Куыд ис дӕттӕн чиныг «Человечество в поисках Бога»
«Куыд хъуыды кӕныс, абон утӕппӕт динты ’хсӕн ссарӕн ис, Хуыцау растыл кӕй нымайы, уыцы дин?» Адӕймаг йӕ хъуыды куы зӕгъа, уӕд бакӕн 377 фарс. Йӕ хъус ын ӕрдар 7 абзацмӕ ӕмӕ йӕ бафӕрс, дин алы адӕмыхӕттыты дӕр иу кӕй хъуамӕ кӕна, ууыл разы у ӕви нӕ. Библийӕ дзы цы стихтӕ ис, уыдонӕй йын иу бакӕс. Ацы фарсыл ма цы абзацтӕ ис, уыдоныл дӕр ис аныхас кӕнӕн. Адӕймаджы фылдӕр базонын куы фӕнда, уӕд ын чиныг ратт. Фӕстагмӕ йӕ бафӕрс: «Куыд дӕм кӕсы, раст дин адӕймаджы цардыл куыд хъуамӕ зына?» Баныхас кӕн, цӕмӕй иннӕ хатт фембӕлат ӕмӕ ацы фарстайыл аныхас кӕнат.
Адӕймаг куы зӕгъа, мӕнӕн мӕхи дин ис, зӕгъгӕ, уӕд ын зӕгъ: «Хорз у, уырнӕг адӕймаг кӕй дӕ. Адӕмы фӕнды Хуыцауы базонын ӕмӕ алыхуызон динтӕм бацӕуынц. [Кӕд фадат уа, уӕд бакӕс Ап. хъ. 17: 26, 27.] Арӕхдӕр адӕм сӕ ныййарджыты диныл хӕст вӕййынц. [8, 9 фӕрстыл бакӕс 12 абзац.] Иннӕ динты тыххӕй куы базонӕм, уӕд нӕ зонындзинӕдтӕ фӕфылдӕр уыдзысты. Ацы чиныджы фыст ис, дунейы сӕйрагдӕр динтӕ куыд фӕзындысты ӕмӕ сӕм цы ӕгъдӕуттӕ ис, уый тыххӕй». Равдис ын, йӕ дины тыххӕй чиныджы цы фыст ис, уый. Кӕс: сикхизм (100, 101 фф.); индуизм (116, 117 фф.); буддизм (141 ф.); даосизм (164–166 фф.); конфуцианство (177 ф.); синтоизм (190–195 фф.); иудаизм (220, 221 фф.); ислам (289 ф.).