Стыр ӕххуыс дын уӕд облӕстон конгресс «Хуыцауы Паддзахады зынгзӕрдӕ хъусынгӕнджытӕ»
1 Ныфсдӕттӕг программӕ. Фӕстаг облӕстон конгрессы программӕ нын нӕ ныфсыл ныфс бафтыдта! Мах иууылдӕр иумӕ ӕрӕмбырд стӕм, цӕмӕй нӕхи хуыздӕр бацӕттӕ кӕнӕм Хуыцауы Паддзахады тыххӕй зынгзӕрдӕйӕ хъусын кӕнынмӕ. Хъуыды ма кӕныс, фыццаг раныхасы ӕфсымӕр дзырд «хъусын кӕнын»-ы нысаниуӕг куыд бамбарын кодта? Дӕ зӕрдыл ма лӕууы, цы иртасынмӕ нӕ разӕнгард кодта раныхас «Фидар ут, Иегъовӕ немӕ кӕй ис, уый зонгӕйӕ»? Кӕй царды хабӕрттӕ равзӕрстай лӕмбынӕг?
2 Ӕртӕ раныхасы иу темӕйыл «Нӕ уырнындзинады хъӕд фӕлвӕрд цӕуы алыхуызон фӕлварӕнты», зӕгъгӕ, дзырдӕуыд, Иегъовӕ фӕдылзылд цӕмӕн уадзы, уымӕн йӕ ӕртӕ сӕйраг аххосаджы тыххӕй. Дӕ бон сӕ у ранымайын? Библийы цавӕр бӕлвырдгӕнӕн ис, мах, чырыстӕттӕ, дунейы хъуыддӕгты кӕй хъуамӕ ма архайӕм, уымӕн? Цӕмӕ хъуамӕ бацӕттӕ кӕнӕм нӕхи, цӕмӕй уыцы хъуыддаджы сыгъдӕгӕй баззайӕм? Фӕлварӕнты иузӕрдионӕй куы баззайӕм, уӕд уый Иегъовӕйӕн кад куыд хӕссы?
3 Драмӕ «Фидар фӕлӕуу уӕззау рӕстӕджыты»-йӕ дӕ уӕлдай тынгдӕр цы бафидар кодта? Махӕн нӕ бон куыд у Иеремийы фӕзмын?
4 Раныхас алкӕмӕндӕр «Дунейы фӕлгонц фӕцӕуы»-йы дзырдӕуыд, тагъд чи ӕрцӕудзӕн ӕмӕ Хуыцауы ӕвирхъау бонмӕ чи ӕркӕндзӕн, ахӕм стыр ивындзинӕдты тыххӕй. Цавӕртӕ сты? Кӕронбӕттӕн раныхасы — «Хуыцауы Паддзахады зынгзӕрдӕ хъусынгӕнджытӕ уӕвгӕйӕ хъӕздыг кӕнӕм хорз хъуыддӕгтӕй» — цы фехъуыстай, уый куыд баст у, Хуыцауӕн куыд лӕггад кӕныс, уыимӕ?
5 Сӕйраг хъуыдытӕй царды пайда кӕнын. Раныхас «Хорздзинадӕн аргъ кӕн»-мӕ гӕсгӕ куыд у нӕ бон ӕвдисын, Иегъовӕйӕ зӕрдӕбынӕй бузныг кӕй стӕм, уый? Сӕйраг раныхас «Хуыцауы Паддзахады зынгзӕрдӕ хъусынгӕнджытӕ сӕ удӕй арт цӕгъдынц»-ы (ир.) нӕ кӕй фӕзмынмӕ разӕнгард кодтой? Махӕй алчидӕр цӕуыл хъуамӕ ахъуыды кодтаид?
6 Ӕртӕ раныхасы иу темӕйыл — «Михейы пехуымпарад нын ӕххуыс кӕны Иегъовӕйы номӕй цӕуын»— куыд равзӕрстам, афтӕмӕй мах цавӕр ӕртӕ хъуыддаджы хъуамӕ ӕххӕст кӕнӕм, цӕмӕй нӕ Иегъовӕйы хорзӕх уа? Адӕймаджы бон сӕ у ӕххӕст кӕнын? (Мих. 6:8). Раныхасы «Ӕгъдауджын ут, уӕ зӕрдӕ хъахъхъӕнгӕйӕ», зӕгъгӕ, куыд дзырдӕуыд, афтӕмӕй хӕрзӕгъдау цард кӕнын нӕ бон куыд у? Цӕмӕй нӕ мачи фӕсайа ӕмӕ мах дӕр макӕй фӕсайӕм, уый тыххӕй нӕ цавӕр хъуыддӕгтӕй бафӕдзӕхста раныхас «Уӕхи хизут мӕнгдзинадӕй»?
7 Ӕртӕ раныхасы иу темӕйыл «Хуыцауы Паддзахады хъусынгӕнджытӕ кадджын кӕнынц сӕ лӕггаддзинад»-ы цы уынаффӕтӕ уыд лӕвӕрд, уыдонӕй кӕцытӕй райдыдтай пайда кӕнын? Раныхас «Ӕцӕгады тыххӕй ныхас — уӕнгрог кӕны»-йы ӕвзӕрст цыд Филиппӕгтӕм 4:8. Ацы стих нын куыд ӕххуыс кӕны, цӕмӕй алкӕддӕр ныхас кӕнӕм Хуыцауы тыххӕй ӕмӕ кӕд хъуамӕ ныхас кӕнӕм?
8 Раныхасы, «Зын уавӕрты дӕ ныфс кӕронмӕ дар Иегъовӕйыл», ныхас цыд, куыд у нӕ бон фидар фӕлӕууын зиан ныл куы ӕрцӕуа, ӕхцайыл куы фӕтыхсӕм, куы фӕрынчын уӕм, бинонты ’хсӕн зындзинӕдтӕ куы фӕзына ӕмӕ арӕх куы рӕдийӕм, уӕд. Ахӕм уавӕрты нӕ бон куыд у Иегъовӕйыл нӕ ныфс дарын?
9 Ног монон хӕзнатӕ. Куыд ӕхсызгон нын уыд, майрӕмбоны нын райсомӕй куы фехъусын кодтой, уырыссаг ӕвзагыл кӕй рацыд чиныг «Раргомад — йӕ диссаджы сӕххӕст хӕстӕг у!». Кӕй зӕгъын ӕй хъӕуы, ацы 320-фарсон чиныг нын стыр ӕххуыс фӕуыдзӕн, цӕмӕй Библийы фӕстаг чиныджы цы бирӕ фӕсномыг хъуыдытӕ ис, уыдон бамбарӕм. Тынгдӕр дӕ ацы чиныджы цы бацымыдис кодта?
10 Мах тынг бацин кодтам, ирон ӕвзагыл ног чиныг «Кувут Иунӕг Ӕцӕг Хуыцауӕн» куы райстам, уӕд. Уыцы чиныг цӕмӕн рауагътой, уый куы фехъуыстай, уӕд цы банкъардтай? Уыцы дыккаг ахуыргӕнӕн чиныг нын куыд баххуыс кӕндзӕн ахуыргӕнинӕгтӕ цӕттӕ кӕныны хъуыддаджы?
11 Уый фӕстӕ ма уырыссаг ӕвзагыл райстам ӕндӕр диссаджы чиныг «Ӕрбаввахс у Иегъовӕмӕ». Цӕмӕй хицӕн кӕны? Уӕлдай тынгдӕр дзы дӕ зӕрдӕмӕ кӕцы нывтӕ фӕцыдысты? Куы йӕ бакастӕ, уӕд Иегъовӕмӕ баввахсдӕр дӕ? Кӕмӕн ма баххуыс кӕнид ацы чиныг?
12 Облӕстон конгресс «Хуыцауы Паддзахады зынгзӕрдӕ хъусынгӕнджытӕ» нын радта, ацы уӕззау рӕстӕджытӕ сфӕразынӕн нӕ цы монон ӕххуыс хъӕуы, уый. Цӕмӕй нын ацы ӕвӕджиауы монон мадзӕлттӕ стыр ӕххуыс уой, уый тыххӕй хъуамӕ хорз бахъуыды кӕнӕм, цы фехъуыстам, уый, бузныг уӕм, цы райстам, уымӕй ӕмӕ цӕрӕм, цы базыдтам, уымӕ гӕсгӕ (2 Пет. 3:14). Афтӕмӕй фидар кӕндзыстӕм нӕ иузӕрдиондзинад ӕмӕ нӕ Хицау Йесо Чырыстийау Паддзахады тыххӕй зынгзӕрдӕйӕ хъусын кӕндзыстӕм — алцыдӕр араздзыстӕм Иегъовӕйы кадӕн (Фил. 1:9—11).