20 УРОК
Йегъовӕ ӕмбырдӕн Йесойы уылты разамынд куыд дӕтты?
Йегъовӕ уарзы, цӕмӕй алцыдӕр уа уаг ӕмӕ ӕгъдауыл (1 Коринфӕгтӕм 14:33). Уымӕ гӕсгӕ йӕ адӕмӕн дӕр хъуамӕ алцыдӕр уаг ӕмӕ ӕгъдауыл уа. Цавӕр уаг ӕмӕ ӕгъдау ис чырыстон ӕмбырды? Нӕ бон цы у аразын, цӕмӕй дзы алцыдӕр уаг ӕмӕ ӕгъдауыл уа?
1. Ӕмбырды «сӕр», ома Хицау, чи у?
«Чырысти [у] ӕмбырды... сӕр» (Ефесӕгтӕм 5:23). Чырысти уӕлӕрвтӕй Йегъовӕйы адӕмӕн ӕгас зӕххыл дӕр разамынд дӕтты. Йесо снысан кодта «ӕууӕнкджын ӕмӕ зондджын цагъары», кӕнӕ Разамонӕг совет – фӕлтӕрдджын хистӕр нӕлгоймӕгты гыццыл къорд. (Бакӕс Матфейы 24:45–47.) Фыццаг ӕнусы ӕмбырдтӕн разамынд лӕвӕрдтой, Иерусалимы чи уыд, уыцы апостолтӕ ӕмӕ хистӕр нӕлгоймӕгтӕ (Хъуыддӕгтӕ 15:2). Абон та ӕгас зӕххыл дӕр цы ӕмбырдтӕ ис, уыдонӕн разамынд дӕтты Разамонӕг совет. Фӕлӕ уыцы нӕлгоймӕгтӕ нӕ организацийы разамонджытӕ не сты. Уыдон Библи фӕиртасынц, цӕмӕй, Йегъовӕ сӕм цӕмӕ ӕнхъӕлмӕ кӕсы, уый бамбарой ӕмӕ Йесойы разамындмӕ гӕсгӕ архайынц.
2. Хистӕр нӕлгоймӕгтӕ чи сты ӕмӕ цавӕр куыст кӕнынц?
Хистӕр нӕлгоймӕгтӕ сты фӕлтӕрдджын чырыстӕттӕ. Уыдон Йегъовӕйы адӕмы Библийы фӕрцы ахуыр кӕнынц, ӕххуыс сын кӕнынц ӕмӕ сын сӕ ныфсыл ныфс ӕфтауынц. Хистӕр нӕлгоймӕгтӕн сӕ фыдӕбоны тыххӕй фидгӕ нӕ кӕнынц. Уыдон лӕггад кӕнынц барвӕндӕй, сӕхицӕн «исты спайда кӕныны тыххӕй нӕ, фӕлӕ зӕрдиагӕй» (1 Петры 5:1, 2). Хистӕр нӕлгоймӕгтӕн феххуыс кӕнынц кӕстӕриуӕггӕнӕг ӕфсымӕртӕ. Цасдӕры фӕстӕ уыдон дӕр, гӕнӕн ис, хистӕр нӕлгоймӕгтӕ суой.
Разамонӕг совет иуӕй-иу хистӕр нӕлгоймӕгты снысан кӕны районон цӕстдарджытӕй. Районон цӕстдарджытӕ фӕбӕрӕг кӕнынц ӕмбырдтӕ. Уыдон хотӕн ӕмӕ ӕфсымӕртӕн разамынд фӕдӕттынц ӕмӕ сын сӕ ныфсыл ныфс бафтауынц. Районон цӕстдарджытӕ снысан кӕнынц хистӕр нӕлгоймӕгты ӕмӕ кӕстӕриуӕггӕнӕг ӕфсымӕрты. Уыцы ӕфсымӕртӕм вӕййы, Библимӕ гӕсгӕ цӕстдарджытӕм чи хъуамӕ уа, ахӕм миниуджытӕ (1 Тимофеймӕ 3:1–10, 12; Титмӕ 1:5–9).
3. Алы Йегъовӕйы Ӕвдисӕн дӕр цы хъуамӕ араза?
Ӕмбырды иууылдӕр кадджын кӕнынц Йегъовӕйы ном. (Бакӕс Псалом 148:12, 13.) Уымӕ хауы ӕмбырды дзуаппытӕ дӕттын, раныхӕстӕ ӕмӕ равдыстытӕ цӕттӕ кӕнын, зарын, стӕй хорз хабар хъусын кӕнын, алкӕмӕн дӕр йӕ уавӕртӕ куыд амонынц, уымӕ гӕсгӕ.
ФЫЛДӔР БАЗОН
Базон, Йесо цавӕр Разамонӕг у ӕмӕ хистӕр нӕлгоймӕгтӕ Йесойы куыд фӕзмынц, уый. Стӕй ма базон, нӕ бон куыд у Йесойы коммӕ кӕсын ӕмӕ хистӕр нӕлгоймӕгтӕн ӕххуыс кӕнын.
4. Йесо у хӕларзӕрдӕ Разамонӕг
Йесо алкӕй дӕр йӕхимӕ хоны. Бакӕсут Матфейы 11:28–30 ӕмӕ стӕй аныхас кӕнут ацы фарстайыл:
Йесо цавӕр Разамонӕг у ӕмӕ нын цы дзуры?
Хистӕр нӕлгоймӕгтӕ Йесойы куыд фӕзмынц? Бакӕсут ВИДЕОРОЛИКМӔ.
Библийы фыст ис, хистӕр нӕлгоймӕгтӕ сӕ хӕстӕ куыд хъуамӕ ӕххӕст кӕной, уый.
Бакӕсут Исайы 32:2 ӕмӕ 1 Петры 5:1–3 ӕмӕ стӕй аныхас кӕнут ацы фарстатыл:
Хистӕр нӕлгоймӕгтӕ ныл Йесойау кӕй тыхсынц, уый тыххӕй цы хъуыды кӕныс?
Хистӕр нӕлгоймӕгтӕ ма Йесойы ноджыдӕр куыд фӕзмынц?
5. Хистӕр нӕлгоймӕгтӕ ӕмбырдӕн фӕзминаг сты
Хистӕр нӕлгоймӕгтӕ сӕ хӕстӕм цы цӕстӕй хъуамӕ кӕсой? Йесо сӕм цӕмӕ ӕнхъӕлмӕ кӕсы? Бакӕсут ВИДЕОРОЛИКМӔ.
Ӕмбырды йӕхимӕ разамынд чи исы, уыдонӕн Йесо радта бӕлвырд амындтӕ. Бакӕсут Матфейы 23:8–12 ӕмӕ стӕй аныхас кӕнут ацы фарстатыл:
Библимӕ гӕсгӕ, хистӕр нӕлгоймаг цавӕр хъуамӕ уа? Куыд хъуыды кӕныс, дины разамонджытӕ, Библийы цы фыст ис, уымӕ гӕсгӕ архайынц?
1) Хистӕр нӕлгоймӕгтӕ архайынц, цӕмӕй сӕхицӕн дӕр ӕмӕ сӕ бинонтӕн дӕр сӕ уырнындзинад фидар уа
2) Хистӕр нӕлгоймӕгтӕ ӕмбырды алкӕуыл дӕр тыхсынц
3) Хистӕр нӕлгоймӕгтӕ хорз хабар хъусын кӕнынц
4) Хистӕр нӕлгоймӕгтӕ иннӕты ахуыр кӕнынц. Феххуыс ма кӕнынц залтӕ ӕфснайынӕн ӕмӕ фӕкӕнынц ӕндӕр куыстытӕ дӕр
6. Хистӕр нӕлгоймӕгтӕм хъусӕм
Библи ӕмбарын кӕны, хистӕр нӕлгоймӕгтӕм хъусын ахсджиаг цӕмӕн у. Бакӕсут Дзуттӕгтӕм 13:17 ӕмӕ стӕй аныхас кӕнут ацы фарстатыл:
Библийы афтӕ фыст цӕмӕн ис, разамынд уын чи дӕтты, уыдонмӕ хъусут, зӕгъгӕ? Дӕумӕ гӕсгӕ, уый раст у?
Бакӕсут Лукайы 16:10 ӕмӕ стӕй аныхас кӕнут ацы фарстайыл:
Алы хъуыддаджы дӕр, тынг ахсджиаг нӕм чи нӕ кӕсы, суанг уыцы хъуыддӕгты дӕр, хистӕр нӕлгоймӕгты коммӕ цӕмӕн хъуамӕ кӕсӕм?
ИУӔЙ-ИУТӔ ФӔЗӔГЪЫНЦ: «Цӕмӕй Хуыцауӕн лӕггад кӕнай, уый тыххӕй ӕмбырдтӕм цӕуын ӕнӕмӕнг нӕу».
Дӕумӕ гӕсгӕ, ӕмбырдтӕм чи цӕуы, уыдонимӕ иумӕ Хуыцауӕн лӕггад кӕнын цы пайда у?
ЦЫ БАЗЫДТАЙ
Йесо у ӕмбырды «сӕр». Хистӕр нӕлгоймӕгтӕ архайынц Йесойы разамындмӕ гӕсгӕ. Мах сӕ коммӕ кӕсӕм, уымӕн ӕмӕ ныл тыхсынц ӕмӕ нын сты фӕзминаг.
Дӕ зӕрдыл ӕрлӕууын кӕн
Ӕмбырды «сӕр» чи у?
Хистӕр нӕлгоймӕгтӕ ӕмбырдӕн куыд ӕххуыс кӕнынц?
Йегъовӕйы лӕггадгӕнджытӕй алчидӕр цы хъуамӕ араза?
ФЫЛДӔР ӔРМӔГ
Базон, Разамонӕг совет ӕмӕ иннӕ хистӕр нӕлгоймӕгтӕ чырыстӕттыл куыд тынг тыхсынц, уый цӕмӕй бӕрӕг у.
«Не ’фсымӕрты фидар кодтам, нӕ хъуыддаг ӕхгӕд кӕм уыд, уым» (4:22)
Базон, районон цӕстдарджытӕ цавӕр куыст кӕнынц.
Бакӕс, сылгоймӕгтӕн ӕмбырды цы ахсджиаг бынат ис, уый тыххӕй.
Бакӕс, хистӕр нӕлгоймӕгтӕ се ’мчырыстӕтты фидар кӕныны тыххӕй цас фыдӕбон кӕнынц, уый тыххӕй.