Rꞌa yä presentasion pa nunä zänä

LA ATALAYA

Rä ntꞌani: Mu̱ rä Mäkä Tꞌofo bi ehe de Äjuä, ¿gi kamfri ge ma dä za toꞌo dä japi dä mꞌe̱di?

Rä testo: Isa 40:8

Rä he̱ꞌmi: Nunä rebista udi nuꞌu̱ yä xuñha xä ñhandui rä Mäkä Tꞌofo, pe mäske njabu̱ nunä mfistꞌofo hinxä mꞌe̱di.

LA ATALAYA (rä nxii 16)

Rä ntꞌani: Gä hohmä gä pädi te gi mbeni de nunä ntꞌani. [Hñeti näꞌä rä mu̱di ntꞌani de rä nxii 16.] Rꞌaa kamfri ge yä relijion bi ehe de yä jäꞌi hingä de Äjuä. Märꞌaa, kamfri ge Äjuä di usa yä relijion pa gä jonihu̱ kongeꞌä. Xi nuꞌi, ¿te gi mbeni?

Rä testo: Snt 1:27

Rä he̱ꞌmi: Nunä artikulo sigi mää te udi rä Mäkä Tꞌofo de geꞌä. Gä hohmä gä pengi mä nꞌa rä pa, pa gä sigi gä ñähu̱ de gehnä.

ÄJUÄ PE̱ꞌTSI RꞌA YÄ HOGÄ NOYA PA NUꞌI

Rä ntꞌani: Ndunthi yä jäꞌi mää, ge ora heti nuꞌu̱ yä profesia de rä Mäkä Tꞌofo ꞌñenä heti rä periodiko. ¿Ndañꞌä de nuya yä tꞌo̱tꞌe huxkua xkä hyandi o xkä yꞌo̱de?

Rä testo: 2Ti 3:1-5

Rä he̱ꞌmi: Nunä foyeto udi por hanja nuya yä tꞌo̱tꞌe dä hetihu̱ ha nunä testo, di signifika yä hogä notisia pa nuꞌu̱ mädi rä Zi Dada. [Gi ma ha rä ntheke nꞌaa, ꞌne ꞌñuti rä ntꞌani yoho.]

PA GI YꞌOFOSE̱ RI PRESENTASION

Hyandi hanja ehe nuꞌu̱ yä presentasion, pa gi hyokise̱ nꞌa ri presentasion.