NTʼUDI 45
¿Ó yu̱ chala kristiano hi i fötsíhu̱ yu̱ políhtiko?
Kʼa Hesu bi úhtite ge ku̱ yo te̱nite “hi i nkjáhu̱ ngu yu̱ kjäʼni de nu̱ ximojoi” (Juan 15:19). Nuná i ne da mä ge hin di fötsíhe kʼa i pe̱h yu̱ kjäʼni, ngu mu̱ i thahni yu̱ políhtiko nihi hin di mföxtehe mu̱ i ntú yä hnini. Pe, ʼra yä bes ra nthí go kjáhe nkjanu̱, xo yu̱ kjäʼni i tsobigihe. Pe, ¿té da zo go pe̱hmu̱ pa hin go fötsíhu̱ kʼa i pe̱h yu̱ kjäʼni nihi pa hin go ʼuegehu̱ de kʼa Jehová?
1. ¿Ankja ga nú yu̱ chala kristiano yu̱ ndä i ʼbu̱hya?
Yu̱ kristiano di o̱htehe yu̱ ndä. Xo kʼa Hesu bi mä: “ʼUnihu̱ kʼa César kʼa ro me̱hti kʼa César”. Xo genkä di kjáhe: di ʼo̱htehe ku̱ yo hmända de kʼa hnini abu̱ di ʼbu̱fe, nihi di kjutʼihe nu̱ dehe, nu̱ tsibí nihi de ku̱ te di peʼtsihe (Marcos 12:17). Nu̱ Biblia i úhtigihu̱ ge kʼa Jehová xi ʼuni tʼidi yu̱ ndä i ʼbu̱hkua ha nu̱ ximojoi pa da kjáhu̱ kʼa ro ʼbe̱fí (Romanos 13:1). Nsohtho di pädihe ge yu̱ ndä, hi i peʼtsihu̱ kʼa tse̱dí ngu kʼa i peʼtsi kʼa Tsi Mähkí Tá. Di íhkjihe ge kʼa Tsi Mähkí Tá ko kʼa ro Reino i ʼbu̱i a jitsi da ma gu̱ʼtsi goʼtho yu̱ ra ndo̱ ntsʼo i thoh yu̱ kjäʼni.
2. ¿Ankja dra úhtitehe ge hin di fötsíhe yu̱ políhtiko de nu̱ ximojoi?
Ngu bi me̱ʼ kʼa Hesu nihi nugohe hin di fötsíhe yu̱ políhtiko. Mu̱ ku̱ kjäʼni bi núhu̱ ʼna de ku̱ yo milagro bi o̱te kʼa Hesu bi ne bi kjáhpihu̱ ndä nuua ha nu̱ Joi, pe gege hin ga ne (Juan 6:15). ¿Ó hin ga ne? Gege bi mä: “Kʼa ma Reino hi i ʼbu̱i ha nuná ximojoi” (Juan 18:36). Yu̱ di te̱nihe kʼa Hesu di úhtitehe ge hin di kjáhe kʼa i kjá yu̱ kjäʼni. Nugohe hin di pöhme abu̱ i ntú yä hnini (xödí Miqueas 4:3). Mahke hin di núhe ra ntsʼo yu̱ bándera hin di xo̱hkimbenihe ngu i kjá yu̱ kjäʼni (1 Juan 5:21). Nihi hin di fötsíhe yu̱ políhtiko, nin di ñähe ra ntsʼo o ra zo de gegehu̱. Nkjanu̱ di úhtitehe ge ho̱nse di o̱htehe kʼa ro Reino kʼa Tsi Mähkí Tá.
MA PÄDIHU̱ MÁ RA NGU DE NU̱ TEMA
Ma núhu̱ kʼa go thogihu̱ mu̱ hin go fötsíhu̱ kʼa i pe̱h yu̱ políhtiko nihi ma núhu̱ té ʼbenkä da zo gi pe̱hke pa gi kjá da mpoho kʼa Jehová.
3. Yu̱ chala kristiano hin di kjáhe kʼa i pe̱h yu̱ políhtiko
Kʼa Hesu ko ku̱ yo te̱nite bi ʼñúhtigihu̱ ankja go kjáhu̱. Xödíhu̱ Romanos 13:1, 5-7 ko nu̱ 1 Pedro 2:13, 14. ʼMe̱fa núhu̱ nu̱ VIDEO nihi ñähu̱ de gehna:
¿Ó ra zo go o̱htehu̱ yu̱ ndä?
¿Ankja dra úhtitehu̱ ge di o̱htehu̱ kʼa i mä yu̱ ndä?
Mu̱ i nkja yä ntú, ʼra yä hnini i mähmu̱ ge hin da mötsíhu̱ ku̱ ra ntú, pe mahke i mähmu̱ nkjanu̱ hä i mföxtehu̱. ¿Ko kʼa i pe̱hmu̱ i úhtitehu̱ ge hi i mföxtehu̱? Xödíhu̱ Juan 17:16. ʼMe̱fa núhu̱ nu̱ VIDEO nihi ñähu̱ de gehna:
¿Té i ne da mä hin go fötsíhu̱ yu̱ políhtiko?
ʼRa yä bes yu̱ áhte i ödí da tʼo̱te ku̱ hi i nú ra zo kʼa Tsi Mähkí Tá. ¿Té go pe̱hmu̱ mu̱ da thogi nkjanu̱? Xödíhu̱ Hechos 5:28, 29. ʼMe̱fa núhu̱ nu̱ VIDEO nihi ñähu̱ de gehna:
Mu̱ yu̱ áhte da xihkígihu̱ ge hin go o̱htehu̱ ʼna de ku̱ yo hmända kʼa Tsi Mähkí Tá, ¿tó gehkä go o̱htehu̱?
¿Kja ko beni té da ʼyödí yu̱ áhte ge hin da ne da kjáhu̱ yu̱ kristiano?
4. Úhtite ge hin gi fötsí yu̱ políhtiko ko kʼa gi beni nihi ko kʼa gi pe̱fí
Xödíhu̱ 1 Juan 5:21. ʼMe̱fa núhu̱ VIDEO nihi ñähu̱ de gehna:
¿Ó kʼa Ayenge hin ga ne ga mötsí ku̱ políhtiko nin ga ne ga xo̱hkimbeni kʼa bándera?
¿Gi beni ge bi kjá kʼa ra zo?
¿Té pi da kjá go úhtitehu̱ ge hin di fötsíhu̱ yu̱ kjäʼni o yu̱ políhtiko? Núhu̱ nu̱ VIDEO nihi ñähu̱ de gehna:
¿Ankja da zo go úhtitehu̱ ge hin di fötsíhu̱ ʼna hnini mu̱ i ʼíni ko piʼra yä hnini?
¿Ankja da zo go úhtitehu̱ ge hin di fötsíhu̱ ku̱ políhtiko mu̱ i mähmu̱ ge i ne da kjáhu̱ kʼa ra zo mahke hi i nkjanu̱?
¿Té ʼbenkä da kjá go tsohu̱ kʼa i mä ku̱ noticia nihi kʼa i mä yä kjäʼni de nugohu̱?
¿Kjäʼmu̱ da zo da úhtite ʼna kristiano ge hi i fötsí yu̱ políhtiko ko kʼa i beni nihi ko kʼa i pe̱fí?
KʼA I ʼÑÖNIHU̱ PIʼRA YÄ KJÄʼNI: “¿Ó hin gi túpibihu̱ nin gi ze̱nguahu̱ nu̱ bándera?”.
¿Té gi thähke?
KʼA KO PÄDI
Yu̱ kristiano i ndo̱ o̱tehu̱ tse̱dí pa hin da mötsíhu̱ yu̱ políhtiko, i úhtitehu̱ ge i kjáhu̱ nkjanu̱ mu̱ ga ñähu̱, ankja ga ʼmu̱fu̱ nihi ko kʼa i pe̱hmu̱.
Kʼa to núhu̱
¿Kjäʼmu̱ da zo go o̱htehu̱ yu̱ ndä?
¿Ó hin di fötsíhu̱ yu̱ políhtiko?
¿Té ʼbenku̱ da thogi pa da zo go úhtitehu̱ ge hin di fötsíhu̱ yu̱ políhtiko?
MÁ GI PÄDI DE GEHNA
¿Té ʼbenkä má go kjáhu̱ pa go úhtitehu̱ ge hin di fötsíhu̱ yu̱ políhtiko?
¿Té da zo da me̱fí yu̱ miní pa da bädihu̱ té da me̱hmu̱ mu̱ da thsifí da zenguahu̱ nu̱ bándera o da túpibihu̱?
Ndunthi yä kjäʼni i tsohu̱ ge i kjáhu̱ kʼa ra zo mu̱ i fendehu̱ nu̱ ro hnini, ¿pe kja hä i nkjanu̱?
¿Ankja dra úhtitehu̱ ge hin di kjáhu̱ kʼa i o̱te yu̱ kjäʼni de nu̱ ximojoi mu̱ di höníhu̱ ʼna ma ʼbe̱fíhu̱?
“Kada ʼna da tʼöhpí guenda de kʼa i pe̱fí” (La Atalaya, 15 de marzo de 2006)