕххуыс кӕнӕм Иегъовӕйы кадджын кӕнынӕн»a.

15 мин. Уырнындзинад цӕуылнӕ ис? Ныхас хъусджытимӕ. Мах арӕх сӕмбӕлӕм, чи ницӕуыл ӕууӕнды, ахӕм адӕмыл (2 Фес. 3:2). Цӕмӕй сын Иегъовӕйы тыххӕй ӕцӕгад радзурӕм, уый тыххӕй уал хъуамӕ базонӕм, Хуыцауыл цӕуылнӕ ӕууӕндынц. Ӕрдзур, адӕмы Хуыцауыл баууӕндынӕн чи хъыгдары, цыппар ахӕм уавӕрыл, амынд сты 7 фарсыл фӕлгӕты «Бирӕтӕм уырнындзинад цӕуылнӕ ис?». Хъусджытӕн зӕгъ, цӕмӕй радзурой, уыцы уавӕртӕй алкӕцыйы дӕр куыд ис хуыздӕр аныхас кӕнӕн. Уый равдисынӕн ӕрхӕсс цымыдисаг цау кӕнӕ цӕвиттон «Райхъал ут!»-ӕй, 1993 аз, 8 октябрь, 14, 15 фф., (уыр.).

122 зарӕг ӕмӕ кӕронбӕттӕн куывд.

16 сентябрӕй райдайгӕ къуыри

163 зарӕг.

10 мин. Хъусинӕгтӕ. Ӕхцайы хыгъд. Алкӕмӕндӕр зӕгъ, цӕмӕй ӕркӕсой сӕ фыстытӕм фӕстаг районон конгрессӕй ӕмӕ афтӕмӕй сӕхи бацӕттӕ кӕной иннӕ къуырийы Лӕггаддзинады фембӕлдмӕ.

18 мин. Ивгъуыд аз нын цы бантыст? Уацамындӕн дзуапдӕттӕг ӕфсымӕры раныхас. Равзар 2002 лӕггаддзинады азы ӕмбырды хыгъдӕй сӕйраг хъуыдытӕ. Ӕмбырдӕй раппӕл, цы хорз хъуыддӕгтӕ сын бантыст, уыдон тыххӕй. Сӕйраджыдӕр зӕгъ, ӕмбырды уӕнгтӕ фембӕлдтӕм куыд цыдысты, дыккаг бацыдтӕ куыд арӕзтой ӕмӕ Библи адӕмимӕ куыд ахуыр кодтой, ӕмӕ ӕххуысгӕнӕг пионертӕй куыд лӕггад кодтой. Радт ахадгӕ уынаффӕтӕ уыцы хъуыддӕгты фӕхуыздӕр кӕнынӕн. Зӕгъ, ног азы уӕ разы цавӕр нысӕнттӕ сӕвӕрдтат, уыдоны тыххӕй.

17 мин. Иунӕг ныййарӕджы зындзинӕдтӕ. Хистӕр нӕлгоймаг ныхас кӕны иу кӕнӕ дыууӕ иунӕг ныййарӕгимӕ (кӕнӕ та йе ’мкъай Ӕвдисӕн кӕмӕн нӕу, ахӕм ныййарджытимӕ), цӕмӕй базона, сӕ сывӕллӕтты хъомылгӕнгӕйӕ, зонд сын амонгӕйӕ ӕмӕ сын ӕцӕгады тыххӕй дзургӕйӕ, цы зындзинӕдтыл сӕмбӕлынц, уыдон куыд аиуварс кӕнынц, уый. Куыд ӕххӕссынц сӕ хӕдзары куыстытыл ӕмӕ ма афтӕмӕй иудадзыг ӕмбырды фембӕлдтӕм ӕмӕ уацамынды дӕр куыд цӕуынц? Ӕрныхас кӕн чиныг «Бинонты амонд»-ы иуӕй-иу уынаффӕтыл, 104—110 фф., (уыр.). Радзур, 113—115 фӕрстыл лӕвӕрд ӕрмӕгӕй пайдагӕнгӕйӕ, иннӕтӕн сӕ бон куыд у баххуыс кӕнын, уый тыххӕй.

149 зарӕг ӕмӕ кӕронбӕттӕн куывд.

23 сентябрӕй райдайгӕ къуыри

107 зарӕг.

10 мин. Хъусинӕгтӕ. 8-ӕм фарсыл лӕвӕрд уынаффӕтӕй пайдагӕнгӕйӕ хистӕр нӕлгоймаг хъуамӕ равдиса, куыд ис радтӕн 1 октябры «Хъахъхъӕнӕн мӕсыг», кӕстӕриуӕггӕнӕг ӕфсымӕр та — 8 октябры «Райхъал ут!». Алы цӕвиттоны фӕстӕ дӕр ногӕй сфӕлхат кӕн, фыццаг кӕй загътой ӕмӕ адӕймаджы чи бацымыдис кодта, уыцы хъуыдытӕй иу кӕнӕ дыууӕ.

10 мин. Ӕркӕсинаг фарстатӕ.

25 мин. «Тӕрсут Хуыцауӕй ӕмӕ раттут Уымӕн кад» (Рар. 14:7). Раныхас ӕмӕ ныхас хъусджытимӕ фароны лӕггаддзинады азы районон конгрессы программӕйыл. Хъусджытӕн зӕгъ, цӕмӕй радзурой конгрессы сӕйраг хъуыдытӕй цы бахъуыды кодтой ӕмӕ сӕ сӕхӕдӕг кӕнӕ сӕ бинонтӕ куыд спайда кодтой. (Уый рагацау ис кӕмӕндӕрты бахӕс кӕнӕн.) Дӕ хъус ӕрдар конгрессы ацы раныхӕстӕм: 1) «Ӕххуыс кӕнут ног ӕрбацӕуджытӕн, цӕмӕй Хуыцауӕй тӕрсын сахуыр уой». Ӕрымысӕн изӕрмӕ чи ӕрбацыд, уыцы цымыдисгӕнаг адӕмӕн нӕ бон куыд у ӕххуыс кӕнын, цӕмӕй сӕ уырнындзинад фидар кӕна ӕмӕ Иегъовӕйӕн хорз лӕггадгӕнджытӕ суой? 2) «Иегъовӕйӕ чи тӕрсы, уый ӕвзӕрдзинадӕй йе сӕфт уыны» (w87-U 15.9. 16—18 [w87-E 15.4. 16—18]). Ӕмбисӕндты 6:16—19 нын куыд ӕххуыс кӕнынц, цӕмӕй нӕхи хизӕм Иегъовӕйӕн ӕнӕуынон хъуыддӕгтӕй: сӕрбӕрзонддзинадӕй, мӕнгдзинадӕй, мулк ӕмбырд кӕнынӕй, ӕвзӕр хиирхӕфсӕнтӕй ӕмӕ Интернеты къӕппӕджытӕй? 3) «Ӕдзух ӕввахсдӕр кӕнут, кӕй уарзут, уыдонмӕ». Мах уарзӕм Иегъовӕйы, Йесойы, нӕ бинонты, нӕ чырыстон хотӕ ӕмӕ ӕфсымӕрты; кӕй сӕм ӕввахсдӕр кӕнӕм, уый нӕ ацы дунейы ӕндӕвдадӕй куыд хъахъхъӕны? 4) «Тӕрсут Иегъовӕйӕ, адӕмӕй нӕ, фӕлӕ». Иегъовӕйы фӕхъыг кӕнынӕй кӕй тӕрсыс, уый дын куыд ӕххуыс кӕны, цӕмӕй уацамынды нӕуӕндаг мауал уай, скъолайы кӕнӕ куысты Хуыцауы уагӕвӕрдтӕм гӕсгӕ архайай, кӕнӕ та дӕ ӕмбырды фембӕлдтӕ ӕмӕ конгресстӕм чи нӕ уагъта, уыцы куысты хицауы ныхмӕ фидар фӕлӕууай? 5) «Алцыдӕр аразут Хуыцауы кадӕн» (Пс. 118:37; Дзут. 4:13). Хуыцауы тас нӕ куыд бахъахъхъӕндзӕн ӕгӕр бирӕ нуазынӕй, хӕлд нывтӕ ӕмӕ кинотӕм кӕсынӕй кӕнӕ та ӕндӕр сусӕг тӕригъӕдтӕ аразынӕй? 6) «Дарддӕр дӕр цӕут Иегъовӕйы тасы». Иегъовӕ дын куыд раарфӕ кодта, йӕ сыгъдӕг удӕн ын бар кӕй радтай дӕ цардыл ӕндавынӕн, уый тыххӕй? (Пс. 30:20; 32:18; 33:10, 18; 144:19).

171 зарӕг ӕмӕ кӕронбӕттӕн куывд.

30 сентябрӕй райдайгӕ къуыри

116 зарӕг.

15 мин. Хъусинӕгтӕ. Хъусынгӕнджыты зӕрдыл ӕрлӕууын кӕн, цӕмӕй сентябрӕн уацамынды хыгъд радтой. Равзар статья «Паддзахады залтӕ аразыны программӕ ӕххӕст цӕуы».

15 мин. Нӕ журналтӕ иннӕ журналты хуызӕн цӕуылнӕ сты? Раныхас ӕмӕ ныхас хъусджытимӕ. Октябры парахат кӕндзыстӕм журналтӕ «Хъахъхъӕнӕн мӕсыг» ӕмӕ «Райхъал ут!». Ӕрныхас кӕн, ацы журналтӕ иннӕ журналты хуызӕн цӕуылнӕ сты. 1) Уыдон кадджын кӕнынц Иегъовӕйы ном. 2) Адӕмы разӕнгард кӕнынц, цӕмӕй ӕууӕндой Йесо Чырыстийыл. 3) Хъусын кӕнынц Иегъовӕйы Паддзахады тыххӕй. 4) Бындуриуӕг кӕнынц Библийыл. 5) Ӕмбарын кӕнынц, Библийы пехуымпарӕдтӕ куыд ӕххӕст кӕнынц, уый. 6) Амонынц дунейы цауты ӕцӕг нысаниуӕг. 7) Ӕвдисынц, куыд ис абоны зындзинӕдтӕ скъуыддзаг кӕнӕн. 8) Цымыдисаг сты алыхуызон адӕймӕгтӕн. 9) Политикон фарстатӕ сӕ ӕвзӕрст нӕ цӕуы. Бацӕттӕ кӕн дыууӕ цыбыр цӕвиттоны, ӕмӕ дыууӕйы дӕр равдис, уӕлдӕр амынд хъуыдыты руаджы куыд ис ныхас райдайӕн.

15 мин. «Хуыцауы хъуыддагӕн цы фӕрӕзтӕ лӕвӕрд цӕуы, уыдонӕн аргъ кӕнут»b. Статья цӕттӕ кӕны хистӕр нӕлгоймаг. Радзур, уе ’мбырды уыцы хъуыддаг цы уавӕры ис ӕмӕ хъусынгӕнджытӕн куыд у сӕ бон, цӕмӕй нӕ литературӕйӕн аргъ кӕной ӕмӕ йӕ ӕнӕвгъауӕй ма дӕттой. Зӕгъ, цӕмӕй алчидӕр, ӕцӕгдӕр ӕй цас хъӕуы литературӕ, ӕрмӕстдӕр уыйбӕрц заказ кӕна. Нӕ зӕрдыл хъуамӕ дарӕм, нӕ бон кӕй у мысайнӕгтӕ дӕттын ӕппӕтдунеон хъуыддагӕн баххуыс кӕнынӕн. (Кӕс «Нӕ паддзахадон лӕггаддзинад»-ы 1996 аз, ноябрь, 3 ф., статья «Делись с другими по их потребностям», уыр.)

21 зарӕг ӕмӕ кӕронбӕттӕн куывд.

7 октябрӕй райдайгӕ къуыри

129 зарӕг.

10 мин. Хъусинӕгтӕ.

15 мин. Скъолайы ӕцӕгады фарс хӕцын. Аныхас кӕн иу кӕнӕ дыууӕ ӕрыгон хъусынгӕнӕгимӕ. Ног ахуыры аз райдыдта ӕмӕ уыдон ӕмбарынц, се ’нӕуырнӕг ӕмкъласонтимӕ бирӕ рӕстӕг кӕй ма хъуамӕ ӕрвитой. Цы кӕндзысты, зындзинӕдтӕ ӕмӕ фӕлварӕнтыл куы сӕмбӕлой, зӕгъӕм, ӕхсӕнадон-политикон бӕрӕгбӕттӕ, скъолайы дискотекӕтӕ ӕмӕ ӕмбырдтӕ, фӕсурокты спортивон хъӕзтытӕ ӕмӕ ӕвзӕр уагахастимӕ баст хъуыддӕгты? Зӕгъ сын, цӕмӕй радзурой, скъолайы куыд хъусын кӕндзысты, уый тыххӕй.

20 мин. «Уӕхи хизут „ӕнӕпайда хъуыддӕгтӕй“»c 4-ӕм абзацыл куы аныхас кӕнай, уӕд ӕрхӕсс хъуыдытӕ 1999 азы ноябры «Нӕ паддзахадон лӕггаддзинад»-ы уӕлӕмхасӕн сыфы 30—32 абзацтӕй. 5-ӕм абзацыл ныхасгӕнгӕйӕ та спайда кӕн, 1994 азы 1 октябры «Хъахъхъӕнӕн мӕсыджы» 8 фарсыл (уыр.) фӕлгӕты цы хъуыдытӕ ис, уыдонӕй. 6-ӕм абзац бакӕс уӕлдӕр амынд уӕлӕмхасӕн сыфы 18 абзацимӕ иумӕ.

105 зарӕг ӕмӕ кӕронбӕттӕн куывд.

[Фиппаинӕгтӕ]