2 ਉਸ ਸਮੇਂ ਅਹਜ਼ਯਾਹ ਸਾਮਰਿਯਾ ਵਿਚ ਆਪਣੇ ਚੁਬਾਰੇ ਦੀ ਛੱਤ ਦੇ ਜੰਗਲ਼ੇ ਵਿੱਚੋਂ ਦੀ ਹੇਠਾਂ ਡਿਗ ਪਿਆ ਅਤੇ ਜ਼ਖ਼ਮੀ ਹੋ ਗਿਆ। ਇਸ ਲਈ ਉਸ ਨੇ ਸੰਦੇਸ਼ ਦੇਣ ਵਾਲਿਆਂ ਨੂੰ ਭੇਜਿਆ ਅਤੇ ਉਨ੍ਹਾਂ ਨੂੰ ਕਿਹਾ: “ਜਾਓ, ਅਕਰੋਨ+ ਦੇ ਦੇਵਤੇ ਬਆਲ-ਜ਼ਬੂਬ ਤੋਂ ਪੁੱਛੋ ਕਿ ਮੇਰੀਆਂ ਸੱਟਾਂ ਠੀਕ ਹੋਣਗੀਆਂ ਜਾਂ ਨਹੀਂ।”+

16 ਏਲੀਯਾਹ ਨੇ ਰਾਜੇ ਨੂੰ ਜਾ ਕੇ ਕਿਹਾ, “ਯਹੋਵਾਹ ਇਹ ਕਹਿੰਦਾ ਹੈ: ‘ਤੂੰ ਅਕਰੋਨ+ ਦੇ ਦੇਵਤੇ ਬਆਲ-ਜ਼ਬੂਬ ਤੋਂ ਪੁੱਛਣ ਲਈ ਬੰਦਿਆਂ ਨੂੰ ਭੇਜਿਆ। ਕੀ ਇਸ ਲਈ ਕਿ ਇਜ਼ਰਾਈਲ ਵਿਚ ਕੋਈ ਪਰਮੇਸ਼ੁਰ ਨਹੀਂ?+ ਤੂੰ ਉਸ ਕੋਲੋਂ ਕਿਉਂ ਨਾ ਪੁੱਛਿਆ? ਇਸ ਲਈ ਜਿਸ ਪਲੰਘ ʼਤੇ ਤੂੰ ਲੰਮਾ ਪਿਆ ਹੈਂ, ਤੂੰ ਉਸ ਤੋਂ ਨਹੀਂ ਉੱਠੇਂਗਾ ਕਿਉਂਕਿ ਤੂੰ ਜ਼ਰੂਰ ਮਰ ਜਾਵੇਂਗਾ।’”