Habu̱ dä za gi tini mä nꞌa tu̱i rä imformäsio

Hanja dä za gi usa rä BIBLIOTECA EN LÍNEA Watchtower^™ pa gi hyoni rä imformäsio

Ha näꞌä rä Biblioteca ja ha internet xä ꞌmo̱ꞌtse ndunthi rä imformäsio pa gi usa ora gi nxadi rä Mäkä Tꞌofo. Por ejemplo, dä za gi tini yä mfistꞌofo Perspicacia para comprender las Escrituras, Guía de estudio para los testigos de Jehová, Índice de las publicaciones Watch Tower, ꞌne nꞌa rä Glosario (o diccionario) habu̱ mää te signifika rꞌa yä noya xä ñhei ehe ha rä Mäkä Tꞌofo.

Ha rä BIBLIOTECA EN LÍNEA Watchtower ma gi hyandi nꞌa rä zi kuadro habu̱ dä za gi yꞌofo näꞌä gi ne gi hyoni. Ora gi yꞌofo näꞌä noyaꞌä, rꞌabu̱ ma dä nheki yä noya «Obras de consulta».

Hyoni nunä noya: (A) Yꞌofo ha näꞌä zi kuadro rä noya «Jehová». (B) De gatꞌho nuꞌu̱ yä noya di nheki huahni habu̱ enä «Jehová» ꞌne su̱ꞌti ha rä hyo habu̱ enä «Obras de consulta». Ma gi hyandi ge ma dä bo̱ni rꞌa nꞌañꞌo yä mfistꞌofo o he̱ꞌmi habu̱ ehe näꞌä gi honi.