Ма уӕ фӕсайӕнт!

«Знӕт адӕмтӕ ӕмӕ сайӕгойтӕ ӕвзӕрдзинӕдты сгуыхдзысты, ӕмӕ афтӕмӕй рӕдийын кӕндзысты иннӕты, сӕхуыттӕг дӕр-иу рӕдийдзысты» (Тим. 3:13, НФ). Афтӕ нӕ фӕдзӕхсы Фыстад. Ацы сайӕгойтӕ ӕрмӕст ахуырӕдтӕ нӕ хӕццӕ кӕнынц, фӕлӕ ма иузӕрдион ӕфсымӕрты хӕларзӕрдӕдзинадӕй дӕр пайда кӕнынц, ӕмӕ сын се ’хца расайынц. Рӕстӕгӕй-рӕстӕгмӕ нӕ «Нӕ паддзахадон лӕггаддзинад» фӕфӕдзӕхсы ахӕм фӕлитойтӕй, фӕлӕ ма Ӕхсӕнад уӕддӕр райсы фыстӕджытӕ ӕфсымӕртӕй, цыран фыст вӕййы, ӕмбырдтыл чи зилы, уыцы сайӕгойтӕ сӕ ӕхца ӕмӕ ӕндӕр цыдӕртӕ кӕй расайдтой, сӕ «уӕззау царды» хабӕрттыл сын кӕй баууӕндыдысты, уый руаджы. Иууылдӕр афтӕ фӕдзурынц, зӕгъгӕ, тынг тыхсынц ӕмӕ сӕ хӕдзармӕ ацӕуынӕн хъӕуы ӕхца ӕмӕ хӕринаг. Уыдон фылдӕр хатт Иегъовӕйы Ӕвдисӕнтӕ нӕ вӕййынц, фӕлӕ сӕхи афтӕ схонынц.

Ӕнӕзонгӕ исчи уӕм куы бацӕуа ӕмӕ уӕ ӕххуыс куы кура, уӕд раст уаид уыцы адӕймаджы тыххӕй истытӕ базонын, ӕмӕ, хуыздӕр уаид, уый хистӕр нӕлгоймӕгтӕ куы саразиккой. Хъуыддаг арӕх рабӕрӕг вӕййы адӕймагимӕ аныхасгӕнгӕйӕ, зӕгъӕм, куы йӕ бафӕрсай ӕцӕгад рагӕй зоны, фӕстаг конгрессы уыди, йӕ зӕрдӕмӕ куыд фӕцыдысты фӕстаг публикацитӕ ӕмӕ афтӕ дарддӕр. Кӕй зӕгъын ӕй хъӕуы, раст уыдзӕн, йе ’мбырды хистӕр нӕлгоймӕгтӕй дзы искӕй ном ӕмӕ мыггаг базонын, уый фӕстӕ йӕм фӕдзурын ӕмӕ йӕ уыцы адӕймагӕй бафӕрсын. Нӕ хотӕ ӕмӕ не ’фсымӕртӕ, кӕд ӕнӕнхъӕлӕджы зын уавӕры бахаудысты, уӕд хъуамӕ мӕсты ма кӕной, ахӕм фарстытӕ сӕм куы дӕттой, уӕд, уымӕн ӕмӕ афтӕмӕй ацы хъуыддаг кӕмӕ хауы, уыдон ӕдас уыдзысты. Хистӕр нӕлгоймӕгтӕм хъӕуы телефонӕй фӕдзурын. Афтӕмӕй цӕстфӕлдахджытӕ рабӕрӕг уыдзысты.

Зӕгъӕм, адӕймаг куы зӕгъа, зӕгъгӕ, цавӕрдӕр горӕты цӕстдарӕджы ном зонын, уӕд уый фаг нӕу. Рацу-бацугӕнгӕйӕ ахӕм сайӕгойтӕ базонынц ӕфсымӕрты нӕмттӕ дӕр ӕмӕ ӕмбырдты нӕмттӕ дӕр. Кӕд уӕм сӕ ныхӕстӕ тынг раст кӕсой, уӕддӕр уал алцыдӕр сбӕлвырд кӕнут. Ма уӕ фӕсайӕнт!