NTʼUDI 12
¿Té da möxkí pa hin gi he̱gí gi nxödí nu̱ Biblia?
Mu̱ gi nxödí nu̱ Biblia i nkja ngu mu̱ gi maʼ ha ʼna luga ra ndo̱ nchala. Pe hi zäi da zo gi kjá. ʼRa yä bes ta gi ʼñöni kja zäi da zo gi nxödí. Pe, ¿ó ra zo gi mpexke? ¿Té da möxkí pa hin gi hie̱gí nu̱ ri nxödí mahke gi thogi yu̱ ra nthí?
1. ¿Ó ra zo go xödíhu̱ nu̱ Biblia?
“Kʼa ro hñä kʼa Tsi Mähkí Tá i peʼtsi nzahki nihi i peʼtsi tse̱dí” (Hebreos 4:12). Nu̱ Biblia ge ʼna libro ra ndo̱ zo xo nupu̱ i mä kʼa i mbeni kʼa Tsi Mähkí Tá nihi kʼa i tso po nuke. Hi ho̱nse da möxkí pa má gi pädi, nihi da möxkí pa gi pädi ra zo kʼa gi pe̱fí, nihi i xihkígihu̱ kʼa di to̱ʼmihu̱ pa ri mäní. Pe kʼa má ra zo, nu̱ Biblia da möxkí pa da zo gi nkja ro amigo kʼa Jehová. Mu̱ zäi gi xödí nu̱ Biblia, gra he̱gí da ñu̱ti kʼa ro tse̱dí ha nu̱ ri nzahkí.
2. ¿Ó ra zo go pädíhu̱ ge kʼa xi nthutsí ha nu̱ Biblia, hä ra ndo̱ zo?
Goʼtho kʼa i úhtite nu̱ Biblia i nkja ngu yä tesoro ra ndo̱ mädí. Nsohtho i xihkígihu̱: “Töy kʼa hä ra zo pe hin gi pö” (Proverbios 23:23). Mu̱ hin go däbenihu̱ kʼa ra zo i úhtite nu̱ Biblia, má go mpexkehu̱ pa hin go he̱gíhu̱ go nxödíhu̱, mahke go thogihu̱ ku̱ ra nthí (xödí Proverbios 2:4, 5).
3. ¿Té da me̱ʼ kʼa Jehová pa hin gi hie̱gí gi nxödí?
Kʼa Jehová xi O̱te goʼtho yu̱ i ʼbu̱i xo i peʼtsi goʼtho kʼa tse̱dí, nihi ri amigo, gege i ndo̱ pädi ra zo a gi nkja nihi i ne da möxkí pa má gi pädi de gege. Kʼa Tsi Mähkí Tá da zo da naʼkí “kʼa gi ne nihi kʼa tse̱dí pa gi kjá” (xödí Filipenses 2:13). Po gehna, mu̱ ʼra yä mpa gi höní da möxkí pa gi nxödí o pa da zo gi kjá kʼa gra pädi, gege da ma möxkí. Nihi, gege da naʼkí tse̱dí pa gi tse̱htí yu̱ ra nthí gi thogi o mu̱ hi i the̱gí gi nxödí. Hin gi hie̱gí gi ʼyöhpí kʼa Jehová da möxkí pa gi nxödí nu̱ Biblia (1 Tesalonicenses 5:17).
MA PÄDIHU̱ MÁ RA NGU DE NU̱ TEMA
Ma núhu̱ té da zo gi pe̱fí pa hin gi hie̱gí nu̱ ri nxödí de nu̱ Biblia mahke piʼra hi i nú ra zo kʼa ri nxödí o mu̱ gi peʼtsi ndunthi ri ʼbe̱fí. Nihi go ma núhu̱ té da me̱ʼ kʼa Jehová po nuke pa hin gi hie̱gí gi nxödí.
4. Pädi ra zo ge mu̱ gi nxödí nu̱ Biblia genkʼa má ra ndo̱ zo pa nuke
ʼRa yä mpa di peʼtsihu̱ ndunthi yä ʼbe̱fí, po gehna ra nthí go xödíhu̱ nu̱ Biblia. Pe, ¿té da zo go pe̱hmu̱? Xödíhu̱ Filipenses 1:10 nihi ñähu̱ de gehna:
Pa nuke, ¿“té ʼbenku̱ má ra ndo̱ zo”?
¿Té da zo gi o̱te pa gi nxödí nu̱ Biblia ʼme̱tʼo de goʼtho kʼa ri ʼbe̱fí gi peʼtsi?
Mu̱ go ñuhtíhu̱ ʼna baso ga ʼbömú mapia go u̱tihu̱ yä dó, yu̱ dó hin da ma ntsoui.
Pe, mu̱ ʼme̱tʼo gi ʼyu̱ti ku̱ dó, da zo da ntsoui goʼtho ku̱ ʼbömú. Nihi i nkjapu̱ ha nu̱ ri nzahki, mu̱ ʼme̱tʼo gi o̱te ku̱ “má ra ndo̱ zo”, da bongi ri luga pa gi ʼyo̱te goʼtho ku̱ piʼra ri ʼbe̱fí.
Mu̱ di xödíhu̱ nu̱ Biblia i kjá go mpohmu̱ xo dra pädihu̱ de kʼa Tsi Mähkí Tá, kʼa di ne go mähmu̱, i kjá go ne go pädíhu̱ tó genkʼa nihi ankja go xo̱hkimbenibihu̱. Xödíhu̱ Mateo 5:3 nihi ñähu̱ de gehna:
Mu̱ zäi go xödíhu̱ nu̱ Biblia, ¿ankja da möxkígihu̱?
5. Hin gi hie̱gí gi nxödí nu̱ Biblia mahke yu̱ piʼra hin da núki ra zo
ʼBu̱i ʼra yä kjäʼni da xiʼkí ge hi ra zo gi nxödí nu̱ Biblia. Nú kʼa bi thogi kʼa Francesco. Núhu̱ nu̱ VIDEO nihi ñähu̱ de gehna:
¿Té bi mä ku̱ yo miní ko ku̱ yo kompa kʼa Francesco mu̱ nga xiʼku̱ kʼa mbra pädi?
¿Ó ra zo hin ga he̱gí kʼa ro nxödí kʼa Francesco?
Xödíhu̱ 2 Timoteo 2:24, 25 nihi ñähu̱ de gehna:
¿Té i beni ku̱ ri miní ko ku̱ ri amigo de kʼa gra pädi?
Ngu i mä gehya xe̱ni, ¿ankja gi thädí mu̱ ʼna kjäʼni hi i ne gi nxödí nu̱ Biblia? ¿Ó i nkjapu̱?
6. Da zo gi íhkji ge kʼa Jehová da möxkí
Mu̱ má da ze̱di nu ma íhkjihu̱ po kʼa Tsi Mähkí Tá, má go ne go kjáhu̱ da mpoho. Pe, mahke nkjanu̱, da zo go tsohu̱ ra nthí go mbödihu̱ nu̱ ma nzahkihu̱ ngu i mä ku̱ yo hmända. Mu̱ ʼna mpa gi tso nkjanu̱, tse̱htí, kʼa Jehová da ma möxkí. Núhu̱ nu̱ VIDEO nihi ñähu̱ de gehna:
Ngu i mä nu̱ video, ¿té bi me̱ʼ kʼa Jim pa di kjá kʼa mi ödí kʼa Jehová?
¿Té ʼbenkʼa má gi núge ra zo de kʼa bi thogi kʼa Jim?
Xödíhu̱ Hebreos 11:6 nihi ñähu̱ de gehna:
¿Té da me̱ʼ kʼa Jehová po goʼtho “ku̱ i höní ko ndunthi hmädí”, kʼa di ne go mähmu̱, ku̱ i o̱te tse̱dí pa da bädihu̱ a i nkja nihi pa da kjáhu̱ da mpoho?
¿Té gi beni ge i tso kʼa Jehová mu̱ gi mpexke pa hin gi hie̱gí gi nxödí nu̱ Biblia?
KʼA I ʼÑÖNIHU̱ PIʼRA YÄ KJÄʼNI: “¿Xi nuke ó gi nxödí nu̱ Biblia?”.
¿Té gi thädí?
KʼA KO PÄDI
Mahke ngu ra nthí gi xödí nu̱ Biblia, da möxkí pa zäi gi mpoho. Mu̱ zäi gi íhkji kʼa Jehová, gege da naʼkí kʼa gi höní.
Kʼa to núhu̱
¿Ó gi mädí goʼtho kʼa i úhtite nu̱ Biblia?
Mu̱ ya ko pädi “té ʼbenku̱ má ra ndo̱ zo”, ¿té ʼbenkʼa gi pe̱hke?
¿Ó ra zo gi ʼyöhpi kʼa Jehová da möxkí, pa hin gi hie̱gí gi nxödí nu̱ Biblia?
MÁ GI PÄDI DE GEHNA
Töti goho yä mföxte xi mötsí ndunthi yä kjäʼni pa da gu̱ ra zo kʼa ro tiempo.
“Ankja da zo da kʼu̱ ra zo kʼa tiempo” (¡Despertad!, febrero de 2014)
ʼNa ʼbe̱hña mi ne di o̱te kʼa mi ne kʼa Tsi Mähkí Tá, pe kʼa ro nzoya hi mi pädi goʼtho kʼa mi o̱te gege pa di zo di kjápu̱. Nú ankja ga mötsí kʼa Jehová.
Kʼa Jehová i nahkígihu̱ tse̱dí pa go hotihu̱ ku̱ ra nthí di thogihu̱ (5:05)
Nú ankja ʼna ʼbe̱hña bi mötsí kʼa ro nzoya mu̱ nga ze̱htí goʼtho kʼa bi thogi.
Kʼa ndra pädi de nu̱ Biblia do kjá bi maʼ ha ʼna juicio (6:30)
ʼRa yä bes i hmä ge yu̱ testigo ga Jehová i kjá da ʼuege yu̱ miní. ¿Pe, hä i nkjapu̱?
“¿Yu̱ testigo ga Jehová i kjá da ʼuege yu̱ miní gua i kjá má da nmädíhu̱?” (Artículo de jw.org)