Хуыцау иуӕй-иу куывдтытӕ цӕуылнӕ хъусы?

Дзуапп Библийӕ

Хуыцау иуӕй-иу куывдтытӕ цӕуылнӕ хъусы, уымӕн ис дыууӕ аххосаджы.

1. Адӕймаг цӕй тыххӕй кувы, уый Хуыцауы фӕндонмӕ гӕсгӕ нӕу

Хуыцау, йӕ фӕндонмӕ гӕсгӕ чи не сты, ома Библийы уагӕвӕрдты ныхмӕ чи сты, ахӕм куывдтытӕ нӕ хъусы (1 Иоанны 5:14). Зӕгъӕм, Библи нӕ фӕдзӕхсы, цӕмӕй зыдгӕнаг ма уӕм. Адӕймаг зыдгӕнаг свӕййы, зӕгъӕм, ӕхцайыл куы фӕхъазы, уӕд (1 Коринфӕгтӕм 6:9, 10). Уӕдӕ адӕймаг куы кува, цӕмӕй лотерейӕйӕ рамбула, уӕд ын Хуыцау йӕ куывд нӕ фехъусдзӕн. Хуыцау нын нӕ алы фӕндон дӕр ӕмӕ нӕ алы ныхас дӕр не ’ххӕст кӕндзӕн. Ӕмӕ дзы уый тыххӕй хъуамӕ бузныг уӕм, уымӕн ӕмӕ, алкӕй ныхас дӕр куы ’ххӕст кӕнид, уӕд хабар сӕ хӕрзтӕй нӕ уаид (Иаковы 4:3).

2. Чи кувы, уыцы адӕймаг Хуыцауы коммӕ нӕ кӕсы

Хуыцау, йӕ коммӕ кӕсын кӕй нӕ фӕнды, ахӕм адӕмы куывдтытӕ нӕ хъусы. Зӕгъӕм, афтӕ чи дзырдта, Хуыцауӕн лӕггад кӕнын, зӕгъгӕ, йӕхӕдӕг та йӕ коммӕ чи нӕ каст, уыдонӕн Хуыцау загъта: «Цасфӕнды мӕм ма куват – нӕ уӕм хъусын. Сымахӕн уӕ къухтӕ тугӕйдзаг сты» (Исай 1:15). Уыцы адӕм сӕ хъуыддӕгтӕ куы сраст кодтаиккой, уӕд сын Хуыцау сӕ куывдтытӕ хъуыстаид (Исай 1:18).