Rꞌa yä idea pa gi nxadi rä Mäkä Tꞌofo ko ri bätsi

Rꞌa yä ꞌme̱fi pa dä hyoki yä bätsi

Yä dada pe̱ꞌtsi rä däta responsabilida dä ꞌñuti yä bätsi de rä Zi Dada Jeoba (Efes. 6:4). Pa geꞌä, rä hnini rä Zi Dada Jeoba xä gu̱ki ndunthi yä mfatsꞌi. ¿Hanja dä za dä usa yä dada nuya yä mfatsꞌi?

• Habu̱ gi tini nuya yä mfatsꞌi. Ha jw.org habu̱ enä «Yä bätsi» ꞌne «Yä bäsjäꞌi» dä za gi tini yä bideo ꞌne märꞌa yä mfatsꞌi.a

• Tini nuꞌu̱ yä mfatsꞌi di ja mꞌe̱di. Huahni habu̱ enä «Yä bätsi». ꞌNepu̱ hyandi habu̱ enä «Yꞌo̱tꞌe ri amigo Jeoba» ꞌne ku̱tꞌi habu̱ enä «Pa dä hyoki yä bätsi ko yä dada».

• Fatsꞌi ri bätsi. Ogi umbäbi ri bätsi nuya yä mfatsꞌi ora gi ne dä hñupu̱tho. Nuya yä mfatsꞌi xä thoki pa gi hñudi ko ri bätsi ꞌne gi hyandihu̱ mähye̱gi näꞌä rä imformäsio. Mu̱ gi jabu̱, gi nuhmä ge ma gi fatsꞌi ri bätsi dä yꞌo̱tꞌe rä amigo rä Zi Dada Jeoba.