Фарстыты асыкк

◼ Хъусынгӕнджыты скъолайы ӕмӕ Хъусын кӕныны фембӕлды алы хӕслӕвӕрды фӕстӕ дӕр ӕмдзӕгъд кӕнын хъӕуы?

Йегъовӕ зӕхх куы сфӕлдыста, уӕд «райсомы стъалытӕ фырцинӕй хъӕр кодтой ӕмӕ йын Хуыцауы фырттӕ иууылдӕр кад кодтой» (Иов 38:7). Зӕдты фӕндыд Йегъовӕйы скадджын кӕнын, йӕ зонд, йӕ хӕларзӕрдӕдзинад ӕмӕ йӕ тых йӕ диссаджы сфӕлдыстады куыд раргом сты, уый тыххӕй.

Уый махӕн ууыл дзурӕг у, цӕмӕй ӕфсымӕрты фыдӕбонӕн ӕмӕ ӕмбырды цы хъуыдытӕ фехъусӕм, уымӕн кӕй аргъ кӕнӕм, уый равдисӕм. Зӕгъӕм, фемдзӕгъд кӕнӕм конгрессты раныхӕстӕ ӕмӕ равдыстыты фӕстӕ, уымӕн ӕмӕ сыл бирӕ рӕстӕг ӕмӕ хъарутӕ бахардз вӕййы. Куы фемдзӕгъд кӕнӕм, уӕд ӕрмӕст не ’фсымӕрты фыдӕбонӕй нӕ вӕййӕм бузныг, фӕлӕ ма нын Йегъовӕ йӕ Ныхас ӕмӕ йӕ организацийы уылты цы разамынд дӕтты, уый тыххӕй (Ис. 48:17; Матф. 24:45–47).

Хъусынгӕнджыты скъолайы ӕмӕ Хъусын кӕныны фембӕлды та ӕмдзӕгъд кӕнын хъӕуы? Зӕгъӕм, ахуыргӕнинагӕн фыццаг хатт уыд хӕслӕвӕрд, уӕд ын куы амдзӕгъд кӕнӕм, уӕд уым ӕвзӕрӕй ницы ис. Афтӕ дӕр вӕййы, ӕмӕ адӕймаг зӕрдиагӕй нӕ фемдзӕгъд кӕны, фӕлӕ афтӕ ӕнӕуи. Уымӕ гӕсгӕ алы хӕслӕвӕрды фӕстӕ ӕмдзӕгъд кӕнын нӕ хъӕуы.

Хъусынгӕнджыты скъолайы ӕмӕ Хъусын кӕныны фембӕлды фылдӕр хатт кӕд нӕ фемдзӕгъд кӕнӕм, уӕддӕр дзы цы уынаффӕтӕ вӕййы ӕмӕ хӕслӕвӕрдтӕ кӕй бацӕттӕ кӕнынц, уый тыххӕй бузныг кӕй стӕм, уый ма нӕ бон вӕййы ӕндӕрхуызон равдисын дӕр. Зӕгъӕм, раныхӕстӕм лӕмбынӕг куы хъусӕм. Ӕмбырды фӕстӕ дӕр нӕ бон у адӕймагӕн бузныг зӕгъын (Еф. 1:15, 16).