15 ਉਸ ਨੇ ਬੈਤੇਲ ਵਿਚ ਬਣੀ ਵੇਦੀ ਅਤੇ ਨਬਾਟ ਦੇ ਪੁੱਤਰ ਯਾਰਾਬੁਆਮ ਦੁਆਰਾ ਬਣਾਈ ਉੱਚੀ ਥਾਂ ਨੂੰ ਢਾਹ ਸੁੱਟਿਆ ਜਿਸ ਕਰਕੇ ਇਜ਼ਰਾਈਲੀਆਂ ਨੇ ਪਾਪ ਕੀਤਾ ਸੀ।+ ਉਸ ਵੇਦੀ ਅਤੇ ਉੱਚੀ ਥਾਂ ਨੂੰ ਢਾਹੁਣ ਤੋਂ ਬਾਅਦ ਉਸ ਨੇ ਉੱਚੀ ਥਾਂ ਨੂੰ ਸਾੜ ਸੁੱਟਿਆ ਤੇ ਇਸ ਦਾ ਚੂਰਾ-ਭੂਰਾ ਕਰ ਦਿੱਤਾ ਅਤੇ ਪੂਜਾ-ਖੰਭੇ* ਨੂੰ ਸਾੜ ਸੁੱਟਿਆ।+

16 ਜਦੋਂ ਯੋਸੀਯਾਹ ਨੇ ਮੁੜ ਕੇ ਪਹਾੜ ʼਤੇ ਕਬਰਾਂ ਦੇਖੀਆਂ, ਤਾਂ ਉਸ ਨੇ ਕਬਰਾਂ ਤੋਂ ਹੱਡੀਆਂ ਮੰਗਵਾ ਕੇ ਵੇਦੀ ʼਤੇ ਸਾੜ ਦਿੱਤੀਆਂ ਜਿਸ ਕਰਕੇ ਇਹ ਭ੍ਰਿਸ਼ਟ ਹੋ ਗਈ। ਇਹ ਯਹੋਵਾਹ ਦੇ ਉਸ ਬਚਨ ਅਨੁਸਾਰ ਹੋਇਆ ਜੋ ਸੱਚੇ ਪਰਮੇਸ਼ੁਰ ਦੇ ਬੰਦੇ ਨੇ ਬੋਲਿਆ ਸੀ।+

33 ਫਿਰ ਯੋਸੀਯਾਹ ਨੇ ਇਜ਼ਰਾਈਲੀਆਂ ਦੇ ਸਾਰੇ ਇਲਾਕਿਆਂ ਵਿੱਚੋਂ ਸਾਰੀਆਂ ਘਿਣਾਉਣੀਆਂ ਚੀਜ਼ਾਂ* ਕੱਢ ਦਿੱਤੀਆਂ+ ਅਤੇ ਉਸ ਨੇ ਇਜ਼ਰਾਈਲ ਵਿਚ ਸਾਰਿਆਂ ਕੋਲੋਂ ਉਨ੍ਹਾਂ ਦੇ ਪਰਮੇਸ਼ੁਰ ਯਹੋਵਾਹ ਦੀ ਭਗਤੀ ਕਰਾਈ। ਉਸ ਦੇ ਜੀਉਂਦੇ-ਜੀ* ਉਹ ਆਪਣੇ ਪਿਉ-ਦਾਦਿਆਂ ਦੇ ਪਰਮੇਸ਼ੁਰ ਯਹੋਵਾਹ ਦੇ ਮਗਰ ਚੱਲਣੋਂ ਨਹੀਂ ਹਟੇ।