¿Hanja dä za gä usahu̱ rä mfistꞌofo Te udi rä Mäkä Tꞌofo en lenguaje sencillo?

Rä mfistꞌofo What Can the Bible Teach Us? ma dä ntradusi ha ndunthi yä idioma. Nunä rꞌayꞌo mfistꞌofo xa ri hñätsꞌi rä mfistꞌofo Te udi rä Mäkä Tꞌofo. Pe̱ꞌtsi mähye̱gi nuꞌu̱ yä ntheke ꞌne getꞌätho rä orden bi ehe nuꞌu̱ yä tema udi. Nunä mfistꞌofo xä thoki pa nuꞌu̱ toꞌo xa di japi xä ñhei dä ntiende rä mfistꞌofo Te udi rä Mäkä Tꞌofo. ¿Te hutsꞌi ha nunä rꞌayꞌo mfistꞌofo? Nꞌaa, usa nuꞌu̱ yä noya hingi hei toꞌo dä ntiende. Yoho, en lugar de yä apendise, hutsꞌi yä nota nuꞌu̱ udi te di signifika rꞌa yä noya. Hñuu, ya hingi hutsꞌi yä ntꞌani ora fu̱di kada nꞌa rä ntheke. ꞌNe goho, ya hingi ehe nꞌa rä rekuadro nuꞌmu̱ huadi kada nꞌa rä ntheke. En lugar de geꞌä, ehe nꞌa rä resumen de gatꞌho rä ntheke. Ja ngu rä mfistꞌofo Te udi rä Mäkä Tꞌofo, nunä mfistꞌofo dä za gä ofresehu̱ nzäntho mäske näꞌä zänäꞌä toka gä unihu̱ märꞌa yä he̱ꞌmi. ¿Hanja dä za gä usahu̱ nuꞌu̱ yä mfatsꞌi di ñꞌoui nunä rꞌayꞌo mfistꞌofo pa gä unihu̱ yä estudio?

RESUMEN. Nunä rꞌayꞌo mfistꞌofo ma gi usa pa gi umbi rä estudio nuꞌu̱ yä jäꞌi xa di japi xä ñhei dä hñeti rä he̱ꞌmi o hingi pädi xä ñho näꞌä idioma. Ja ngu di jahu̱ kasi ko gatꞌho nuꞌu̱ yä jäꞌi di umfu̱ rä estudio ko rä mfistꞌofo Te udi rä Mäkä Tꞌofo, mꞌe̱tꞌo ma gi hetihu̱ rä parrafo ꞌnepu̱ ma gi yꞌo̱tꞌe rä ntꞌani. ꞌNe mꞌe̱fa de kada nꞌa rä ntheke ma gi usa rä resumen ho̱nse̱ pa gi benihu̱ nuꞌu̱ yä ntꞌudi gä nxadihu̱. Pe ja mä nꞌa rä forma hanja dä za gi usa nunä mfistꞌofo: usa ho̱nse̱ nuꞌu̱ yä resumen ehe ha kada nꞌa rä ntheke pa gi uni ri estudio, pe nupäbi rä mfeni näꞌä jäꞌi pa dä ꞌueke de rä tiempo ꞌne rꞌamätsꞌu̱ dä hñetise̱ nuꞌu̱ yä parrafo de näꞌä ntheke gi nxadihu̱. Kada nꞌa de nuꞌu̱ yä ntꞌudi ehe ha nuꞌu̱ yä resumen, tsitsꞌi ngu 15 yä minuto pa gi nxadihu̱. Ha yä parrafo ehe rꞌa yä detalle nuꞌu̱ himbi ehe ha rä resumen, hänge xa mähyoni gi ñhoki xä ñho ko ngatꞌho rä ntheke pa hyandi te mä mfatsꞌi di japäbi mꞌe̱di ri estudio.

YÄ NOTA. Ha yä gäxä nxii de nunä mfistꞌofo, ehe nꞌa rä sección habu̱ di esplika o mää te di signifika rꞌa yä noya nuꞌu̱ no̱ni ha yä ntheke de nunä mfistꞌofo. Rä publikador ma dä hyandi mu̱ dä hogi dä hñeti o hinä nuꞌu̱ yä nota durante rä estudio.