NTʼUDI 46
¿Ó go xihmu̱ kʼa Tsi Mähkí Tá ge di ne go pe̱hpíbihu̱ nihi go nxixthehu̱?
Mu̱ ʼna kjäʼni i xiʼ kʼa Jehová ge da ʼuni kʼa ro nzahki, i xifí ge ho̱nse gege da xo̱hkimbenibi nihi kʼa ʼme̱tʼo da kjá ha nu̱ ro nzahki ge da pe̱fí ngu i ne kʼa Tsi Mähkí Tá (Salmo 40:8). Nsohtho, mu̱ da nxixthe da úhtibi yu̱ maʼra ge ya xi ʼuni kʼa ro nzahki kʼa Jehová. Kʼa má ra zo go o̱tehu̱ ha nu̱ ma nzahkihu̱ ge go xihmu̱ kʼa Tsi Mähkí Tá ge di ne go pe̱hpíbihu̱. Nuná ra ndo̱ zo, xo ta i kjá da mbödi nu̱ ma nzahkihu̱. ¿Té da zo da möxkí pa gi ne gi pe̱hpíbi kʼa Jehová?
1. ¿Té da möxkíhu̱ pa go ne go ʼunihu̱ nu̱ ma nzahkihu̱ kʼa Jehová?
Kʼa hmädí i kjá go ʼunihu̱ nu̱ ma nzahkihu̱ kʼa Jehová (1 Juan 4:10, 19). Nu̱ Biblia i xihkígihu̱: “Mädí kʼa ri Tsi Mähkí Tá Jehová ko goʼtho ri koraso, ko goʼtho ri nzahki, ko goʼtho ri mfeni nihi ko goʼtho ri tse̱dí” (Marcos 12:30). Kʼa hmädí di tsohu̱ po kʼa Jehová i nigi mu̱ te di mähmu̱ nihi ko kʼa te di pe̱hmu̱. Kjangutho mu̱ da nthähtí ʼna ʼbe̱hña ko ʼna ʼño̱ho̱ i ndo̱ nmädíui, nihi nkjanu̱ mu̱ nugohu̱ di mädíhu̱ kʼa Jehová, di xihmu̱ ge di ne go ʼunihu̱ nu̱ ma nzahkihu̱ nihi ge di ne go nxixthehu̱.
2. ¿Té ma nkjähpí i ʼuni kʼa Jehová ku̱ yo Testigo xi nxixthe?
Mu̱ nuke gi nxixthe, da zo gi nkja de kʼa ro miní i peʼtsi kʼa Jehová, ʼna miní i ndo̱ mpoho. Nkjanu̱ da zo gi tso kʼa hmädí i peʼtsi kʼa Tsi Mähkí Tá, nihi má da zo gi kuati ko gege (xödí Malaquías 3:16-18). Nihi kʼa Jehová da nkja kʼa ri Tá, nihi gi peʼtsi ʼna ri miní po goʼtho nu̱ ximojoi ge da ndo̱ mäʼkí, xo gegehu̱ i ndo̱ mädíhu̱ kʼa Tsi Mähkí Tá (xödí Marcos 10:29, 30). Pe ante gi nxixthe gi kjá kʼa gra pädi. Petsite gi pädi tó genkä Jehová, gi mädí nihi gi úhtite ge gi íhkjibi kʼa ro tʼu̱. Nihi gi xiʼ kʼa Jehová ge ho̱nse gege gi ʼuni nu̱ ri nzahki, nihi ge zäi gi pe̱hpíbi. Mu̱ gi kjá goʼtho nuná nihi mu̱ gi nxixthe, da zo gi ʼmu̱i ra ndo̱ zo nihi gi to̱ʼmi ʼna nzahki pa zäi. Nu̱ ro hñä kʼa Tsi Mähkí Tá i mä: “Nu̱ nxixthe [...] nuyá nihi ra föxkíkihu̱” (1 Pedro 3:21).
MA PÄDIHU̱ MÁ RA NGU DE NU̱ TEMA
Ma núhu̱ ó ra ndo̱ zo gi xiʼ kʼa Jehová ge gi ne gi ʼuni nu̱ ri nzahki pa gi pe̱hpíbi nihi ge gi ne nxixthe.
3. Di goʼthohu̱ da zo go juahnihu̱ tó di ne go pe̱hpíbihu̱
Ha kʼa hnini ga Israel, ʼra yä kjäʼni mi benihu̱ ge di zo di xo̱hkimbenihu̱ kʼa Jehová nihi kʼa tsʼo kjä Baal. Nsohtho kʼa Jehová bi guʼ kʼa ro profehta Elías pa di xiʼku̱ ge hi mbra zo kʼa mbra pe̱hmu̱. Xödíhu̱ 1 Reyes 18:21 nihi ñähu̱ de gehna:
¿Té bi me̱ʼ ku̱ Israelihta?
Ngu ku̱ Israelihta, nihi nugohu̱ petsite go juahnihu̱ tó di ne go pe̱hpíbihu̱. Xödíhu̱ Lucas 16:13 nihi ñähu̱ de gehna:
¿Ó mu̱ di xo̱hkimbenihu̱ kʼa Jehová yä hi ra zo go xo̱hkimbenihu̱ piʼra yä kjä?
¿Té da zo go pe̱hmu̱ pa da nú kʼa Jehová ge ho̱nse gege di ne go pe̱hpíbihu̱?
4. Beni te ta ngu i nekí kʼa Jehová
Kʼa Jehová xi nahkígihu̱ ndunthi yä chala regalo. ¿Pe té da zo go ʼunigohu̱? Núhu̱ nu̱ VIDEO.
¿Ankja xi ʼñúhtiki kʼa Jehová ge i ndo̱ mäʼkí? Xödíhu̱ Salmo 104:14, 15 ko nu̱ 1 Juan 4:9, 10, nihi ñähu̱ de gehna:
De goʼtho yu̱ chala regalo xi nahkígihu̱ kʼa Jehová, ¿ndänaku̱ má gi mähke?
Mu̱ gi nú gehya chala regalo, ¿té gi tso po gege?
Mu̱ tó i nahkígihu̱ ʼna regalo i kjá go mpohmu̱, di nehu̱ ge kʼa kjäʼni da bädi ge di ndo̱ kjamädíhu̱. Xödíhu̱ Deuteronomio 16:17 nihi ñähu̱ de gehna:
Mu̱ gi beni goʼtho kʼa xi naʼki kʼa Jehová, ¿kja ʼbu̱i kʼa té gi ne gi ʼuni gege? ¿Té da zo gi ʼuni?
5. Mu̱ go xihmu̱ kʼa Jehová ge di ne go pe̱hpíbihu̱ da ndo̱ kjähpígihu̱
Dunthi yä kjäʼni i benihu̱ ge mu̱ da meʼtsihu̱ ndunthi yä domi o mu̱ da döhmu̱ goʼtho kʼa i nehu̱ má da mpohmu̱. Pe, ¿kja hä i nkjanu̱? Núhu̱ nu̱ VIDEO nihi ñähu̱ de gehna:
Mu̱ kʼa ʼño̱ho̱ de nu̱ video mi ndo̱ nú ra zo nu̱ ntʼíni pelohta, ¿ó bi zogi?
Gege bi zogi nu̱ ntʼíni pelohta pa di zo di pe̱hpíbi kʼa Jehová. ¿Gi beni ge bi kjá kʼa ra zo? ¿Ó i nkjapu̱?
Ante di nkja kristiano kʼa apóstol Pablo, mi peʼtsi ʼna ʼbe̱fí mbra ndo̱ zo. Xo ka nxödí ko ʼna ʼño̱ho̱ mi ndo̱ pädi de kʼa ley judía. Pe bi hie̱gí goʼtho kʼa mi pädi pa di nkja kristiano. ¿Bi ndo̱ ʼñonfeni po kʼa bi me̱fí? Xödíhu̱ Filipenses 3:8 nihi ñähu̱ de gehna:
¿Ó bi mä kʼa Pablo ge goʼtho kʼa mi peʼtsi ante di nkja kristiano mi nkja ngu “ndunthi yä po̱hpaxi”?
¿Té bi dähä mu̱ nga zogi goʼtho kʼa mi peʼtsi?
¿Kja gi beni ge má gi ʼmu̱i ra zo mu̱ gi pe̱hpíbi kʼa Jehová? ¿Ó gi beni nkjanu̱?
Mu̱ nga nkjá kristiano kʼa Pablo, má bi dähä di geʼkä bi ʼbe̱di.
KʼA I MÄHMU̱ PIʼRA YÄ KJÄʼNI: “Xaʼtho gi tähä mu̱ gi pe̱hpíbi kʼa Tsi Mähkí Tá”.
¿Kja nuke gi beni ge ra zo gi ʼuni nu̱ ri nzahki kʼa Jehová pa gi pe̱hpíbi? ¿Ó i nkjanu̱?
KʼA KO PÄDI
Kʼa hmädí di tsohu̱ po kʼa Jehová i kjá go xihmu̱ ge di ne go pe̱hpíbihu̱ nihi ge di ne go nxixthehu̱.
Kʼa to núhu̱
¿Ó ra zo ge ho̱nse kʼa Jehová go mädíhu̱ ko goʼtho nu̱ ma korasohu̱ nihi ge ho̱nse gege go xo̱hkimbenibihu̱?
¿Té ma chala regalo i ʼuni kʼa Jehová ku̱ yo Testigo xi nxixthe?
¿Kja gi ne gi xiʼ kʼa Jehová ge gi ne gi ʼuni nu̱ ri nzahki pa gi pe̱hpíbi?
MÁ GI PÄDI DE GEHNA
Nú ankja ʼna kjäʼni mi túhu ko ʼna mi ʼíni bi ne bi pe̱hpíbiui kʼa Jehová.
Yu̱ bähtsí i ʼñönihu̱... ¿Té go pe̱fí ko nu̱ ma nzahki? Mu̱ di beni kʼa to o̱te... (6:54)
Nú maʼra yä rraso i ʼbu̱i pa gi ne gi pe̱hpíbi kʼa Jehová.
“¿Ó ra zo gi xiʼ kʼa Jehová ge gi ne gi pe̱hpíbi?” (La Atalaya, 15 de enero de 2010)
Nú ha nuná video ga ʼbidá ankja ga mpoho ku̱ i pe̱hpíbi kʼa Jehová.
Xödí ankja ʼna ʼbe̱hña bi mbeni ra zo kʼa di me̱fí ha nu̱ ro nzahki “Po ndunthi yä kjea do ʼñöni ó di ʼbu̱fu̱ua”.
“Nu̱ Biblia bi kjá di mbödihu̱ ku̱ yo nzahki” (La Atalaya, 1 de noviembre de 2012)